„ბატონი სააკაშვილი კარგი მსახიობია“ - ღარიბაშვილი მიუნხენის კონფერენციაზე
„თქვენ ახსენეთ ფოტოები. ვიტყვი, რომ ბატონი სააკაშვილი კარგი მსახიობია. საქართველოს მთავრობა ყველაფერს აკეთებს, მაქსიმალურ მხარდაჭერას უზრუნველყოფს. ჩვენ შევთავაზეთ მის ოჯახს, რომ ჩამოიყვანონ ნებისმიერი ექიმი, ნებისმიერი ქვეყნიდან, ნებისმიერი კლინიკიდან, რომ გაუწიოს, თუ სჭირდება, სამედიცინო მხარდაჭერა, საქართველოში“, - განაცხადა ღარიბაშვილმა.
მისივე თქმით, სააკაშვილი „ახალი რევოლუციისა და „მასობრივი მკვლელობებისთვის“ დაბრუნდა საქართველოში, კონტეინერში ორი დღის გატარების შემდეგ. ექსპრეზიდენტის ოჯახმა კი მილიონი გადაიხადა აგრესიული მედიაკამპანიის საწარმოებლად მთელ მსოფლიოში.
„რაც თქვენ გესმით, რასაც ხედავთ ვიდეოზე, „ფეისბუქზე“, სოციალურ ქსელებში, არ ასახავს რეალობას. არავინ დგას კანონის ზემოთ, ჩვენ ვაშენებთ ძალიან ძლიერ დემოკრატიას საქართველოში, ვაშენებთ დემოკრატიულ ინსტიტუტებს“, - განაცხადა ღარიბაშვილიმა.
მიხეილ სააკაშვილი 2021 წლის 1 ოქტომბერს დააპატიმრეს. 2022 წლის 12 მაისიდან ის კლინიკაში გადაიყვანეს. მისი ოჯახის წევრები და ადვოკატები ამბობენ, რომ ექსპრეზიდენტის ჯანმრთელობის მდგომარეობა უარესდება. იმავეზე მიუთითებს არასამთავრობო ორგანიზაცია "ემპათიის" დასკვნაც, რომლის შედგენაშიც მონაწილეობდა არაერთი (მათ შორის ამერიკელი) სამედიცინო ექსპერტი. სააკაშვილის მონახულებაც ელოდება სახალხო დამცველის მიერ შექმნილი კონსილიუმიც.
ოჯახის მოთხოვნაა, რომ სააკაშვილმა მკურნალობა უცხოეთში გააგრძელოს. ეს თხოვნა არ გაითვალისწინა სასამართლომ და ყოფილი პრეზიდენტი საქართველოში დატოვა.