გორში ექვს საარჩევნო უბანზე ბიულეტენები გადათვალეს
„ძირითადი გაყალბება მოხდა გარეთ „სომხური კარუსელის” სახით, ამიტომ ამას უბნების გადათვლა არ უშველის. თითქმის ყველა უბანს აკლია ბიულეტენი ოქმში, რაც ნათლად მოწმობს რომ ბიულეტენები გაიტანეს უბნებიდან”, – ამბობს მამუკა ფანიაშვილი.
2 ოქტომბრის ადგილობრივ თვითმმართველობის არჩევნებზე გორის მომავალი მერის ვინაობა პირველივე ტურში გაირკვა.
მერის არჩევნებში გაიმარჯვა „ქართული ოცნების" კანდიდატმა, ოლიმპიურმა ჩემპიონმა ვლადიმერ ხინჩეგაშვილმა - 52.9%-ით; „ერთიანი ნაციონალური მოძრაობის" კანდიდატმა ვასილ მახარობლიშვილმა 31.6% მიიღო; კონსტანტინე ანანიაშვილმა - 12.84%; „ევროპული საქართველოს" კანდიდატმა ეთერ ჯალაღონიამ - 2.57%.