სტატისტიკის სამსახური: ივლისში რუსეთში გარდაიცვალა COVID-19-ის მქონე 50,000-ზე მეტი ადამიანი
როსსტატის თანახმად, ივლისში დაიღუპა COVID-19-ის მქონე 50,421 ადამიანი, თუმცა აქედან მხოლოდ 38,992-ის სიკვდილი იყო უშუალოდ ამ დაავადებით გამოწვეული. 5,200-მდე შემთხვევაში ვირუსს მიიჩნევენ სიკვდილის სავარაუდო მიზეზად, თუმცა აცხადებენ, რომ მეტი გამოძიებაა საჭირო. კიდევ 1,500 შემთხვევაში ვირუსი იყო სიკვდილის ერთ-ერთი ფაქტორი, თუმცა არა მთავარი მიზეზი. კიდევ 4,800-მდე ინფიცირებული ადამიანის სიკვდილი ვირუსს არ უკავშირდებოდა - აცხადებს როსსტატი.