Islandsk motstand for Halden
Haldens handballherrar skal ut mot islandske Valur i kvartfinalen i Challenge Cup.
Halden slo ut russiske Neva i ein høgdramatisk bortekamp då kvartfinalebilletten vart sikra søndag.
Mannskapet til Jan Thomas Lauritzen skal ha heimekamp først. Han blir spelt anten 21. eller 22. mars. Returkampen går helga etter.
Vinnaren skal møte vinnaren av greske AEK Aten og Potaisa Turda frå Romania i semifinalen. Den første av det oppgjeret blir spelt 25. eller 26. april. Også der får Halden heimekamp først dersom det blir avansement.