Glimt-trenaren sa nei til VIF
Bodø/Glimts trenar Kjetil Knutsen har takka nei til trenartilbod frå Vålerenga, skriv VG.
Oslo-klubben er på trenarjakt etter at Ronny Deila slutta tidlegare denne månaden, og spurde Knutsen denne veka om han var interessert.
Men det var han ikkje, får VG stadfesta frå klubben. Knutsen leia Bodø/Glimt til sølv i serien i fjor, klubbens første medalje sidan 2003.