Rettssaka mot Diack utsett
Rettssaka mot den tidlegare internasjonale friidrettspresidenten Lamine Diack er utsett inntil vidare, og kan tidlegast ta til i juni.
Diack (86) var president i IAAF (det internasjonale friidrettsforbundet) frå 1999 til 2015, og er etterforska for skuldingar om at han skal ha teke imot millionar av dollar for å dekke over positive dopingprøver frå 23 russiske utøvarar.
Det er Frankrikes økonomi-politi som har etterforska Diack i fire år. Rettssaka er utsett på grunn av opplysningar som nyleg har kome fram.