Саратов вилоятида автоҳалокат туфайли уч нафар ўзбекистонлик муҳожир ўлим топди…
Фожиа шу йил 16 январ куни «Нижний Новгород-Арзамас-Саранск-Исса-Пенза-Саратов» автомобил йўлининг 580- километрида маҳаллий вақт билан соат тахминан 08: 20 да содир бўлди. Икки автомобил ўзаро тўқнашиб кетди. «Волга» русумли автомобилда фақат ҳайдовчи бўлган. У ҳалок бўлди. Иккинчи автомобилда эса ўзбекистонлик муҳожирлар ўтирганди. Уларнинг уч нафари оламдан ўтди, беш нафари турли даражада жароҳатлар олди. Жабрланувчиларга ўз вақтида тез тиббий ёрдам кўрсатилгани ҳақида Саратов вилоят соғлиқни сақлаш вазири Наталья Мазина расман маълум қилган.
