Алия-Ришат Төхвәтуллиннар туй образларын күрсәтте - видео
Бүген җырчы Ришат Төхвәтуллин белән Алия Карачуринаның туе. Яшьләр бәйрәм тантанасына әзерлек процессын сторисларында бәйнә-бәйнә күрсәтеп баралар. Алиянең иртәсе бер матур кунакханә номерында башланган. Биредә кәләшкә макияж һәм прическа ясадылар.
Кияү егете Ришат аны холлда көтеп тора, дулкынлануын яшерми.
«Ничә җырда җырлаган кеше бит инде мин. Нәрсәсенә борчыласың инде ул туйның. Үтә дә китә бит инде, көне буе тостлар тыңлыйсың да дип уйлаган идем. Ләкин иртән уяну белән дулкынлану хисе биләп алды. Менә хәзер Алияне көтеп утырганда тагын да ныграк борчыла башладым. Нигә икәнен дә аңламыйм», – дип көлгән Ришат.
Берничә минуттан Алия Төхвәтуллинаның (Карачурина) сәхифәсендә дә бик кызык рилс пәйда булды. Машинада барганда Алия Ришат турында: «Нигәдер ул миңа ошамый башлады… Прическасы да ямьсез, кофтасы да «колхозная». Кире кайтарырга мөмкинме?» – дип сөйләгән. Ахырдан исә: «Шаяртаааам, Ришатым матурларның да матуры!» – дигән.
Рилста кияү белән кәләшнең тулы образларын да күрергә мөмкин. Чыннан да матурлар бит?