Финанс белгече: Доллар һәм евро сатып алуның мәгънәсе бүтән юк
Икътисад фәннәре кандидаты, финанс аналитигы Михаил Беляев рубльне бүгенге көндә россиялеләр өчен иң отышлы валюта дип атады. «Российская газета» шул хакта яза.
Эксперт чит ил валютасын сатып алуның мәгънәсе булмавын әйткән. Аның сүзләренә караганда, моны рубльнең тотрыксыз булган вакытында – Россия валютасына карата башка валюталар үскән вакытта эшләргә кирәк иде. Беляев Москва-24 каналына биргән интервьюсында мондый чорның узуын һәм акчаны саклап калу максатыннан ниндидер башка валютага салуның мәгънәсе булмавы турында аңлаткан.