Բրիտանական զեկույց․ Պուտինը «հավանաբար հավանություն է տվել» Լիտվինենկոյի սպանությանը
The New York Times-ի փոխանցմամբ՝ բրիտանական Գերագույն դատարանի պաշտոնաթող դատավոր Ռոբերտ Օուենի գլխավորությամբ անցկացված հետաքննության արդյունքներն ընդգրկվել են 328-էջանոց զեկույցում:
«Ամբողջովին հաշվի առնելով ինձ հասանելի բոլոր փաստերը և վերլուծությունները, գտնում եմ, որ պարոն Լիտվինենկոյին սպանելու՝ Անվտանգության դաշնային ծառայության գործողությանը հավանաբար հավանություն են տվել պարոն Պատրուշևը և նաև նախագահ Պուտինը», - զեկույցում գրել է Օուենը:
ԿԳԲ-ի և Ռուսաստանի Անվտանգության դաշնային ծառայության նախկին աշխատակից, այնուհետև՝ Պուտինի քննադատ Լիտվինենկոն ապրում էր Մեծ Բրիտանիայում, մահացել է 2006 թվականին: Բրիտանացի քննիչները եզրակացրել են, որ նա երկու ռուս տղամարդու հետ թեյ խմելիս է թունավորվել և երեք շաբաթ անց մահացել: