16 апрельгә һава торышы һәм ай календаре
16 апрельдә Татарстанда алмашынучан-болытлы һава торышы була. Төнлә явым-төшемнәр көтелми. Иртән һәм көндез урыны белән бераз яңгыр явачак. Көньяк-көнбатыштан, төньяк-көнбатыштан 6-11 метр тизлектә, көндез урыны белән 15-18 метр тизлектә көчле җил. Төнлә һава температурасы +4..+9˚, көндез +15..+20˚ градус.
Кимүче ай, ай Чаян йолдызлыгында.
Бүлмәдә үсә торган үсемлекләрне, рассаданы сугару, ашлау. Рассаданы аерып утырту өчен уңай вакыт. Кура җиләге, карлыган, крыжовник, зелпе, миләш, шулай ук роза утырту өчен уңай көн. Бүлмә гөлләрен күчереп утыртырга ярый.