Ришат Фазлыйәхмәтовның хатынын тәнкыйтьлиләр: «Кайлардан таптың аны...»
Күптән түгел ВКонтакте төркемендәге «Подслушано Тат-шоубиз» төркемендә җырчы Мөнир Рахмаевның хатыны Илсөярне рәхәтләнеп тәнкыйтьләгәннәр иде. Инде чират, йөз-кыяфәте белән Илсөярдән бер дә калышмаган Ришат Фазлыйәхмәтовның Тәтишкасына да җиткән.
«Мөнирнең хатынын яратмыйсыз икән, аңладым. Ә ничек сезгә Ришатның сөйгәне?» – дип сораган төркемнең админы.
«Шундый ук ясалма курчак. Тиздән үз матурлыгы булган кызларны Кызыл китапка кертербез инде», «Фу…», «Шушы яшендә үк курчак. Картайгач нишләр?» – дигән җаваплар килгән.
«Ришат, ачуланма, каян таптың ул хатыныңны… Бик ямьсез», – дип язган берсе. «Авылга кайтып, тигәнәк кебек ябышып калган бит. Каян тапсын», – дип Ришат урынына бер ханым җавап кайтарган аңа.
Ришатка да эләккән. «Ришат үз баласына алимент түләмәгән. Башта баласын карасын, кабат ясалма хатыннар ияртеп йөрер», – дип ачуланганнар аны.
«Штукатуркасыз фотосын куегыз әле шуның», «Ыштаны сыланып тора, бер җиренә кереп үк киткән», «Пластик курчак бит бу», «Манекен», – дип әллә ниләр язып бетергәннәр.