Озарбайжон президентинг собиқ куёви Эмин Агаларов иккинчи марта уйланди (фото+видео)
0
Кеча 14 июль куни, Agalarov Estate гольф клубида Crosus Group компанияси вице-президенти, қўшиқчи Эмин Агаларов ва модель Алена Гаврилованинг никоҳ тўйи бўлиб ўтди. Бу ҳақда Tengrinews хабар берди.
Фото: Tengrinews
Жуфтлик тўй тафсилотларини тантанали равишда эълон қилишни истамаган. Тантанага фақат энг яқин дўстлар таклиф қилинган. Тўйда Григорий Лепс, Валерий Меладзе, Александр Серов, Зара, Тимати, Владимир Кузьмин иштирок этган. Жуфтликнинг тўй маросимини Александр Малахов олиб борган.
Фото: Tengrinews
Эслатиб ўтамиз, Эмин Агаларов Озарбайжон президентининг қизи Лайло Алиева билан 2006 йили турмуш қурган. 2015 йили жуфтлик ажрашган. Уларнинг икки нафар ўғли бор.
Янги келин асли Сарансклик бўлиб, 2004 йили Мордовия Республикасининг энг чиройли қизи сифатида "Мисс Россия - 2004" танловида иштирок этган. Унинг бу иккинчи никоҳи бўлиб, олдин миллиардер Рустам Тарико билан турмуш қурган ва бир нафар ўғли бор.