Миңнеханов KazanForum-2023 халыкара икътисади форумын ачты
Татарстан башкаласында «Россия - Ислам дөньясы: KazanForum-2023» халыкара икътисади форумының рәсми ачылышы булды. Татарстан Республикасы Рәисе Рөстәм Миңнеханов форумны һәм Russia Halal Expo күргәзмәсен ачты.
Ул форумның барлык кунакларын республиканың кунакчыл җирендә сәламләде һәм Россия Президенты Владимир Путинга һәм ил Хөкүмәтенә әлеге чарага федераль статус биргәннәре өчен рәхмәт белдерде.
«Форумны оештыруда илебез хакимиятенең барлык структуралары зур ярдәм күрсәтте», - диде Рөстәм Миңнеханов.
Татарстан Президенты билгеләп үткәнчә, оештыручылар KazanForum-2023 форумының кызыклы һәм бай чаралар программасын әзерләгән. Һәр катнашучы аны кызыксындырган әйберне табачак.
«Без сезнең өчен уңайлы шартлар тудырачакбыз һәм кызыклы эшлекле элемтәләр тәэмин итәчәкбез. Бу форум илләребез һәм төбәкләребез үсешенә этәргеч булачак», - дип йомгаклады Рөстәм Миңнеханов, кунакларга KazanSummit-2023 кырларында нәтиҗәле эш теләп.