Татарстанда киләсе тәүлектә +33 градус эссе була
(Казан, 18 май, «Татар-информ»). Иртәгә,19 майда, алмашынучан болытлы һава торышы көтелә. Татарстан синоптиклары фаразы буенча явым-төшем күзәтелми.
Төньяк-көнчыгыштан көньяк-көнчыгышка таба күчүчән талгын җил фаразлана, көндез урыны белән көчәйгәндә тизлеге секундына 15 метрга кадәр җитәчәк.
Минималь һава температурасы төнлә +15..+20, түбән урыннарда +10..+15 градус. Һаваның максималь температурасы көндез +28..+33 градус була.