Түбән Кама вәкилләре Мәскәүдә Бөтенроссия конференциясендә катнашкан
(Казан, 28 март, «Татар-информ»). Мәскәүдә «Этнокультура секторының тотрыклы үсеше» II Бөтенроссия конференциясе узган. Түбән Каманың «Урал» милли-мәдәни автономиясе рәисе Гали Хәсәнов һәм химия-технология институты тәрбия эшләре һәм яшьләр сәясәте идарәсе башлыгы Эльвира Габдушева да конференциядә катнашкан.
Конференциядә 31 төбәкнең милли мөнәсәбәтләр өлкәсендә иң яхшы тәҗрибәләре тәкъдим ителгән.
Алар анда үз социаль проектларын тәкъдим иткән. Билгеле булганча, әлеге проект РФ Президенты грантлары конкурсында җиңгән. Проект яшьләрне милли мәдәнияткә тарту һәм милләтара мөнәсәбәтләрне саклау буенча актив эшчәнлеккә җәлеп итүгә юнәлдерелгән. Бу хакта Түбән Кама муниципаль районы рәсми сайты нда хәбәр ителә.
Институт һәм башкорт автономиясе арасында хезмәттәшлек турында килешү бар һәм уртак этномәдәни проектлар уңышлы гамәлгә ашырыла.