«Ак Барс» хоккейчылары Екатеринбургтан җиңү белән кайта

(Казан, 28 гыйнвар, «Татар-информ», Гөлия Хәсбиуллина). Бүген Казанның «Ак Барс» хоккейчылары Екатеринбургта «Автомобилист» командасына каршы уенда җиңде.   Матч 1:3 исәбенә төгәлләнде.

Беренче периодта голлар булмады.

Икенче периодның икенче минутында исәп ачылды. «Ак Барс» сакчысы Альберт Яруллинның көчле бәрүеннән соң алка, көндәш команда уенчысына тиеп, Екатеринбург командасы капкасына керде (0:1). Беренче голдан соң берничә секунд үтүгә, Дмитрий Воронков «Автомобилист» капкасына икенче алканы кертте (0:2). Периодның соңгы минутында Степан Хрипунов командасының артка калышуын киметте (1:2).

Өченче периодның унынчы минутында «Ак Барс» һөҗүмчесе Найджел Доус гол кертте (1:3).

Командалар составы:

«Автомобилист»

Коварж (Гросс);

Белоусов — Дацюк — Макеев, Трямкин — Мамкин;

Хрипунов — Холланд — Мэйсек, Геноуэй — Зборовский;

Бочаров — Литовченко — Голышев, Арзамасцев — Хольцер;

Обидин — Протапович — Шалагин (Мыльников), Зайцев.

«Ак Барс»

Рейдеборн (Билалов);

Доус — Бурмистров — Тихонов, Викстранд — Мёрфи;

Сафонов — Галимов — Воронков, Педан — Юдин;

Песонен — Кормье — Петров, Яруллин — Журавлёв;

Лукоянов — Глухов — Фисенко (Дыняк), Лямкин.

Киләсе уенны «Ак Барс» Казанда «Татнефть-Арена» боз сараенда үткәрәчәк. «Ак Барс» — «Куньлунь Ред Стар» матчы 30 гыйнвар көнне 17:00 сәгатьтә башлана.