Самара өлкәсендә яшәүче волонтер Флүрә Галиәхмәтова авылдашларына битлек тегә
(Казан, 18 октябрь, «Татар-информ»). Самара өлкәсенең Иске Ярмәк авылында яшәүче Флүрә Галиәхмәтова ярты ел эчендә күршеләренә һәм танышларына 62 битлек, 16 баш киеме тегеп бүләк иткән. Бу хакта Самара татарлары сайты хәбәр итә. Шулай ук ул кием-салымны да төзәтеп тегеп бирә, чалбарлар кыскарта, замоклар куя, киемне рүлчәмгә туры китереп үзгәртә. Тегү машинасын аның әтисенә хәрби хезмәтне яхшы узган өчен бүләк иткән булалар. Ул аны 9 яшьлек кызы өчен сайлый. Шуннан бирле, 75 ел дәвамында Флүрә ханым тегү машинасы ярдәмендә кешеләргә шатлык өләшә, диелә хәбәрдә. Флүрә Галиәхмәтова яшьләргә дә беркайчан эшсез утырмаска киңәш итә.