Татарстанда 400 кеше тавыш бирү өчен күп функцияле үзәк аша уңайлы участок сайлады
(Казан, 4 сентябрь, «Татар-информ»). Татарстанда яшәүче 416 кеше күп функцияле үзәк офислары аша тавыш бирү өчен уңайлы участок сайлауда «Мобиль сайлау» механизмыннан файдаланган инде. Бу хакта Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы матбугат хезмәте хәбәр итә.
«Татарстанлыларның алдагы сайлауларда тавыш бирүдә уңайлы участок сайлау өчен тагын дүрт көн вакыты бар: гаризалар кабул итү киләсе сишәмбе, 8 сентябрьдә төгәлләнәчәк», - дип искәрттеләр ведомствода.
Урнашу урыны буенча тавыш бирү өчен талонны «Минем документлар»ның барлык 59 филиалларында да алырга мөмкин. Хезмәт паспорт күрсәтү белән өстенлекле тәртиптә күрсәтелә. Әгәр ул алыштыру өчен тапшырылган икән, шәхеснең вакытлыча таныклыгын күрсәтергә кирәк.