Уфа «Нур» татар театры яңа музыкаль комедия әзерли
(Казан, 3 сентябрь, «Татар-информ»).Уфаның «Нур» татар дәүләт театрында Мөдәрис Багаевның «Әтинең кызына өйләнәм» пьесасы буенча музыкаль комедия премьерасына әзерлек бара. Бу хакта «Башинформ» хәбәр итә. Премьера 2020 елның 9, 10 һәм 23 октябрендә булачак. Спектакльне режиссер Илдар Вәлиев, композитор Урал Иделбаев, рәссам Нурия Габидуллина, костюмнар буенча рәссам Наталья Степанова, хореограф Рәмизә Мөхәммәтшина куя.