Татарстанда хатын-кыз идарә иткән машина юл кырыена төшеп киткән, улы зыян күргән
(Казан, 1 сентябрь, «Татар-информ»). Татарстанда хатын-кыз идарә иткән машина юл кырыена төшеп киткән, аның пассажир улы зыян күргән. Бу хакта «Татар-информ»га шаһитлар хәбәр итте.
Юл-транспорт һәлакәте көндезге сәгать икенчедә Татарстанның Чүпрәле районында Хорновар Шигали авылы янында булган.
Шаһитлар сүзенә караганда, «Лада Гранта» руле артында 50 яшьләр тирәсендәге хатын-кыз булган, пассажир урынында аның егерме яшьләр тирәсендәге улы булган. Авариядә егетнең аягы сынган.
Зыян күрүчене ашыгыч ярдәм табиблары хастаханәгә алып киткән.