Әгерҗе районы Әккәрәй авылындә кышкы коену сезоны ачылды
(Чирмешән, 10 гыйнвар, «Татар-информ», «Безнең Чирмешән», Гөлсирә Шәрифуллина). Яңа ел бәйрәмнәрендә Әгерҗенең Әккәрәй авылындагы Сөлчә елгасында кышкы коену сезонын тантаналы рәвештә ачу уңаеннан, зур бәйрәм оештырды. Бу турыда район басмасы хәбәр итә.
«Дөресен әйткәндә, бездекабрь аенда ук коена башладык», — ди авыл мәдәният йорты директоры Лидия Квакова.
Авылда берничә ел дәвамында Сөлчә елгасында, гел бер урында, бәке ясыйлар. Яр буеннан менеп-төшәргә баскыч урнаштырганнар, бәке тирәсен тотып алганнар, су төбенә такта җәйгәннәр, чишенеп-киенергә җылы урын да бар.
Суга керүчеләр дә байтак булды. Хәтта тиздән 82 яшен тутыручы Раиса Квакова да беренчеләрдән булып бәкегә чумды. Әбинең 14 яшьлек оныгы Даниил да әбисеннән калышмады, суга керде.
Сүз уңаеннан, елгада бәке ясау белән, нигездә, бертуган Михаил һәм Сергей Кваковлар шөгыльләнә, аларга Николай Петров, Валерий Наратов һәм башка авылдашлары да ярдәм итә.
Боз өстендә өстәл дә көйләгәннәр, коймак пешергәннәр, ике самавыр кайнап тора. Шунда ук зур казанда балык шулпасы пешерәләр. Аның тәмле исе елга буена ук таралды.
Бер төркем балалар ерак түгел боз өстен чистартып хоккей мәйданчыгы ясаганнар, тимераяклар киеп, алка куалар.