Новости за 20.10.2020

(Казан, 20 октябрь, «Татар-информ», Зилә Мөбәрәкшина). Татарстанда 2023 елга барлык сәнәгать мәйданчыклары һәм парк резидентлары әйләнеше 250 млрд сумга кадәр артырга тиеш. Бу хакта республика икътисад министры Мидхәт Шаһиәхмәтов ТР Дәүләт Советының Икътисад, инвестицияләр һәм эшкуарлык комитеты утырышында хәбәр итте. Икътисад министрлыгы башлыгы сүзләренчә, 2023 елга, фаразлар буенча, сәнәгать мәйданчыклары һәм парклары резидентлары саны 1,5 меңгә (105 процентка) кадәр, салым түләүләре күләме — 35 млрд сумнан артачак (120 процент). Читать дальше...

(Казан, 20 октябрь, «Татар-информ»). Иртәгә Татарстан Республикасы территориясендә көчле җил көтелә. Бу хакта республика халкын ТР буенча Гидрометеорология үзәге кисәтә. Һава шартларының начарлануы көндезге һәм кичке сәгатьләрдә көтелә. «2020 елның 21 октябрендә көндез һәм кичен Татарстан Республикасы территориясендә урыны белән төньяк-көнбатыштан көчле җил көтелә», — диелә синоптиклар хәбәрендә. Җилнең тизлеге секундына 15-18 метрга җитәргә мөмкин.

(Казан, 20 октябрь, «Татар-информ», Наталья Рыбакова). Республика Дәүләт Советы депутатлары Татарстан халкының күп санлы соравы буенча, Covid-19 пандемиясе сузылу белән бәйле рәвештә, пенсиягә чыгу яшен киметү уңаеннан РФ Дәүләт Думасына мөрәҗәгать итәчәк. Бу хакта бүген ТР Дәүләт Советы Рәисе урынбасары, «Мәрхәмәт-Милосердие» хатын- кыз депутатлар берләшмәсе җитәкчесе Татьяна Ларионова хәбәр итте. «Безгә кайнар линиягә пенсия белән тәэмин итү белән бәйле күп кенә сораулар килде. Бу, барыннан да элек, пенсия яше белән бәйле мәсьәлә. Читать дальше...

(Казан, 20 октябрь, «Татар-информ», Зилә Мөбәрәкшина). Татарстанда хәләл продукция экспортын ким дигәндә ике тапкырга арттыруны ниятлиләр. Әлеге бурыч 2024 елга кадәр куелган. Бу хакта Татарстан Республикасы икътисад министры урынбасары Олег Пелевин ТР Дәүләт Советының Икътисад, инвестицияләр һәм эшкуарлык комитеты утырышында хәбәр итте. «Импортны алыштыру өчен республика маркетинг үзәге ресурсларын актив файдаланырга кирәк. Хәзерге вакытта дөньяда хәләл продукциясен кулланучылар артты. Бу — безнең... Читать дальше...

(Казан, 20 октябрь, «Татар-информ», Рузилә Мөхәммәтова). Татарстан Дәүләт Советы депутаты, Татарстанның халык артисты Рамил Төхфәтуллин «Милли мультfest» фестиваленең төп шарты миллилек икәнен ассызыклады. Бу хакта ул фестиваль шартларына багышлап «Татар-информ»да үткән матбугат конференциясендә әйтте. Балалар тарафыннан төшерелгән анимацион һәм кыска метражлы фильмнар бәйгесе игълан итүче «Милли мультfest» балалар кинофестивале бары тик татар телле фильмнарны гына кабул итәчәк. «Фильмны теләсә кайсы милләт кешесе төшерә ала. Читать дальше...

Республикада язгы чикләүләрнең зур өлеше кире кайтарыла. Гомуми изоляция, эштән туктау кертелми.

(Казан, 20 октябрь, «Татар-информ»). Коръән мәгънәләренең татарчага аңлатмалы тәрҗемәсенең аудиоверсиясе чыкканнан соң рус телендәге диск та дөнья күрде. Бу хакта «Хозур» нәшрият йортының матбугат хезмәте хәбәр итә. «Кәлам Шәриф. Мәгънәләр тәрҗемәсе» уникаль басмасының аудиоварианты Татарстан Республикасы мөселманнары Диния нәзарәтенең «Азан» радиосы редакциясе тарафыннан әзерләнгән. Аның тиражы — 1 мең данә. 38 сәгать дәвам итүче мәгънәләр тәрҗемәсен Биектау районы Калинино авылының «Каредениз» мәчете имам-хатыйбы Айбек Токтосопиев укый. Читать дальше...

Бибисара Азаматова covid-һоспитальдә яткан булган.

(Казан, 20 октябрь, «Татар-информ», Рузилә Мөхәммәтова). «Милли мультfest» балалар кинофестивале конкурсында катнашучыларның 50, 70 һәм 100 мең сум приз алу шансы бар. «Татар-информ»да үткән матбугат конференциясендә оештыручылар фестивальдә катнашу шартлары белән таныштырды. Татар телен саклау һәм үстерү комиссиясе эшчәнлеге кысаларында «Милли мультfest» балалар кинофестивале игълан ителде. Конкурска балалардан анимацион һәм кыска метражлы фильмнар, шулай ук, компьютер уеннары номинациясендә эшләр кабул ителә. Читать дальше...

(Казан, 20 октябрь, «Татар-информ», Зилә Мөбәрәкшина). Татарстанда үзмәшгуль гражданнарның саны 83 меңгә җиткән. Бу хакта ТР Дәүләт Советының Икътисад, инвестицияләр һәм эшкуарлык комитеты утырышында Татарстан икътисад министры Мидхәт Шаһиәхмәтов хәбәр итте. «2020 ел башына республикада 57,6 меңгә якын үзмәшгуль кеше исәпләнде. Бүгенге көндә бу сан үзгәрде, 83 меңнән артык кеше булды. Без билгеле бер үсеш күрәбез. Моннан тыш, үзмәшгульләр кече һәм урта бизнеска бирелә торган ярдәм чараларын алачак дигән карар кабул ителде», — дип әйтте ул.

(Казан, 20 октябрь, «Татар-информ»). Татарстан – Россиянең әйдәп баручы инновацион төбәкләреннән берсе, республикада инвесторлар өчен нәтиҗәле инфраструктура булдырылган. Татарстан Республикасы Президенты Рөстәм Миңнеханов Дубай инвестиция форумында катнашучыларга юлланган видеокотлавында шулай дип белдерде. «Республикабызда инвесторлар өчен махсус икътисади зоналар, өстенлекле социаль-икътисади үсеш территорияләре, технопарклар, сәнәгать парклары, бизнес-инкубаторлар, технополисларның ишекләре ачык. Читать дальше...

(Казан, 20 октябрь, «Татар-информ», Зилә Мөбәрәкшина). 2021 елда Татарстанга чит илдә яшәүче ватандашларны ирекле рәвештә күчерү өчен республика бюджетыннан 1,1 млн сум күләмендә акча тотылачак. Бу хакта ТР финанслар министры урынбасары Алла Анфимова ТР Дәүләт Советының Икътисад, инвестицияләр һәм эшмәкәрлек комитеты утырышында хәбәр итте. Анфимова «илкүләм икътисад» бүлеге буенча республика бюджетында каралган чыгымнар турында сөйләде. Киләсе елда 56,2 млрд сум күләмендә чыгым каралган. «Гомумикътисади... Читать дальше...

(Казан, 20 октябрь, «Татар-информ»). Татарстан Премьер-министры Алексей Песошин социаль-хезмәт мөнәсәбәтләрен җайга салу мәсьәләләренә багышланган киңәшмәдә катнашты. Киңәшмәне Россия вице-премьеры Татьяна Голикова үткәрде. Бу хакта ТР Хөкүмәтенең матбугат хезмәте хәбәр итә. Киңәшмәдә катнашучылар «Россия Федерациясендә яшәү минимумы турында»гы Федераль законга, шулай ук «Хезмәткә түләүнең минималь күләме турында»гы Федераль законның 1нче маддәсенә үзгәрешләр кертү һ.б. закон проектлары хакында фикер алышты. Читать дальше...

(Казан, 20 октябрь, «Татар-информ»). Татарстан башкаласының Павлюхин урамында урнашкан KazanMall сәүдә үзәге декабрь аенда ачылачак. Бу хакта «Татар-информ» агентлыгына UD Group компаниясе матбугат хезмәтендә белдерделәр. «Сәүдә үзәге рәсми төстә декабрьдә ачылачак, әмма ул инде ноябрьдә үк техник рәвештә үз ишекләрен ачарга мөмкин», - дип искәрттеләр матбугат хезмәтендә. «Татар-информ» агентлыгы элегрәк KazanMall сәүдә үзәгенең проект документларының тәңгәллеге турында бәяләмә алуы хакында хәбәр иткән иде. Читать дальше...

(Казан, 20 октябрь, «Татар-информ»). «Миллениум» күпереннән Кремль (Ленин) дамбасына кадәр Сибгат Хәким урамы янындагы территорияне ландшафт нигезендә үстерү проектын Франциянең танылган ландшафт архитекторы Мишель Пена әзерләячәк. Бу хакта Казан мэриясенең матбугат хезмәте хәбәр итә. Әлеге участокта төзекләндерелгән яр буе һәм яңа парк барлыкка киләчәк. Мишель Пена территорияне төзекләндерү концепциясен эшләячәк, ул Казансу елгасын үстерү проекты белән бәйле булачак. Проектны ел ахырына кадәр әзерләү күздә тотыла. Читать дальше...

(Казан, 20 октябрь, «Татар-информ», Рузилә Мөхәммәтова). Татарстан балалары үзләре өчен үзләре фильмнар төшерәчәк. Республикада татар телле фильмнар белән эш итүче «Милли мультfest» балалар кинофестивале гамәлгә куелды. Оештыручылар «Татар-информ”да үткән матбугат конференциясендә фестивальдә катнашу шартлары белән таныштырдылар. Фестиваль Татар телен саклау һәм үстерү комиссиясе эшчәнлеге кысаларында үткәрелә. Идея авторы һәм жюри рәисе — Татарстан Дәүләт Советы депутаты, Татарстанның халык артисты Рамил Төхфәтуллин. Читать дальше...

(Казан, 20 октябрь, «Татар-информ»). Фигуралы шуу буенча Олимпия, дөнья һәм Европа чемпионы Алинә Заһитова быелның ахырына кадәр ярышларда катнашмаячак. Бу хакта ТАСС агентлыгы бер-берсенә бәйле булмаган ике чыганакка сылтама белән хәбәр итә. Элегрәк 18 яшьлек спортчы, «Ледниковый период» проектында алып баручы ролендә чыгыш ясау сәбәпле, Россия җыелмасының контроль прокатларында катнашмаячагы турында белдергән иде. «Бу сезонда Заһитованың Гран-прида, шулай ук Россия Кубогы һәм ил чемпионаты этапларында чыгыш ясау белән бәйле планнары юк»... Читать дальше...

За период пандемии число зараженных коронавирусом близится к 8 тыс. случаев.

(Казан, 20 октябрь, «Татар-информ»). Татарстанда соңгы тәүлектә коронавирус инфекциясе йоктыруның 43 яңа очрагы ачыкланган. Бу хакта ТР Сәламәтлек саклау министрлыгы матбугат хезмәте хәбәр итә. «Бер кеше хастаханәгә салынган, 42се өйдә дәвалана», — диелә хәбәрдә.  Авыручылар саны буенча Казан беренче урында тора, монда 29 кеше авырган. Чаллыда - бер, Югары Осланда - биш, Әлмәттә - өч, Яшел Үзән, Лаеш, Лениногорск, Менделеевск, Нурлатта - берәр очрак. Яшел Үзәндә өч, Балтач һәм Нурлат районнарында икешәр очрак теркәлгән. Читать дальше...

(Казан, 20 октябрь, «Татар-информ»). Уфада үзенең туган көненә бер көн кала популяр эстрада җырчысы Бибисара Азаматова вафат булды. Хезмәттәшләре хәбәр итүләренчә, ул ковид-госпитальдә дәваланган булган. Бу хакта « Башинформ » яза. Бибисара Азаматова 1949 елның 21 октябрендә Башкортстанның Баймак районында туа. 1997-1998 елларда Фәридә Кудашева тәкъдиме белән башкорт-татар концертларында катнаша башлый. Үзенең иҗаты дәверендә Бибисара Азаматова биш концерт куя, алты аудиоальбом чыгара. Шуларның иң соңгысы... Читать дальше...

(Казан, 20 октябрь, «Татар-информ»). Мәктәпләрне карантинга ябу критерийларын Россия Кулланучы хокукларын яклау буенча күзәтчелек хезмәте (Роспотребнадзор) табиб-инфекционистлары билгели. Бу хакта РИА Новости агентлыгы мәгариф министры урынбасары Дмитрий Глушкога сылтама белән хәбәр итә. «Әлеге критерийларны инфекционистлар, Кулланучы хокукларын яклау буенча күзәтчелек хезмәтенең (Роспотребнадзор) төбәк идарәләре табиблары билгели. Аерым бер коллективта, бер учреждениедә авыручылар саны буенча чик күрсәткечләре бар. Читать дальше...

(Казан, 20 октябрь, «Татар-информ», Рифат Каюмов). Казанның Горки-Әмәт урманы паркында чүпне көнкүрештә файдалы итеп куллану ысулларын өйрәтүче интерактив күргәзмә ачылды. Бу турыда «Coca-Cola HBC Россия» компаниясенең тышкы элемтә һәм коммуникацияләр буенча директоры Ирина Архипова «Татар-информ» агентлыгында узган матбугат конференциясендә әйтте. Паркка килүчеләр интерактив күргәзмәдә чүптән нәрсәләр эшләп булганын, табигый ресурсларны саклау буенча белемнәрен тирәнәйтә алачаклар. Мәктәп балаларына... Читать дальше...

Русия яз көне һуманитар ярдәм буларак җибәргән “Авента-М” җиһазлары эшкә ярамаган.

(Казан, 19 октябрь, «Татар информ», Надежда Гордеева). Татарстанның икътисад министры урынбасары Олег Пелевин Стратегия-2030га үзгәрешләр кертү турында сөйләде. Бу турыда ул Татарстан Республикасы Дәүләт Советының Дәүләт корылышы һәм җирле үзидарә Комитеты утырышында хәбәр итте. Профиль комитет рәисе Альберт Хәйруллин, бүгенге шартларда, Стратегия -2030га үзгәрешләр кертү көтелүе белән кызыксынды. «Бу сорау хакында фикер алышынды. Беренчедән, шуны ассызыклыйсыбыз килә: Стратегиянең максат һәм бурычлары үзгәрмәячәк. Читать дальше...

Яровая кануны, дәүләтнең кайбер сайтларга керүне бушлай итү таләбе дә операторлар кесәсенә сугачак.