Новости за 16.10.2020

Татар иҗтимагый үзәге активистлары быел Хәтер көнен яшерен төстә һәм Казаннан читтә үткәрергә мәҗбүр булды. 15 октябрь көнне микроавтобус яллап алар Яшел Үзән районының Югары Урысбага авылы янәшәсендә урнаштырылган һәйкәл янына барып дога кылды.

Капитальный ремонт региональной трассы продлится до 2022 года. В этом обновят 1 км 400 метров дорожного полотна.

(Казан, 16 октябрь, «Татар-информ», Полина Шевчук). Татарстанда автоледи автомобилен кул тормозына куймаган һәм машина колясканы бәрдергән, сабый реанимациядә. Бу хакта «Татар-информ» агентлыгы Россия Эчке эшләр министрлыгының Әлмәт районы буенча ЮХИДИ бүлегеннән хәбәр иттеләр. Авария кичә республиканың Әлмәт районы Рус Акташы авылында булган. Башлангыч фаразлар буенча, «Лада» автомобиленең 35 яшьлек йөртүчесе, машинасы белән килеп туктагач, аны кул тормозына куярга оныткан. Машина кузгалып китеп, алты айлык сабый яткан колясканы бәрдергән. Читать дальше...

(Казан, 16 октябрь, «Татар-информ»). 2021 елның 31 декабре Россиядә эшләми торган көн булачак. Бу хакта РФ Министрлар Кабинеты сайтында бастырылган карарда хәбәр ителә. Шулай ук 2 һәм 3 гыйнварга туры килә торган шимбә һәм якшәмбе ял көннәре дә күчереләчәк. Моннан тыш, 20 февраль (шимбә) ялы 22 февральгә (дүшәмбегә) күчерелә. Шулай итеп, февраль аенда россиялеләрнең өч ял көне булачак - 21-23 февраль.

(Казан, 16 октябрь, «Татар-информ», Эвелина Киселева). Узган тәүлектә Татарстанда Covid-19 йоктыруның 39 очрагы теркәлгән.  Бу хакта Россия Кулланучы хокукларын яклау буенча күзәтчелек хезмәтенең Татарстандагы идарәсе җитәкчесе урынбасары Любовь Авдонина хәбәр итте. Узган тәүлектә республикада яңа коронавирус инфекциясенең 39 яңа очрагы теркәлгән. Шулай итеп, Татарстан Республикасында барлыгы - 7 мең 731 очрак», - дип хәбәр итте спикер. Авдонина сүзләренчә, тәүлек эчендә төбәктә коронавируска 6,4 мең ПЦР-тест үткәрелгән. Читать дальше...

(Казан, 16 октябрь, «Татар-информ»). Covid-19 коронавирусы еш кына симптомсыз уза. Шулай да авыруның кайбер билгеләре үзен сиздермичә калмый. «Вакцина.ру» проектының әйдәп баручы белгече, табиб-биофизик Нелли Соседова шулар хакында сөйләде. Бу турыда Sputnik радиосы хәбәр итә. «Кайбер кешеләр вакытлыча ис сизү тойгысын югалта һәм тәм тоймый, әмма башка симптоматика юк. Тагын бер критерий – әгәр әйләнә-тирәгездә кемдер әлеге чир белән авырган икән, үз-үзеңне тыңларга кирәк. Өченчедән, антитәнчекләргә иммунохроматографик тест ясату зарур»... Читать дальше...

(Казан, 16 октябрь, «Татар-информ», «Ватаным Татарстан» , Чулпан гарифуллина). Коронавирус сүзенең ишетелә башлавына да тиздән бер ел була. Шушы вакыт эчендә ничәмә-ничә авырып терелгән кеше белән аралаштык, белгечләр белән чиргә карата фаразлар ясадык, авыру билгеләрен дә ятлап бетердек, сакланырга да өйрәнербез кебек идек. Әмма… Табибларның башы «кызыл зона»дан чыкмый, үзебездә дә, чит илләрдә дә вазгыять катлаулана гына бара. Коронавирус беркая да китмәде, ул янәшәдә йөри. «Үләрмен дип куркам»... Читать дальше...

(Казан, 16 октябрь, «Татар-информ»). Татарстан трассасында «Газель» шоферы руль артында йоклап китә һәм фураны бәрдерә. Бу хакта «Татар-информ»га авария шаһитлары хәбәр итә. Шаһитлар сүзләренчә, бүген авария иртәнге сәгать дүрттә Шәмәрдән авылы янында килеп чыккан. «Газель» йөк машинасы шоферы руль артында йоклап китә һәм алда барган «Мерседес» фурасына бәрелә. Машина йөртүчеләрнең берсе дә зыян күрмәгән.

2024 елга Русия халкы 1,2 миллион кешегә азаер дип көтелә.

(Зәй, 16 октябрь, «Татар-информ», «Зәй офыклары» ). 6 октябрьдә «Иң яхшы география укытучысы» Бөтенроссия конкурсына нәтиҗә ясалып, финалга чыккан биш конкурсант билгеләнде. Бишлеккә кергән иң көчле укытучылар арасында Татарстан данын яклаган Зәйнең 4нче мәктәбе география укытучысы Светлана Хәбибрахманова да бар. Светлана Җәүдәтовна моңа кадәр республика бәйгесендә җиңеп, Россиякүләм конкурска узган иде. Бу турыда район басмасы хәбәр итә. Хәзер Светлана Хәбибрахмановага Түбән Новгородта узачак бәйгедә... Читать дальше...

Предлагаем вашему вниманию фильм про деятельность библиотечной сети Аксубаевского района, подготовленный Нурлатским телевидением.

Многие люди болеют коронавирусом без клинических проявлений болезни.

(Казан, 16 октябрь, «Татар-информ»). Казанда такси янәшә хәрәкәт иткән автомобильгә бәрелә, аның йөртүчесенә зыян килә. Бу хакта юл-транспорт һәлакәте урыныннан «Татар-информ» хәбәрчесе хәбәр итте. Юл-транспорт һәлакәте Космонавтлар урамында булды. Таксины йөртүче бер мизгелдә каршы полосага чыгуын аңлый һәм үз полосасына кайтырга тели һәм «Форд Фокус»ка бәрелә. «Форд» йөртүчесенең башы бәрелә.

(Казан, 16 октябрь, «Татар-информ»). Чаллы кешесе янган фатирдан хатынын чыгара, әмма ул вафат була. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсенең матбугат хезмәтендә хәбәр иттеләр. Чаллы шәһәре ГЭС бистәсендә урнашкан биш катлы йортның бишенче катында янгын чыгуы турында мәгълүмат 20.40 сәгатьтә килде. Ике бүлмәле фатирда диван януы билгеле була. Янгын сүндерүчеләр килгәнче үк 25 кеше үз фатирларыннан чыга ала. Ир хатынын янган фатирдан тартып чыгара, ләкин 44 яшьлек хатын үлгән була.

(Казан, 16 октябрь, «Татар-информ»). 17-18 октябрьдә Әлмәттә «Алтын алмалар турында әкият» проекты кысаларында шәһәрнең арт-объектлары буенча бушлай экскурсияләр үткәреләчәк. Бу турыда «Альметьевск 24» хәбәр итә. «Алтын алмалар турында әкият» проекты Әлмәттә яшәүчеләргә ялларда шәһәрнең арт-объектларында йөрергә тәкъдим итә», диелгән хәбәрдә. 17 октябрьдә экскурсия Төзүчеләр проспектындагы йортларга ясалган «Әлифба» битеннән башлана һәм җирле рәссам Бозик ясаган «Ай һәм кояш» эше янында тәмамланачак. Читать дальше...

(Казан, 16 октябрь, «Татар-информ»). Уфада вакытсыз вафат булган виртуоз баянчы Айнур Фатыйхов истәлегенә хәйрия концерты үткәрәчәкләр. Концерт 2021 елның 22 февралендә була. Бу хакта « Башинформ » агентлыгына җырчы, Башкортстанның һәм Татарстанның атказанган артисты Ришат Төхвәтуллин хәбәр итте. «Без „Башкортстан“ Дәүләт концерт залын 22 февраль — Айнурның туган көненә броньладык. Бу концертта аның яраткан артистлары, туганнары чыгыш ясаячак. Бу хәйрия концерты булачак, аның әти-әниләренә булышырбыз», — дип сөйләде Ришат Төхвәтуллин.

(Апас, 16 октябрь, «Татар-информ», « Апастово-информ») . Казанда узган халык сәнгать һөнәрчелеге эшләнмәләре һәм авыл хуҗалыгы җитештерү продукциясе ярминкәсеннән Апас аграр көллияте коллективы җиңү белән кайтты. Бу турыда район басмасы хәбәр итә. Ярминкәне Татарстан Мәгариф һәм фән министрлыгы, Татарстан Авыл хуҗалыгы һәм азык-төлек министрлыгы оештырды. Ярминкәдә районның мәгариф бүлеге, мәктәпләр һәм аграр көллият коллективы катнашты. Һәр район үз мәйданчыгында сату итте. Шәһәр халкына арзан бәядән камыр ризыклары... Читать дальше...

(Казан, 16 октябрь, «Татар-информ»). Кукмара районыннан сыер савучы Светлана Гордеева «ТАССР төзелүгә 100 ел» медален алды. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итә. Светлана Гордеева 1979 елның 4 гыйнварында туа. Аның бөтен хезмәт эшчәнлеге авыл хуҗалыгы җитештерүенә бәйле. 17 яшеннән алып ул «Вахитов исемендәге» хуҗалыкта сыер савучы булып эшли. Эшләү чорында ул хуҗалыкта үзен бары тик яхшы яктан гына күрсәтә — пөхтә, намуслы, җаваплы, таләпчән һәм принципиаль хезмәткәр... Читать дальше...

(Казан, 16 октябрь, «Татар-информ»). Мамадышта бер мандатлы 7нче округ депутаты Айрат Әгълиуллин волонтерлар белән бергә өлкәннәргә 105 азык-төлек җыелмасы тараткан. Бу турыда «Нократ» хәбәр итә. «Без, яшь буын буларак, Бөек Ватан сугышында катнашкан өлкән буын кешеләренә игътибар белдерергә булдык», -диде ул. «Өлкән буын яшьләр өчен үрнәк булып тора, диде ул.

(Әлки, 16 октябрь, «Татар-информ», « Әлки хәбәрләре »). Әлки районының Яңа Үргәгар авылының ике урамы буенча үзара салым акчасына комлы юл салынды. Бу турыда район басмасы хәбәр итә. Яңа Үргәгар авылының Муса Җәлил һәм Исхаков урамнары буйлап яңа юл салганнар. Башта грунт кертеп, юл полотносын күтәргәннәр, аннары ком салып, тигезләгәннәр. Бу хакта Яңа Үргәгар авыл җирлеге башлыгы Әнвәр Рәхимҗанов сөйләде. Элек бу урамнардагы юл яңгырдан соң үтеп булмый торган сынауга әверелә: машиналар бер-бер артлы батып кала торган булган. Читать дальше...

(Чүпрәле, 16 октябрь, «Татар-информ», « Туган як », Гөлия Фәизова). Чүпрәле районының иң өлкән кешесе вафат булды. Иске Ишле авылында яшәүче Гаделҗан абый Хуҗиевка 102 яшь иде. Бу турыда район басмасы хәбәр итә. Гаделҗан Сәлимҗан улы Хуҗиев -тыл хезмәтчәне, хезмәт ветераны. Бер гасырга сузылган тормыш юлында ул  күп авырлыклар күргән: сугыш, ачлык еллары -һәммәсе дә бар. 2018 елның 5 июнендә ул 100 яшьлек юбилеен билгеләп үткән иде. Әлеге гомер бәйрәме белән аны район башлыгы Марат Гафаров котлады. Читать дальше...

"Бүгенге сәясәт алышынмыйча татар теленең хәле үзгәрмәячәк", дип саный "СОлНЦе" мәктәбе мөдире Павел Шмаков. Ул үз мәктәбендә татар сыйныфын оештыруда Шәймиевтән хуплау тапмавы, "Адымнар" полилингваль мәктәбенең проблемнары турында Азатлыкка сөйләде.