Россиядә «Ел гаиләсе» конкурсында Татарстан пары җиңде
(Казан, 25 сентябрь, «Татар-информ»). Татарстанның Балтач районыннан Рөстәм һәм Лилия Заһидуллиннар «Ел гаиләсе» Бөтенроссия конкурсының «Авыл гаиләсе» номинациясендә җиңүчеләр булдылар. Бу хакта Татарстан Республикасы Яшьләр эшләре министрлыгы матбугат хезмәте хәбәр итә. «Заһидуллиннар гаиләсе авылдашлары өчен үрнәк булып торулары белән экспертларны гаҗәпләндерде. Рөстәм 2010 елдан районның яшьләр эшләре һәм спорт бүлеген җитәкли. Хатыны Лилия Балтач район үзәк хастаханәсендә шәфкать туташы булып эшли», — дип сөйләделәр матбугат хезмәтендә. Читать дальше...