Новости за 14.04.2020

(Казан, 14 апрель, «Татар-информ»). «Түбән Кама Нефтехим» хезмәткәрләре район үзәк күппрофильле хастаханәсенә үзләре әзерләгән 6 меңгә якын битлекне бүләк итеп тапшырдылар. Бу турыда Түбән Кама муниципаль районы рәсми сайтында хәбәр ителә.

(Казан, 14 апрель, «Татар-информ»). Бүген Актаныш район башлыгы Энгель Фәттахов халыкны кабул итте. Очрашу алдан язылу буенча үзизоляция шартларында видеорежимда үткәрелде. Бу турыда Актаныш муниципаль районы матбугат хезмәте хәбәр итә.

(Казан, 14 апрель, «Татар-информ», Гөлнар Гарифуллина). Саба урман орлыкчылык үзәгендә имән үстерү линиясен ачу ниятләнә. Бу хакта ТР Министрлар Кабинетында брифингта Татарстанның урман хуҗалыгы министры Равил Кузюров хәбәр итте.

Владимир Маяковский - русский советский поэт, свободолюбивый гражданин.

(Казан, 14 апрель, Татар-информ», Надежда Гордеева). Татарстан Дәүләт Советының Торак сәясәте һәм инфраструктура үсеше комитеты рәисе Александр Тыгин депутатларны мәктәп укучыларын дистанцион укыту өчен компьютер техникасы белән ярдәм итәргә чакырды. Бу хакта бүген парламентарий видеоконференция элемтә режимында узган утырышта белдерде.

(Казан, 14 апрель, «Татар-информ», Зилә Мөбәрәкшина). Казан (Идел буе) федераль университетында кабул итү кампаниясе быел егерменче июньдә башлана. Бу хакта университетның Инстаграмдагы рәсми аккаунты хәбәр итә.

(Казан, 14 апрель,«Татар-информ», Егор Никитин). Татарстан сәнәгать һәм сәүдә министрлыгы коронавирус таралуга каршы махсус җиһазлар чыгара торган предприятиеләр исемлеген бастырды. Исемлекне министрлыкның рәсми сайтында урнаштырдылар.

 (Казан, 14 апрель, «Татар-информ», Надежда Гордеева). Бүген Татарстан Дәүләт Советының Торак сәясәте һәм инфраструктура үсеше комитеты депутатлары торак һәм коммуналь хезмәтләр өчен бурычларны кайтаруга коллекторларны җәлеп итүне тыю белән бәйле федераль закон проектын хуплады.

(Казан, 14 апрель, «Татар-информ»). 15 апрельдә, эпидемиология вазгыяте уңаеннан, Яшьләр парламенты утырышы беренче тапкыр онлайн режимында узачак. Бу хакта Татарстан Дәүләт Советы матбугат хезмәте хәбәр итә.

(Казан, 14 апрель, «Татар-информ», Зилә Мөбәрәкшина). 26 апрельдә көндезге 12.00 сәгатьтә Татарстан Язучылар берлеге тарафыннан Интернетта шигърият бәйрәме башланачак, аңа #шигырьбәйрәме хештегы белән кушылып булачак. Бу хакта «Татар-информ» хәбәрчесенә Язучылар берлеге рәисе урынбасары, Татарстанның атказанган сәнгать эшлеклесе Рәмис Аймәт сөйләде.

(Казан, 14 апрель, «Татар-информ»). «Азнакай киемнәре» тегү фабрикасында яңа коронавирус йогышы белән зарарланган пациентлар өчен махсус бокслар җитештерүгә керештеләр. «Татнефть» компаниясе заказы буенча яңа модельләрне «Автоматлаштыру, үлчәү, инжиниринг» фәнни-техник үзәге белгечләре эшләде.

(Казан, 14 апрель, «Татар-информ», Гөлнар Гарифуллина). «Безнең ишегалды» программасы буенча күп фатирлы йорт ишегалларына яңа җиһазларны Татарстанда җитештерәчәкләр. Сүз эскәмияләр, чүп чиләкләре, яктырту баганаларына фонарьлар турында бара. Бу хакта ТР Президенты ярдәмчесе Наталия Фишман-Бекмамбетова әйтте.

(Казан, 14 апрель, «Татар-информ», Екатерина Ларионова). Яңа коронавирус инфекциясе таралган чорда үз-үзеңне изоляцияләү режимы вакытында өйдән чыгу өчен цифрлы пропуск белән хәрби комиссариатка барырга мөмкин. Татарстан Министрлар Кабинетының тиешле карары хокукый мәгълүматның рәсми порталында басылып чыкты.

(Казан, 14 апрель, «Татар-информ», Зилә Мөбәрәкшина). Бүген 19.00 сәгатьтә Татарстан Язучылар берлеге #әдәбикич флешмобын башлап җибәрәчәк. Бу хакта «Татар-информ» хәбәрчесенә Язучылар берлеге рәисе урынбасары, Татарстанның атказанган сәнгать эшлеклесе Рәмис Аймәт хәбәр итте.

(Казан, 14 апрель, «Татар-информ», Наталия Никифорова). Гадәттән тыш хәлләр министрлыгы хезмәткәрләре Татарстанның зур шәһәрләрендә үз-үзеңне изоляцияләү режимын бозган 35 кешене тоткан. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

(Казан, 14 апрель, «Татар-информ», Алинә Айдарова). Татарстанның атказанган артисты Эльмира Кәлимуллина, «ТАТМЕДИА» акциясенә кушылып, әнисен «Сөембикә» журналына яздырган. Бу хакта ул үзенең Instagram сәхифәсендә хәбәр итә.

(Казан, 14 апрель,«Татар-информ», Александра Давыдова). Россиядә яңа Covid-19 коронавирус инфекциясен дәвалау өчен дару эшләнде. Россия Сәламәтлек саклау министры Михаил Мурашко шул турыда белдерде. Бу хакта РИА Новости хәбәр итә.

(Казан, 14 апрель, «Татар-информ», Надежда Гордеева). Татарстан Республикасы Президенты Рөстәм Миңнеханов йөкләмәсе буенча Татарстанның төрле район укучылары ике меңнән артык компьютер җиһазларын дистанцион укуда  бушлай файдалану өчен алачак. 13 апрельдән планшетлар күп балалы һәм аз тәэмин ителгән гаиләләрдәге укучыларга тапшырыла. Беренче чиратта, кирәкле техника 9нчы, 10 һәм 11нче сыйныф укучыларына бирелә.

В домашних условиях с соблюдением тонкостей приготовления, состава ингредиентов, времени можно приготовить настоящий узбекский плов !

(Казан, 14 апрель, «Татар-информ», Гөлнар Гарифуллина). Татарстан Президенты ярдәмчесе Наталия Фишман-Бекмамбетова күп фатирлы йорт ишегалларында агачларны кисеп парковка ясау фикере белән килешми. Бу хакта ул социаль челтәрдә туры эфир барышында хәбәр итте.

(Казан, 14 апрель, «Татар-информ», Вероника Ваганова). Чәчтарашханәләр ачарга мөмкинлек бирүче Татарстан карары бөтен ил буенча кулланылырга мөмкин. Эшмәкәрләр хокукларын яклау буенча Россия Федерациясе Президенты каршындагы вәкаләтле вәкил Борис Титов Татарстан Республикасы Президенты һәм республика эшмәкәрләре катнашында онлайн-очрашу нәтиҗәләре буенча шундый фикер белән уртаклашты. Бу хакта вәкаләтле вәкилнең матбугат хезмәте хәбәр итә.

(Казан, 14 апрель, «Татар-информ», Гөлнар Гарифуллина). «Безнең ишегалды» программасы буенча 2020 ел азагына кадәр республикада 1 меңләп ишегалдын төзекләндерү ниятләнә. Бу хакта Татарстан Президенты ярдәмчесе Наталия Фишман-Бекмамбетова социаль челтәрдә туры эфир барышында хәбәр итте.

​​​​​​​Продолжаем рассказывать об онлайн-проекте #Москвастобой, где публикуются известные мировые постановки. На сегодняшний день можно посмотреть спектакли с главными дивами современности –– Анной Нетребко, Джойс ДиДонато и другими.

(Казан, 14 апрель, «Татар-информ», Вероника Ваганова). Эшмәкәрләр хокукларын яклау буенча Россия Федерациясе Президенты каршындагы вәкаләтле вәкил Борис Титов Татарстанда хуҗалык бәхәсләрен судтан тыш җайга салу өчен үзәк булдырырга тәкъдим итте, чөнки кризис шартларында медиациянең роле арта. Мондый тәкъдим Татарстан Президенты, Россия бизнес-омбудсмены һәм республика эшкуарлары катнашында онлайн-очрашу барышында яңгырады. Бу хакта Россия Президенты каршындагы Эшкуарлар хокукларын яклау буенча вәкаләтле вәкилнең матбугат хезмәте хәбәр итә. Читать дальше...

(Казан, 14 апрель, «Татар-информ», Гөлнар Гарифуллина). dvor.tatar сайтында «Безнең ишегалды» программасына кертелгән барлык йортларның ишегаллары адреслары күрсәтеләчәк. Бу хакта социаль челтәрдә туры эфир барышында Татарстан Президенты ярдәмчесе Наталия Фишман-Бекмамбетова хәбәр итте.