Новости за 04.07.2018

Русия думасы 21 яше тулмаган затларга исерткеч эчемлекләр сатуны тыю турында канун өлгесен беренче укылышта кире какты.

Өстәмә кыйммәт салымын 20 процентка кадәр арттыру турындагы канун өлгесен Татарстаннан сайланган 15 депупат хуплап тавыш биргән. Бер генә депутат каршы булган.

Чаллының "Обамка", "Бедный еврей" дип аталган туңдырмалар чыгаруы белән шаулап алган "Славица" ширкәте "Сабантуй" дип аталганын да чыгара башлады.

Актанышта татар халкының данлы җырчысы, татар халык җырларын кабатланмас моңлы тавышы белән дөньяга таныткан, Русиянең атказанган, Татарстанның халык артисты, Дәүләт премияләре иясе Әлфия Авзалова исемендәге Төбәкара фестиваль-бәйге узды.

Русия президенты Владимир Путин чит ил паспорты һәм машина йөртү өчен яңа төр таныклыкка дәүләт пошлинасын арттыру турында канунны имзалады. Канун бер айдан гамәлгә керәчәк.

Британиянең Солсбери шәһәреннән ерак түгел Эймсбери шәһәрчегендә 30 июньдә бер йортта ир һәм хатын-кыз аңсыз килеш табылган. Полиция алар "билгесез матдә" белән агуланган дип фаразлый. Бу хакта 4 июльдә Уилтшир графлыгы полициясе хәбәр итте.

14 июнь-15 июль көннәрендә Русиядә дөнья футбол беренчелеге уза. Русия мондый чемпионатны беренче тапкыр оештыра. 64 уенның алтысы Казанда уйнала. Азатлык шушы вакыйганың иң кызыклы мизгелләрен җанлы блогта теркәп бара.