Новости за 11.01.2018

Минзәлә районы Коноваловка авылы янында дуңгызчылык комплексын төзү быелның инвестицияләр програмына кергән. Элегрәк халык төзелешкә каршы имзалар җыйган иде.

Европа кеше хокуклары мәхкәмәсе Татарстан кешесе Адександр Стрюковка Русиядән дүрт мең евро күләмендә компенсация түләтү карары чыгарды. Стрюков нигезсез өч ел тикшерү изоляторында утырган диелә.

Казандагы "Кольцо" сәүдә үзәге җитәкчесе Ильяс Ганиев арендага Ксения Собчак өчен имза җыю урыны бирүдән баш тарткан. Ул моны "мөмкинлек юк", дип аңлаткан.

Сайлаучылар хокукларын яклаучы "Голос" хәрәкәте президент сайлау алдыннан активистларга карата "сәяси күзләү һәм психологик басымнар" турында белдерә. Бу хакта алар Владмир Путин исеменә мөрәҗәгать юллаган.

Мәскәүдә Кызыл мәйдан янында Казан активисты Иван Климов тоткарланган. Ул бер йорт төзелешенә бәйле хәлләр турында белдерерү өчен ялгыз пикетка чыккан булган.

Польша саклану министрлыгы комиссиясе 2010 елда Смоленски янында ТУ-154 очкычының казага юлыгу сәбәбе шартлау дип атады. Комиссия нәтиҗәләренә караганда, шартлау чыганагы берничә булган.

Кара миләшнең дәвалау үзлекләре шактый. Мәсәлән, аның составында капиллярларны ныгытучы Р витамины кара карлыгандагыга караганда 2 мәртәбә күбрәк. Шуңа да әлеге витаминны эшләп чыгарганда кара миләшне төп чимал итеп алалар. Аның җимешләрендә йод та күп. Дәвалау максатыннан аны күпчелек витамин җитмәгәндә, бөердә таш булганда, гипертония, цистит вакытында кулланалар. Пешкән кара миләш кан агуны туктата, эчне […]

Казан һосписында эшләүче хезмәткәрләр үлемгә дучар авыруларның соңгы мизгелдә беркемне дә гаепләмичә йокыга талып китүләрен сөйли. Азатлык хәбәрчесе һосписта эшләү үзенчәлекләре, үлемгә карашлары, хасталар белән ничек аралашуы турында хезмәткәрләр белән сөйләшеп кайтты.