Новости за 02.06.2021

Türkmenistanyň häkimiýetleri ýurduň daşynda galan raýatlaryny ýurda gaýtarmagyny dowam etdirýärler. Azatlygyň birnäçe çeşmesine görä, türkmen raýatlaryny getirmek işi käbir ýurtlaryň daşary ýurt migrantlary üçin wagtlaýyn wiza bermekden ýüz öwürmegi sebäpli bat alypdyr. Şol bir wagtyň özünde, Türkmenistana gaýtmak hemmä miýesser etmeýär, esasy päsgelçilikleriň biri garaşylmadyk maliýe çykdajylaryndan ybarat bolýar.

Ýerli synçylar yssy howanyň dowamly azyk gytçylygynyň we ýetde-gütde durmuşyň üstüne urna bolandygyny, sebäbi geçen ýyl çagalaryna iýmäge zat tapman, bolanja öý goşlaryny, şol sanda kondisionerini satan ýa azyga çalşan adamlaryň hem az bolmandygyny aýdýarlar.

Irki käşir, katoşka ekinleri, miweli baglar uly zyýan çekdi, emma ýerli resmiler bu ýyl çekirtgeleriň azdygyny aýdyp, netijeli çäre görmeýärler, mesele degişli edaralarda iň ýönekeý zyýansyzlaşdyryş serişdeleriniň hem bolmazlygynda diýip, adynyň aýdylmazlygyny soran hünärmen aýtdy.

Hiç hili koronawirus hadysasyny resmi taýdan hasaba almadyk Türkmenistanda pandemiýa sebäpli girizilen çäklendirmeleriň tapgyrlaýyn gowşadylmagynyň fonunda ýurduň “Demirýollary” kompaniýasy sebitara otly gatnawlaryny doly dikeltdi. Kompaniýa sebitara otly gatnawlarynyň täzelenen tertibini resmi websahypasynda çap etdi. Bütindünýä saglygy goraýyş guramasynyň ýöite COVID-19 missiýasynyň 2020-nji ýylyň iýulynda Türkmenistana eden saparyndan soň, türkmen häkimiýetleri pandemiýa çäklendirmelerini güýçlendirdi... Читать дальше...

Eýranyň Deňiz flotunyň iň uly gämisi 2-nji iýunda irden näbelli şertlerde dörän ýangyndan soň Oman aýlagynda gark boldy, ýöne ekipažyň ähli agzalary halas edildi. “Harg” goldaw gämisiniň motor otagynda ýangyn döredi, diýip Deňiz floty 2-nji iýunda aýdyňlaşdyrmazdan beren beýanatynda aýtdy. Gämi gark bolmanka ýangyn söndürijiler “20 sagatlap” ýangyny söndürmek üçin göreşdiler, diýip beýanat aýtdy. Gämi Tähranyň 1,270 kilometr töweregi günorta-gündogarynda, Oman aýlagyndaky Jask eýran portunyň golaýynda ýerleşýärdi. Читать дальше...

Dört iri halkara guramasynyň ýolbaşçylary pandemiýany gözegçilik astyna almak we ösüp barýan ýurtlara sanjym elýeterliligini ýola goýmak üçin dünýä liderlerini miliardlarça dollar maýa goýmaga çagyrdy. Bütindünýä saglygy goraýyş guramasynyň (BSSG), Bütindünýä bankynyň, Halkara pul gaznasynyň (HPG) we Bütindünýä Söwda Guramasynyň (BSG) başlyklary 1-nji iýun ýüzlenmelerinde baý ýurtlar bilen ösüp barýan ýurtlaryň arasyndaky sanjym ara tapawudynyň has köp wirus ştamlarynyň döremegine ýol açyp biljekdigini aýtdylar. Читать дальше...

Günbatar Kabulda bolan iki partlamada azyndan 10 adam öldürildi, diýip owgan howpsuzlyk resmileri aýdýar. Bu partlamalar halkara güýçleriň Owganystandan goşun çekip başlamagyndan soň, ýurt boýunça zorlugyň artýan wagtynda bolýar. Iki mikro awtobusy nyşana alan aýrybaşga partlamalarda başga-da 14 adam ýaralandy diýip, Kabul polisiýasynyň metbugat sekretary Ferdows Faramarz 1-nji iýunda gijöýlän aýtdy. Ýöne, şaýatlar “Tolo News” habar agentligine ejir çekenleriň sanynyň ep-esli köpdügini aýtdylar. Читать дальше...

Özbegistanyň prezidentiniň uly gyzy Saida Mirziýaýewa Daşkent welaýatynyň Buka etrabynda, bäş sany prezident başlangyjyny hödürläninden iki ýyl soň, 4-nji asyryň arheologiki ýadygärliginiň ýerinde gurlan ýaşlar toplumy dargap başlady.