Новости за 17.12.2020

Aşgabatda howanyň temperaturasy gijelerine -3 gradusa çenli ýetýän şu günlerde gyzlary bilen ýaşaýan jaýyndan çykarylan aşgabatly zenan prezident Gurbanguly Berdimuhamedowa ýüzlendi. Zenanyň wideoýüzlenmesi "turkmen.news" neşiri tarapyndan 16-njy dekabrda çap edildi. "Kazyýetiň adalatlylygyna bolan ynamyny ýitiren we resmilere bil baglamaýan aýal konstitusiýanyň kepili we raýatlaryň hukuklaryny goraýjy hökmünde göni ýurduň prezidentine ýüz tutmaga mejbur bolýar" diýip, neşiriň habarynda bellenilýär. Читать дальше...

68 ýaşyndaky Putin 1999-njy ýyldan bäri prezident ýa-da premýer-ministr bolup, rus syýasatynda ýigrimi ýyllap esasy adam boldy. Şu ýylyň başynda tassyklanan konstitusiýa üýtgetmeleri bolsa, öňki KGB ofiseriniň teoriýa boýunça 2036-njy ýyla çenli häkimiýet başynda galmagyna ýol açdy.

Türkmenistanyň welaýat hassahanalaryna COVID-19 keseliniň alamatlary bolan näsaglaryň alnyp barylmagy dowam edýär. Köpüsiniň ýagdaýy agyr. Ölüm ýagdaýlary hem bolýar. Şol bir wagtyň özünde-de, saglyk edaralary birin-birin karantin edilýär ýa-da ýer bolmansoň näsaglary kabul etmegi bes edýär. Bu barada 17-nji dekabrda Azatlygyň Türkmenistandaky habarçylary gürrüň berdiler. Resmi taýdan COVID-19 ýurtda henizem ýok.

Türkiýäniň prezidenti Rejep Taýyp Erdogan Türkmenistanyň bitaraplygynyň 25-nji ýyl dönümi mynasybetli iberen gutlagynda Türkmenistanyň ýakyn geljekde Türk geňeşine goşulyp biljekdigine umyt bildirdi. Bu barada türk habar serişdeleri maglumat berýärler. “Biz Türkmenistanyň Merkezi Aziýa ýurtlarynyň arasyndaky hyzmatdaşlyga, şeýle-de sebitiň daşyndaky döwletler we halkara guramalar bilen dialoga aktiw gatnaşýandygyny görýäris. Şeýlelik bilen, men Türkmenistanyň gysga wagtda Türk Geňeşine goşulmagyny... Читать дальше...

Hususy dükanlarynda terminalda söwda eden adamlar soň öz girdejisini bankdan aljak bolanda, bank resmisine para bermäge mejbur bolýar, şu sebäpden ol öz çykdajysyny kartda söwda edýänlerden, alan harytlarynyň bahasyna 10% nyrh goşup alýar diýip, ýagdaýy bilýän adamlar aýdýar.

Şu gü​nler Mary welaýatynyň Garagum etrabynyň orta mekdeplerinde okuwçylaryň ene-atalary bilen ýörite ýygnaklar geçirilýär. Bilim we polisiýa işgärleriniň gatnaşmagynda geçirilýän bu ýygnaklarda ene-atalara Täze ýyl baýramynyň öňýanynda çagalaryna berk göz-gulak bolmak tabşyrylýar. "Düzgün bozan" okuwçylaryň hojalyjkaryna jerime salynjakdygy hem duýdurylýar. Bu ýagdaýlaryň jikme-jikleri barada Azatlyk Radiosynyň habarçysy 17-nji dekabrda Marydan habar berdi. Onuň tassyklamagyna görä, 16-njy dekabrdan... Читать дальше...

Russiýanyň prezidenti Wladimir Putin özüniň ýyllyk metbugat ýygnagyny geçirýär. Onuň dowamynda Putin Kremliň tankytçysy Alekseý Nawalnynyň zäherlenmegine Russiýanyň Federal Howpsuzlyk Gullugynyň ilteşiklidigi baradaky täze derňewdäki maglumatlary ret etdi. Şeýle-de, ol hiç hili subutnama getirmezden, rus oppozisiýa syýasatçysynyň ABŞ-nyň aňtaw gulluklary bilen işleşýändigini aýtdy. Mundan başga-da, Putin Russiýanyň galan döwletler ýaly 2020-nji ýylda COVID-19 sebäpli meseleler bilen ýüzbe-ýüz bolandygyny... Читать дальше...

Fransiýanyň prezidenti Emmanuel Makron “COVID-19-a pozitiw diagnoz görkezdi” diýip, fransuz prezidentiniň resmi websaýtynda maglumat berilýär. 42 ýaşly Makronyň “ýedi gün möhlet bilen özüni üzňeleşdirjekdigi”, şeýle-de “işlemegini gaýybana dowam etdirjekdigi” aýdylýar. Fransiýa koronawirus pandemiýasyndan has köp zyýan çeken ýurtlaryň biri boldy. Fransiýada wirus bilen kesellän 2,4 million adam ýüze çykaryldy, şeýle-de ondan 60 müň töweregi adam öldi. Ozalky bank işgäri Makron 2017-nji ýyldaky prezidentlik saýlawlarynda ýeňiş gazandy.

Ýewropa Bileleşiginiň ilçileri Belarusda oppozisiýa protestçileriniň basylyp ýatyrylmagyna jogap edip, 29 şahsyýete, şeýle-de ýedi kärhana we gurama garşy ykdysady sanksiýalaryň toplumyny girizmek barada ylalaşdylar. Bu barada diplomatlar 16-njy dekabrda mälim etdiler. Sanksiýalaryň çäginde 27 agzalyk Bileleşik bilen biznes etmek gadagan edilýär, serişdeler doňdurylýar we syýahat çäklendirmeleri girizilýär. Ýewropa Bileleşiginiň Belarus babatynda ylalaşan sanskiýalarynyň üçünji toplumy 17-nji... Читать дальше...

Germaniýada gaçybatalga alyp bilmän, soňra deportasiýa edilen 30 owgan raýaty Kabula geldi. Bu barada 17-nji dekabrda Owganystanyň Bosgunlar boýunça ministrligi maglumat berdi . 2016-njy ýylyň dekabryndan bäri Germaniýadan jemi hasapda 937 owgan raýaty 34 çarter uçary arkaly yzyna – Owganystana ugradyldy. Germaniýadan soňky deportasiýa uçuşy martda amala aşyrylypdy. Ýewropa Bileleşiginiň beýleki döwletleri hem deportasiýa uçuşlaryny ýaňadandan ýola goýdular. Awstriýadan we Bolgariýadan deportasiýa... Читать дальше...

Türkmenistanda ýogalýanlaryň sany köpeldi, gonamçylyklarda täze mazarlar döreýär we ýene täzeleri gazylýar. Polisiýa gonamçylyklara gözegçilik edýär. Keselhanalarda bolsa hassa köp, koronawirus alamatlary bolan näsaglar öýlerinde-de bejergi alýarlar. Resmi taýdan ýurtda COVID-19 henizem ýok.