Новости за 16.12.2020

Türkmenistanda dowam edýän ýiti azyk krizisiniň arasynda, Lebabyň häkimiýetleri hojalyk hyzmatlarynyň şu ýyl üçin töleglerini doly hasaplaşmadyk maşgalalara paýok görnüşinde satylýan iýmit önümleriniň berilmejekdigini duýdurdy. Ýurtda ýiti ykdysady kynçylyklaryň dowam edýän mahaly, köp sanly maşgala bu hyzmatlaryň tölegini öz wagtynda hasaplaşmakda kynçylyk çekýär. Munuň bilen bir wagtda, sebitiň käbir döwlet dükanlaryna paýok uny we ýagy indi iki aýa golay wagt bäri gelmeýär. Bu barada Azatlyk Radiosynyň... Читать дальше...

Britaniýanyň Aşgabatdaky ilçisi Hugh Philpott türkmen dilinde Nury Halmammedowyň “Türkmen Sährasy” aýdymyny ýerine ýetirdi. Bellemeli ýeri, britan ilçisiniň bu wideo-klibinde türkmen telewideniýesinde görkezilýän propoganda äheňli sýužetlerinde ulanylýan şekillerden hem peýdalanylypdyr.   Britan ilçisi 16-njy dekabrda paýlaşan twitinde bu wideo-klibiň YouTube-däki çelgisini ýerleşdirdi, şeýle-de türkmen hökümetine ýakynlygy bilen tanalýan, ýarym-resmi orient.tm neşirine minnetdarlyk bildirdi. Читать дальше...

Türkmenistanyň paýtagty Aşgabatda şu ýylyň 3-nji iýunynda welosipede açylan monument, döwlet býujetine 22 million 424 müň manada, resmi kurs boýunça hem 6 million 407 müň dollara düşdi. Bu barada garaşsyz turkmen.news neşiri özüne gowşan resmi dokumentlere salgylanyp maglumat berýär. Aşgabadyň günbatar böleginde galdyrylan bu monument şäher häkimliginiň buýurmasy boýunça “Sport ýyldyzy” atly hususy kärhanasy tarapyndan guruldy. Neşir bu kärhananyň başga-da onlarça million dollarlyk desgalary gurandygyna ünsi çekýär. Читать дальше...

15-nji dekabrda Türkmenistan bilen ABŞ-nyň daşary syýasy edaralarynyň arasynda üç günlük syýasy geňeşmeler başlandy. Bu barada Türkmenistanyň Daşary işler ministrligi habar berýär. Göni wideoaragatnaşyk ulgamy arkaly geçirilýän geňeşmeleriň dowamynda howpsuzlyk meseleleri, söwda-ykdysady gatnaşyklar we ynsanperwer hyzmatdaşlygy maslahat ediler. Geňeşmeleriň birinji gününde howpsuzlyk, şol sanda Owganystanda parahatçylygy gurmak meselelerine hem garaldy.

ABŞ-nyň ylmy-barlag merkezi hytaý resmilerini ýurduň günbataryndaky Şinjiang sebitinde ýüzlerçe müň etniki uýgury we azlykdaky beýleki musulman toparlaryny agyr şertlerde pagta ýygmaga mejbur etmekde aýyplady. 15-nji dekabrda Global syýasat boýunça Merkeziň çap eden hasabatynda Hytaýyň aglaba uýgurlaryň ýaşaýan üç sebitinde azyndan 570 müň adamyň pagta ýygymyna çekilendigi bellenilýär. Muny hytaý hökümetiniň dokumentleriniň we media habarlarynyň äşgär edendigi nygtalýar. Hasabatda pagta ýygymyna... Читать дальше...

Owganystanyň demirgazygyndaky Baglan welaýatynda barlag-gözegçilik nokadyna edilen hüjümde azyndan 13 polisiýa ofiseri öldi. Bu barada owgan resmileri maglumat berýärler. Bu welaýatda ýene başga bir barlag-gözegçilik nokadyna edilen hüjümde üç polisiýa işgäri ýaralandy. Hüjümleriň ikisi-de 16-njy dekabrda welaýatyň paýtagty Pul-e Khumri şäheriniň golaýynda amala aşyryldy. Hüjümleriň jogapkärçiligini hiç bir topar öz üstüne almady. Emma ýerli resmiler bularyň arkasynda “Talyban” jeňçileriniň durandygyny aýdýarlar. Читать дальше...

Belarus oppozisiýa lideri Swetlana Tihanowskaýa we Belarusyň demokratik oppozisiýasynyň beýleki liderlerine Ýewropa Parlamentiniň Pikir Azatlygy boýunça 2020-nji ýylyň Saharow baýragy gowşurylar. Bu abraýly baýragyň gowşurylyş dabarasy 16-njy dekabrda geçiriler. Tihanowskaýa dabaranyň öňüsyrasynda, şu hepde Brýusselde Ýewropa Bileleşiginiň liderleri bilen gepleşikleri geçirdi. Oktýabrda Ýewropa Parlamentiniň prezidenti Dawid Sassoli şu ýyl baýragyň Belarus oppozisiýasynyň Utgaşdyryjy Geňeşine gowşuryljakdygyny mälim etdi. Читать дальше...