Новости за 14.04.2020

Dünýäde koronawirusdan ölenleriň sany 119,700 adamdan geçdi, onuň 1 million 920 müňden gowrak adama ýokaşandygy tassyklandy we hökümetleriň täze respirator keseliniň ýaýramagyny haýallatmak boýunça dowam edýän synanyşyklary käbir ýurtlarda bökdençliklere sebäp boldy.

Türkmenistanyň häkimiýetleri koronawirus bilen kesellänleri gözläp tapmak boýunça çärelerini dowam etdirýärler. Ýollarda, şäherlere girilýän ýerlerde, wokzallarda we jemgyýetçilik ýerlerinde adamlaryň gyzgyny köpçülikleýin barlanýar, indi mekdeplerde we çagalar baglarynda COVID-19 keseliniň testleri geçirilýär.

Türkmenistanyň dürli künjeklerinde un, çörek, towuk budy, şeker we ösümlik ýagy ýaly ilatyň gündelik sarp edýän esasy azyk önümleriniň gytçylygy barha ýitileşýär. Gytçylygyň fonunda güýç edaralary köpçülikleýin arz-şikaýat edýän adamlara garşy basyşyny güýçlendirýär.

Dünýädäki koronawirus pandemiýasynyň fonunda türkmen häkimiýetleriniň daşary ýurtlara pul ugratmak mümkinçiliklerini has-da çäklendirmegi bilen, ýurduň daşynda galan türkmen raýatlary, şol sanda talyplary “çykgynsyz” ýagdaýa düşendiklerini aýdýarlar.

Özbegistanyň musulman jemgyýetiniň başlygy Remezan aýynda gurnalýan däp bolan köpçülikleýin ybadatlaryň we agzaçarlaryň şu ýyl koronawirus sebäpli ýatyrylandygyny aýtdy. Özbegistanyň Musulmanlar müdirliginiň 14-nji aprelde beren maglumatyna görä, şu ýyl Remezan aýynyň dowamynda metjitlerde köpçülikleýin tarawa namazynyň okalmagyna we agzaçarlaryň geçirilmegine rugsat berilmez. Müdirlik bu kararyň goňşy Gazagystanyň hem-de Gyrgyzystanyň Musulman müdirlikleri bilen geçirilen gepleşiklerden soň... Читать дальше...

Halkara pul gaznasy (HPG) gurama agza 25 garyp döwletiň karz ýeňilleşdirmek hyzmaty bilen dessine üpjün ediljekdigini aýdýar. Gazna munuň olaryň koronawirus pandemiýasyna garşy has köp maliýe resurslary bilen göreşmegi üçin amala aşyrylýandygyny belleýär. Halkara pul gaznasynyň dolandyryjy direktory Kristalina Georgiýewanyň aýtmagyna görä, 13-nji aprelde HPG-niň ýerine ýetiriji geňeşi Halkara pul gaznasynyň öňündäki karz hyzmat borçnamalarynyň ilkinji alty aýyny ýapmak üçin grant aljak ýurtlaryň birinji toparyny tassyklady. Читать дальше...

Başganyň emlägini bikanun otlaýanlar Russiýanyň demirgazyk-günbatarynda ýerleşýän Arhangelsk şäherindäki sinagoga hüjüm etdiler. Bu 2015-nji ýyldan bäri ybadathana edilen soňky hüjümdir. Ýerli ýewreý jemgyýetiniň lideri Anatoliý Obermeýster Azat Ýewropa/Azatlyk Radiosyna beren maglumatynda 13-nji aprelde amala aşyrylan hüjümde jenaýatçylaryň awtoulag tekerlerini we ýanyjy maddalary ulanandygyny aýtdy. Ýangyn zerarly uly zyýan çeken sinagog Arhangelskdäki “Demirgazyk ýyldyzy” atly ýewreý medeni merkezinde ýerleşýär. Читать дальше...

Birleşen Ştatlaryň Owganystan boýunça ýörite wekili Zalmaý Halilzad Katarda "Talybanyň" ýokary derejeli wekilleri bilen duşuşdy. Duşuşygyň çäginde Birleşen Ştatlaryň Döwlet departamenti tarapyndan ABŞ bilen “Talybanyň” arasynda gol çekilen parahatçylyk şertnamasyny durmuşa geçirmekdäki "häzirki kynçylyklar" diýlip häsiýetlendirilen meseleler ara alnyp maslahatlaşyldy. 13-nji aprelde Kataryň paýtagty Doha şäherinde geçirilen gepleşikler, Talyban bilen owgan hökümetiniň arasyndaky tussaglaryň ilkinji alyş-çalşygyndan soň... Читать дальше...

Günorta Koreýanyň harbylary Demirgazyk Koreýanyň Ýaponiýa bilen koreý ýarymadasynyň arasyndaky deňze ýakyn aralyga ýetýändigi güman edilýän ganatly raketalaryň birnäçesini atandygyny aýdýarlar. Günorta Koreýanyň Dolandyryjylar ştabynyň bilelikdäki komitetiniň ýaýradan beýanatyna görä, raketalar 14-nji aprelde irden Demirgazyk Koreýanyň gündogar Kangwon welaýatyndan atyldy. Günorta Koreýanyň harbylary ýagdaýa gözegçilik edýärler we Günorta Koreýanyň hem-de Birleşen Ştatlaryň aňtaw gullugynyň resmileri... Читать дальше...