Новости за 01.09.2019

Рик Перри, вазири энержии Амрико, дар Варшава гуфт, ба эҳтимоли зиёд Вашингтон дар робита ба ишғоли Қрим аз тарафи Русия таҳримҳои зидди Маскавро идома хоҳад дод. Вазири амрикоӣ таъкид кард, ки нимҷазираи Қрим ба Украина тааллуқ дорад. Изҳороти Перри рӯзи 31-уми август дар Варшава, пойтахти Лаҳистон (Полша) садо дод. Вай дар он ҷо бо мақомоти Украина ва Лаҳистон дидору мулоқот кард. Таҳримҳои байналмилалӣ зидди Русия баъд аз дахолати низомии Маскав дар шарқи Украина дар охири моҳи феврали соли 2014 гирифта шуд. Читать дальше...

Тазоҳургарони серб, рӯзи 31 август пас аз як раҳпаймоӣ ба сӯйи Қасри раёсатҷумҳурӣ коғазҳои ҳоҷатхона партофтанд ва бо ин роҳ эътирози худро аз амалкардҳои президенти кишвар Александар Вучич намоиш доданд. Онҳо дар давоми 39 ҳафтаи ахир ҳар рӯзи шанбе намоиши эътирозӣ баргузор мекунанд ва ҳукумати кишварро ба фасод муттаҳам менамоянд. Ин бор бахши дигаре аз онҳо тазоҳуротро дар назди идораи Телевизион ва радои ҷамъиятии Сербия, RTS идома доданд ва онро ба намоиши якҷонибаи корзори интихоботии соли 2016 айбдор карданд.

Беш аз чаҳоряк аср Хадамоти амнияти миллии Узбекистон (СНБ) сокинони ин кишварро дар қабзаи тарсу ваҳм нигоҳ медошт. Се сол пеш, вақте Шавкат Мирзиёев дар Узбекистон ба сари ҳукумат омад, на танҳо ин ниҳоди тавонои қудратиро зери назорат гирифт, балки аз кори он интиқод кард.

Пулиси Кӯлоб нисбат ба Вафо Аюбов, писари овозхон Зафар Аюбӣ, бо иттиҳоми "авбошӣ" парванда кушод. Хабарнигори Озодӣ дар минтақа тамоми талоши худро кард, то назари хонаводаи Зафар Аюбиро дар ин бора бигирад, вале аз шарҳ худдорӣ карданд. Наздикони марди маҷруҳ муҷозоти Вафо Аюбовро талаб доранд.

Эммануэл Макрон – раиси ҷумҳури Фаронса – аз раҳбари Эрон Ҳасан Рӯҳонӣ хостааст, ки дар миёни афзоиши танишҳо дар минтақа хештандорӣ нишон диҳад. Дар ҳоле ки раҳбари Эрон аз Аврупо хост, барои ҳифзи созиши ҳастаии соли 2015 иқдомоти заруриро рӯи даст гирад. Гуфтугӯи телефонии раҳбарони Эрону Фаронса рӯзи 31-уми август баргузор шудааст. Дафтари Макрон хабар дод, ки раиси ҷумҳури Фаронса ҳамчунин хостори “ҳамкорӣ барои ҳаллу фасли мушкили минтақаӣ, аз ҷумла буҳрони Яман ва хештандории Эрон дар масъалаи Лубнон” шудааст. Читать дальше...

Рӯзи шанбеи 31-уми август маркази Ҳонгконг шоҳиди даргириҳои шадид миёни эътирозгарони тарафдори демократия ва пулис буд. Тазоҳургарон оташ афрӯхта, бо "коктейли Молотов" ба пулис ҳамла карданд. Нерӯҳои давлатӣ барои пароканда намудани издиҳом аз гази ашковар ва обпош кор гирифтанд.  Эътирозҳо дар Ҳонгконг 12 ҳафта боз идома дорад. Норозиён аз ҳукумат мехоҳанд, қонунеро лағв кунад, ки бар асоси он муттаҳамони ҷурмҳои ҷиноӣ ба Чин супурда мешаванд. Пеш аз ин, шуморе аз мардум рӯзи ҷумъа хостанд... Читать дальше...

Раиси ҷумҳури Узбекистон дар остонаи ҷашни истиқлоли ин кишвар, ки ҳар сол 1-уми сентябр таҷлил мешавад, ба даҳҳо нафар, аз ҷумла ҳокими вилояти Фарғона Шӯҳрат Ғаниев ва ҳокими вилояти Андиҷон Шӯҳрат Абдураҳмонов ҷоиза дод. Ҳардуи ин мансабдор дар моҳҳои июл ва августи имсол мавриди интиқоди шадиди раиси ҷумҳури Узбекистон қарор гирифта буданд. Шавкат Мирзиёев дар ҷаласаи рӯзи 2-юми август Шӯҳрат Ғаниевро ба "хиёнат" айбдор кард. Нороҳатии президенти Узбекистон аз он буд, ки бо дастури ҳокими... Читать дальше...

Фиристодаи хоси Амрико барои сулҳи Афғонистон рӯзи 1-уми сентябр дар "Твиттер" навишт, Вашингтон ва Толибон дар "остонаи як тавофуқ" ҳастанд. Ба қавли Залмай Халилзод, ин тавофуқ "хушунатҳоро коҳиш дода, роҳро барои афғонҳо хоҳад кушод, то барои музокирот дар мавриди як сулҳ" гирди ҳам оянд.

Ширкати марбут ба СNPC-и Чин дар Тоҷикистон сохтмони полоишгоҳи бузурги нафтро ба поён расондааст. Ин полоишгоҳ қодир аст, аз 300 то 500 ҳазор тонна нафтро дар як сол коркард кунад.