Новости за 21.01.2019

Дар Тоҷикистон ҳамакнун аз ҳаводорони мусобиқаҳои бузкашӣ талаб мешавад, ки қабл аз ташкили ҳар як сабқат аз идораи варзиши шаҳр ва ё ноҳия иҷозатнома бигиранд.

Бостоншиносон дар шаҳраки “Ҳулбук” маҳаллаи ҳунармандӣ, осори дасти онҳо ва вайронаҳои дуконҳои ҳунармандонро пайдо кардаанд.

Сарвиноз Шариповаи 32-сола аз баландии 70 метр биноҳои зебои пойтахтро мебинад, ки дар бунёди онҳо саҳм гузоштааст.

Президенти Тоҷикистон Эмомалӣ Раҳмон дар ҷараёни ҷаласае, ки ба натиҷагирии кори ҳукумати кишвар дар соли 2018 ихтисос дошт, ба раҳбари Дастгоҳи иҷроияи президент Озода Раҳмон супориш дод, ки нисбати мақомдорони “бемасъулият” чораҷӯӣ кунад. Вебсайти президенти Тоҷикистон дар хулосаи маҷлиси васеи ҳукуматӣ менависад, ки ба раиси дастгоҳ супориш шуд, ки ҷараёни иҷрои дастуру супоришҳои раҳбари давлатро таҳлил карда  нисбат ба роҳбарону шахсони масъул, ки дар иҷрои супоришҳо бемасъулиятӣ зоҳир менамоянд, “чораҳои қатъӣ андешад”. Читать дальше...

Сарвиноз Шарипова ҳашт соли охир дар сари фармони крани сохтмонӣ кор мекунад. “Утоқ”-и кории Сарвиноз Шарипова дар баландии 70 метр ҷойгир аст ва аз ин баландӣ ӯ тамоми ҷараёни сохтмонро назорат мекунад. Сарвиноз Шарипова дар сохтмонҳои муҳиме ба мисли “Осорхонаи миллӣ», беморхонаи “Истиқлол”, Академияи ВКД, “Шаршара”-и назди ҳайкали Исмоили Сомонӣ, биноҳои вакилони парлумони Тоҷикистон ва ғайра саҳм гузоштааст.

Ду нафар бозигарони дастаи мунтахаби Тоҷикистон - Сиёвуш Асророви 26-сола ва Хуршед Бекназарови 24-сола – дар мусобиқоти қаҳрамонии Малайзия ва Индонезия бозӣ хоҳанд кард.

Соли 2018 дар фаъолияти вазорату идораҳо, мақомоти иҷроияи маҳаллии ҳокимияти давлатӣ, марказҳои татбиқи лоиҳаҳои давлатии сармоягузорӣ ва сохтору субъектҳои хоҷагидории давлатӣ беш аз 600 миллион сомонӣ зарари молиявӣ ошкор шудааст. Ин зиёни молиявиро мақомоти Агентии назорати давлатии молиявӣ ва мубориза бо коррупсияи Тоҷикистон бар асоси беш аз 1200 тафтишу санҷишҳои молиявӣ ошкор кардаанд. Сулаймон Султонзода, раиси ин агентӣ дар ҳисоботи солонааш дар баробари президент ва ҳукумати Тоҷикистон рӯзи 21 январ гуфтааст... Читать дальше...

Ширкати муттасадии нигоҳубини роҳи Душанбе-Чаноқ эълон кард, ҳаракати нақлиёт дар ин роҳро иҷоза доданд ва акнун мардум метавонанд, аз тариқи ин роҳ аз пойтахт ба аз инҷо ба Суғд бираванд.

Рӯзи 21 январ дар шаҳри Берлин президенти Узбекистон дар лаҳзаҳои пеш аз ворид шудан ба қасри президенти Олмон ба саломи хабарнигори бахши Узбекии Радиои Озодӣ ҳам посух дод.

Навбати танзим ба бузкашӣ расид

Ширкати ҳавоии "Сомон Эйр" рӯзи 21 январ хабар дод, ки парвозҳо дар хатсайри Душанбе-Хуҷанд-Душанберо то охири моҳи январ ду баробар зиёд мекунад. Дар иттилоияи ширкат гуфта мешавад, ки аз имрӯз эътиборан то охири моҳ қарор шуд ширкат рӯзе ду дафъа ба Хуҷанд парвозҳо анҷом диҳад. Ин тасмим, ба навиштаи ширкат, бо  сабаби муваққатан баста шудани роҳи автомобилгарди Душанбе-Хуҷанд гирифта шудааст. "Дар сурати то охири моҳи январ барқарор нашудани ҳаракати нақлиёти автомобилгард, ширкати ҳавопаймоӣ... Читать дальше...

Вазирони умури хориҷии кишварҳои узви Иттиҳоди Аврупо (ИА) рӯзи душанбе дар нишасти Брюссел таҳримҳои зидди чаҳор шаҳрванди Русияро ҳамоҳанг ва онҳоро ба истифодаи силоҳи кимиёвӣ муттаҳам карданд. Дар хабари Шӯрои Иттиҳоди Аврупо омадааст, ки сухан аз боби раҳбар ва муовини истихбороти низомии Русия ва ду корманди ин хадамоти махсус аст. Онҳо дар интиқол ва истифодаи заҳри фалаҷкунандаи асаб ба Солсберии Британия масъул эълон шуданд. Дар хабарномаи Иттиҳоди Аврупо исми ин нафарон эълон нашудааст... Читать дальше...

Эмомалӣ Раҳмон, раиси ҷумҳури Тоҷикистон роҳбарони ширкати “Тоҷик Эйр” ва “Амонатбонк”-ро аз маҷлиси солонаи ҳукумат ҷавоб додааст. Яке аз ширкатдорони ҷаласа бо шарти фош нашудани номаш ба Радиои Озодӣ гуфт, Эмомалӣ Раҳмон баъди шунидани гузориши Руҳулло Ҳакимзода, раиси “Амонатбонк” ва Хайрулло Раҳимов, раиси “Тоҷик Эйр” дар бораи кори ниҳодҳояшон дар соли 2018 ҳардуро сахт танқид карда ва гуфтааст, ки аз толор хориҷ шаванд. Ҳарчанд дафтари матбуоти раёсати ҷумҳурӣ дар бораи гузоришҳои раҳбарони “Амонатбонк” ва “Тоҷик эйр” хабар додааст... Читать дальше...

Рӯзи 21 январ дар шаҳри Берлин президенти Узбекистон дар лаҳзаҳои пеш аз ворид шудан ба қасри президенти Олмон ба саломи хабарнигори бахши Узбекии Радиои Озодӣ ҳам посух дод

Додгоҳи низомии Хуҷанд муҳокимаи як афсари пулисро, ки ба шиканҷаи Комил Хоҷаназаров, як узви собиқи Ҳизби мамнуи наҳзати исломӣ муттаҳам мешавад, шурӯъ кард.

Ҷаласаи ҷамъбасти соли 2018 дар ҳукумати Тоҷикистон, таҳқиқи азияту ҷаримаи муҳоҷирони тоҷик дар Маскав, танзими бузкашӣ, баҳси роҳ дар деҳаи "роҳи Ленин" ва чойхонаи мардумӣ дар деҳаи Шайхбурҳон.

Радиои Аврупои Озод/Радиои Озодӣ фаъолияташро барои аудиторияи Булғористон азсар мегирад.  Барномаҳои Радиои Аврупои Озод/Радиои Озодӣ барои Булғористон, ки соли 1950 оғоз шуда буд, соли 2004, ҳамзамон бо барномаҳои Эстония, Литва, Латвия, Словакия, Хорватия ва Руминия қатъ шуд. Он вақт эътироф шуд, ки принсипҳои демократия ва озодии баён дар ин давлатҳо амал мекунанд ва зарурати барномаҳои радиои барои онҳо аз байн рафт.  Қарори азсар гирифтани барномаҳо ба вазъи мушкили сиёсиву ҷамъиятӣ ва дигаргуниҳои демократӣ... Читать дальше...

Се сарбози Русия рӯзи 21 январ дар натиҷаи  саросер шудани зиреҳпӯш ба дара дар ҷумҳурии ҷудоиталаби Абхозистон кушта шуд. Дар ин бора мақомоти низомии Русия хабар доданд.   Сухангӯи Ҳавзаи Низомии Ҷанубӣ рӯзи 21 январ гуфт, ки дар ин ҳодиса ду сарбози дигар захм бардошт ва бо чархбол ба бемористони низомӣ интиқол ёфт.  Комиссиюни низомӣ ба таҳқиқи ҳодиса оғоз кард. Зиреҳпӯш дар ҳоле ба дара афтид, ки корвони низомии Русия ба макони истиқрори доимияш дар минтақа ҳаракат мекард.  Русия соли 2008... Читать дальше...

Табибони тоҷик мегӯянд, вазъи сиҳатии се марзбон, ки дар кӯҳистони ноҳияи Шамсиддини Шоҳин роҳгум зада, сахт сармо хӯрдаанд, беҳтар мешавад. Яке аз табибони Маркази саломатии ҷамоати Ёл, ки сарбозон онҷо муолиҷа мегиранд, рӯзи 21-уми январ ба Радиои Озодӣ гуфт, вазъи ду сарбоз хуб шудааст ва фақат яке аз онҳо, ки пойҳояш тар шуда, сахт сармо хӯрдаанд, ба муолиҷаи бештар эҳтиёҷ дорад. “Ҳангоми роҳгум задан, пояш дар даруни об задааст, ки сахт сармо задааст. Аммо худаш роҳ меравад ва вазъаш беҳтар мешавад” – гуфт, табиби марказ. Читать дальше...

Мақомоти тоҷик мегӯянд, маоши ночиз ва набуди манзили зист боиси рафтани мутахассисони ҷавон аз кор шудааст.​

Якчанд муассисаи Магнитогорск аз эҳтимоли таркишҳои нав номаҳои эелектронӣ гирифтанд. Дар ин бора сомонаи 74.ru рӯзи 21 январ хабар дод. Дар ин паёмҳо, ки нусхаи онҳо дар шабакаҳои иҷтимоӣ нашр шуд, дар бораи минакорӣ шудани марказҳои тиҷоратӣ, муассисаҳои илмӣ ва бемористонро гуфта шудааст. Аз ҷумла бемористони N1 ҳамин гуна нома гирифт. "Тавре ду таркиши мо нишон дод, мақомот ба таъмини амнияти мардум қодир нестанд",- омадааст дар нома. Бахши минтақавии Хадамоти амнияти федеролии Русия - ФСБ гуфт, ки ин маълумотро таҳқиқ мекунанд. Читать дальше...

Додгоҳи минтақаи Кулоб Сорбон Салимови 31-соларо, ки баҳори соли гузашта духтари 3-сола ва як зани 53-соларо бо зарби бел кушт, ба мӯҳлати 24 сол маҳкум ба зиндон кард. Дар додгоҳи минтақаи Кӯлоб рӯзи 21-уми январ ба Радиои Озодӣ ин хабарро тасдиқ карда гуфтанд, ки ҳукми додгоҳ рӯзи панҷшанбеи 17 январ содир шуд. Як манбаъ дар додгоҳи минтақаи Кӯлоб, ки ба шарти ифшо нашудани номаш гуфт, ки Сорбон Салимов ду рӯзи пеш аз содир шудани ҳукм аз шифохонаи ҷумҳуриявии бемориҳои равонӣ рухсат шуд. Дар... Читать дальше...

Кремл мегӯяд, ки музокироти ҷазираҳои Курил бо Ҷопон ба мушкил рӯ ба рӯ шуд. Ба гуфтаи ёвари президенти Русия Юрий Ушаков, изҳороти сарвазири Ҷопон Синдзо Абэ ба раванди музокирот таъсир гузошт. Дар ин бора хабаргузории "РИА Новости" бо истинод ба телевизиони "Россия" иттилоъ дод. Абэ ибтидои моҳи январ гуфт, ки Ҷопон Курилро мехоҳад ва розӣ аст, ки сокинони руси ҷазира баъди пайвастани он ба ҳудуди Ҷопон низ дар онҷо зиндагӣ кунанд. Ҷопон эътироф намекунад, ки ҷазираҳои Итируп, Шикотан, Кунашир ва Хабомай ба Русия тааллуқ доранд. Читать дальше...

Қазоқистон се гумонбари ҳамла ба кормандони ширкати давлатии "Охотзоопром" дар вилояти Қарағандаро боздошт кард. Дар натиҷаи ин ҳамла як нозири табиат ба ҳалокат расида буд. Ба гуфтаи сардори Департаменти иртиботи дохилӣ ва хориҷии Вазорати умури дохилии Қазоқистон Алмос Садубоев, ин се нафар дар натиҷаи як амалиёти махсус дар яке аз хонаҳои шахсӣ дар Қизилорда дастгир шуданд. Гумонбарон ба боздоштгоҳи муваққатии вазорат интиқол ёфта, тафтишот идома дорад. Ҳамла ба ду корманди "Охотзоопром" --... Читать дальше...

Ҳунармандони Сирки давлатии Қирғизистонрӯзи 21 январ дар рӯбарӯи бинои порлумони ин кишвар даст ба тазоҳурот заданд. Раҳбари гуруҳ Даниёр Блокбоев дар суҳбат бо хабарнигорон гуфт, онҳо талаб доранд, мудири кулли Сирки давлатии Қирғизистон шахсе таъйин шавад, ки бо ҳунари сирк ошно бошад. Эътирозгарон ба ин мақом номзади худ -- Аида Акматоваро пешниҳод доранд. Кормандони Сирки Қирғизистон нигаронанд, ки 45 рӯз мешавад, раҳбари нави онҳоро таъйин намекунанд ва ҳам намегӯянд, ки номзадии кӣ ба ин мақом мавриди баррасӣ қарор дорад. Читать дальше...