60 моҳвораи интернети бепул ба кайҳон расид
Субҳи ҷумъа ширкати Илон Маск -- SpaceX бахши аввали моҳвораҳои худро барои ташкили интернети моҳвораӣ ба мадори Замин баровард. Бо расидан ба хатти парвози доимии худ ҳамаи 60 моҳвораи хурд бо шабакаи инетрент пайваст шуданд.
Сафина барои ба мадор баровардани моҳвораҳои Илон Маск аз космодроми гулугоҳи Канаверал дар Флоридаи Иёлоти Мутаҳида партоб шуданд. Партоби моҳвораҳо нахуст мебоист рӯзи 16 май амалӣ мегашт, вале бо сабаби бад будани ҳаво ва тафтиши ниҳоии таҷҳизот ба таъвиқ афтод.
Оғози кори ин моҳвораҳо бахши аввали тарҳи Starlink аст, ки аз соли 2015 ба ин сӯ таҳия шуда, ҳадафаш таъмини аҳолии ҷаҳон бо интернети тез ва ройгон дар ҳамаи нуқоти ҷаҳон аст. Ду моҳвораи озмоишии ин тарҳ ҳанӯз моҳи феврали соли 2018 ба мадори Замин расонда шуданд. Илон Маск мақсад дорад дар чанд соли оянда шумораи онҳоро ба чанд ҳазор адад расонад. Харҷи умумии тарҳ 10 миллиард доллар баровард мешавад.