Раиси порлумони Узбекистон барои дидани Норак меояд
Нуриддинҷон Исмоилов, раиси порлумони Узбекистон бо сафари расмӣ ба Тоҷикистон хоҳад омад. Мақомоти Маҷлиси Намояндагони Тоҷикистон гуфтанд, сафари Исмоилов аз 19 то 22-юми ноябр идома мекунад.
Муҳаммадато Султонов, сухангӯи Маҷлиси Намояндагон, гуфт, Нуриддинҷон Исмоилов дар ҷараёни сафари худ ба Душанбе бо президент Эмомалӣ Раҳмон ва раиси Маҷлиси Намояндагон Шукурҷон Зуҳуров гуфтугӯ хоҳад кард.
Интизор меравад, раиси порлумони Узбекистон аз Осорхонаи миллӣ, “Кохи Наврӯз”, корхонаи “Ноқили Талко”, нерӯгоҳ ва обанбори Норак дидан кунад.