Новости за 08.02.2019

Parlamenti i Greqisë ratifikoi protokollin për anëtarësimin e Maqedonisë fqinje në NATO, duke i dhënë fund kontestit shumëvjeçar të emrit midis Shkupit dhe Athinës. Votimi u zhvillua pasi ish-republika jugosllave ka arritur marrëveshje me Greqinë, vitin e kaluar, për të ndryshuar emrin e saj në Maqedoni të Veriut. Marrëveshja tashmë është ratifikuar nga parlamentet e të dyja vendeve. Greqia i ka bllokuar për gati tri dekada përpjekjet e Maqedonisë për anëtarësim në NATO dhe në Bashkimin Evropian... Читать дальше...

Presidenti i Rusisë, Vladimir Putin, shkarkoi njëmbëdhjetë zyrtarë të lartë ushtarakë që mbanin poste qeveritare. Dekreti i bërë publik të premten thotë se Putin i ka zëvendësuar nëntë gjeneralë dhe dy kolonelë, të cilët mbanin poste të nivelit të lartë në Komitetin Hetimor dhe në Ministrinë e Brendshme dhe atë të Emergjencës. Zyrtarët e shkarkuar përfshijnë gjeneralin Sergei Solopov, shef i drejtorisë për parandalimin e korrupsionit në forcën policore të Moskës   Dekreti nuk jep asnjë aryse për shkarkimet.

Dhënia e të ardhurave bazë personave të papunë në Finlandë nuk i ka shtyrë ata të gjejnë punë, zbulon një hulumtim. Nga janari i vitit 2017 deri në dhjetor të vitit 2018, 2,000 finlandezë të papunë kanë marrë një pagesë mujore prej 560 eurosh. Qëllimi ka qenë që të shihet nëse siguria e garantuar do t'i shtyjë njerëzit të gjejnë punë. Derisa nivelet e punësimit nuk janë përmirësuar, pjesëmarrësit në hulumtim kanë thënë se janë ndjerë më të lumtur dhe më pak të stresuar. Kur e ka nisur këtë hulumtim në vitin 2017... Читать дальше...

Qytetarët e Kosovës duan transparencë lidhur me dialogun me Serbinë, që është sugjerim edhe i dy ambasadorëve të Shteteve të Bashkuara në Prishtinë dhe Beograd, tha shefi i Grupit Parlamentar të Lidhjes Demokratike të Kosovës, Avdullah Hoti, në një postim në rrjetin social Facebook. Ai tha se “është e papranueshme që të ambalazhohet dialogu me Serbinë me gjysmë të njohura dhe dykuptimësi" dhe se "kjo qasje e presidentit u pa edhe sot në konferencën për media”. Presidenti i Kosovës, Hashim Thaçi... Читать дальше...

Ushtruesi i detyrës së prokurorit të përgjithshëm të Shteteve të Bashkuara, Matthew Whitaker, tha se nuk ka folur me presidentin Donald Trump ose ndonjë zyrtar të lartë të Shtëpisë së Bardhë në lidhje me hetimet e Rusisë, për ndërhyrjen e saj të dyshuar në zgjedhjet presidenciale në SHBA, më 2016. Whitaker, i cili i mbikëqyr hetimet që po i bën këshilltari i posaçëm, Robert Mueller, i bëri komentet gjatë një seance dëgjimore në Kongres. Ai tha se nuk ka bërë asnjë veprim për të ndërhyrë "në ndonjë mënyrë" në hetime. Читать дальше...

Moska tha se është e gatshme të angazhohet në bisedime me Holandën në lidhje me rrëzimin e një aeroplani të Malajzisë në një territor të kontrolluar nga separatistët pro-rusë në lindje të Ukrainës, në vitin 2014. "Dialogu ynë nuk është ndalur, përfshirë atë në nivel politik. Ne jemi të gatshëm për bisedime", tha zëvendësministri i Jashtëm rus, Aleksandr Grushko. Ai i bëri komentet një ditë pasi Holanda ka thënë se "është gjithnjë e më e sigurt" se Rusia do të pajtohet për bisedime formale në lidhje me gjetjet e një hetimi ndërkombëtar... Читать дальше...

Një grua e mbuluar nga Skënderaj ka arritur të hyjë në Librin Botëror të Rekordeve Guinness, pasi ka bërë lulen më të madhe në botë nga një letër e vetme. Ajo thotë se është paragjykuar vetëm e vetëm pse është myslimane dhe është e mbuluar.

Dy partitë më të mëdha opozitare në Kosovë, Lidhja Demokratike e Kosovës dhe Lëvizja Vetëvendosje, pranojnë se ditëve të fundit kanë përafruar qëndrimet e tyre, në radhë të parë, siç thonë, për ndaljen e keqqeverisjes aktuale. Deputeti Ismet Beqiri nga Lidhja Demokratike e Kosovës, tha për Radion Evropa e Lirë, se me Vetëvendosjen kanë kontakte më të shpeshta. Këto kontakte, sipas tij, vijnë edhe si rrjedhojë e përafrimit të Partisë Socialdemokrate me partitë në pushtet. Beqiri thekson se qëllimi... Читать дальше...

Poli verior magnetik i planetit (veriu ku drejtohet kompasi) është duke lëvizur në drejtim të Siberisë së Rusisë.

Presidenti i Kosovës, Hashim Thaçi, thotë se ka marrë porosi të qartë në Uashington se pa pezullimin e tarifës doganore ndaj mallrave nga Serbia dhe Bosnjë e Hercegovina, nuk mund të vazhdojë dialogu në Bruksel. “Unë kam kërkuar edhe në Uashington mundësinë vazhdimin e dialogut pa heqjen e taksës, por më vjen keq përgjigja është që duhet të ndodhë pezullimi”, tha Thaçi gjatë një konference për media në Prishtinë, pas kthimit nga një vizite që zhvilloi në Shtetet e Bashkuara, ku mori pjesë në Lutjet e Mëngjesit. Читать дальше...

Jo të gjithë kirurgët janë duke e vazhduar grevën, e cila kishte nisur qysh në fund të dhjetorit të vitit të kaluar. Ata tashmë janë ndarë në dysh. Një pjesë e kirurgëve e kanë braktisur grevën, ndërsa një pjesë tjetër vazhdon të insistojë në koeficientin tetë me Ligjin e ri për pagat. Mjekët specialistë me këtë ligj, janë ranguar në koeficientin e pestë. Përfaqësuesi i grevistëve, Arbër Morina, në vazhdimësi ka kërkuar koeficientin tetë e që ua mundëson atyre një pagë prej 1,912 eurosh. Aktualisht... Читать дальше...

Ambasadorët e Bashkimit Evropian u pajtuan që t'i ashpërsojnë rregulloret mbi një gazsjellës të diskutueshëm nga Rusia në Gjermani, por vendosën që të mos mbështesin plane që mund të kërcënojnë përfundimin e tij. Puna në gazsjellësin Rrjedha Nordike 2 - i gjatë 1,225 kilometra dhe që kalon nën Detin Baltik - është në realizim e sipër dhe pritet të përfundojë në fund të vitit 2019. BE-ja do që t'i fusë gazsjellësit që hyjnë në bllok nën rregullat e saj për energjinë. Por, Gjermania ka pasur... Читать дальше...

Qeveria e Kosovës reagoi ndaj disa deklaratave të presidentit të Serbisë, Aleksandar Vuçiq, duke i vlerësuar ato si "kërcënuese, agresive dhe luftënxitëse". Sipas një deklarate të Qeverisë së Kosovës, presidenti i Serbisë, Aleksandar Vuçiq, më datën 7 shkurt, 2019, në qytetin e Vranjës në Serbi ka thënë se “nuk i njeh kufijtë e Kosovës, kufijtë ndërkombëtarisht të njohur dhe të pranuar në Jarinjë dhe Bërnjak". Sipas Qeverisë së Kosovës, këto deklarata janë të papranueshme dhe paraqesin cenim... Читать дальше...

Zgjedhjet presidenciale në Maqedoni pritet të shpallen të premten nga kryetari i Kuvendit, Talat Xhaferi. Bazuar në deklarimet e deritanishme të zyrtarëve, ato pritet të mbahen më 21 prill dhe 5 maj, në dy rreth zgjedhore. Partitë politike nga ana tjetër ende nuk kanë zyrtarizuar kandidatët e mundshëm për pasardhësin e Gjorge Ivanovit, kreut aktual të shtetit. Kryeministri Zoran Zaev, njëherësh kryetar i Lidhjes Social Demokrate (LSDM) në pushtet, deklaroi se në ditët në vijim do të bisedojë me partnerët e koalicionit... Читать дальше...

Shteti amerikan i Alabamës ekzekutoi një të burgosur mysliman, pasi Gjykata Supreme ia refuzoi apelin për praninë e një imami gjatë vrasjes së tij. Vrasësi i dënuar, Dominique Ray, u ekzekutua me injeksion, ashtu siç ishte planifikuar. Avokatët e Rayt kanë thënë se shteti i favorizon të krishterët, sepse, sipas tyre, prifti lejohet të jetë në dhomë me të burgosurit. Sipas disa njoftimeve, imami Yusef Maisonet ka shikuar ekzekutimin nga një dhomë pranë. Departamenti i Korrektimit në Alabama... Читать дальше...

Grupi militant Shteti Islamik nuk është mposhtur, tha të premten kancelarja gjermane, Angela Merkel. Këto deklarata që janë në kundërshtim me ato të presidentit të Shteteve të Bashkuara, Donald Trump, Merkel i bëri në inaugurimin e selisë së re të shërbimit të inteligjencës në Berlin. "I ashtuquajturi Shtet Islamik, për fat të mirë, është dëbuar nga territori që ka uzurpuar, por kjo, për fat të keq, nuk do të thotë se Shteti Islamik është zhdukur. Ai po transformohet në një forcë asimetrike të luftës. Читать дальше...

Presidenti i Serbisë, Aleksandar Vuçiq, përsëriti të premten se nuk do të ketë vazhdim të dialogut për normalizimin e marrëdhënieve me Kosovën, derisa kjo e fundit nuk e heq taksën 100% që ka vënë mbi prodhimet e importuara nga Serbia. Vuçiq tha se shpreson se autoritetet e Kosovës do ta kuptojnë se pa bisedime nuk mund të ketë zgjidhje. "...por, nëse nuk duan, nuk duan. Nuk mund ta detyrojmë askënd. Problemi është se unë nuk e di se çfarë duan, çfarë kërkojnë prej nesh dhe çfarë prej botës"... Читать дальше...

Udhëheqësi suprem i Iranit, Ajatollah Ali Khamenei, tha se slogani "Vdekje Amerikës" i drejtohet presidentit të Shteteve të Bashkuara, Donald Trump, dhe vendimmarrësve të tjerë amerikanë, e jo kombit amerikan. "Vdekje Amerikës do të thotë vdekje Trumpit, John Boltonit (v.j. këshilltarit për siguri kombëtare) dhe Mike Pompeos (v.j. sekretarit amerikan të Shtetit). Do të thotë, vdekje sundimtarëve amerikanë", tha Khamenei në një tubim të zyrtarëve të Forcës Ajrore të Iranit, me rastin e 40-vjetorit të Revolucionit Islamik të vitit 1979. Читать дальше...

Franca e ka thirrur ambasadorin e saj nga Italia të enjten, duke shpërfaqur kështu një mosmarrëveshje mes dy shteteve fqinje dhe aleateve të Bashkimit Evropian, për shkak të siç janë shprehur autoritetet franceze, sulmeve “të përsëritura dhe të pabaza” nga liderët politikë italianë kundër Francës. Ky vendim njëherësh ka qenë i pari i llojit të tillë që Franca tërheq të dërguarin e saj nga Roma, prej kohës së Luftës së Dytë Botërore. Diplomatët kanë thënë se Parisi ka vepruar pas një serie të sulmeve nga Italia... Читать дальше...

Qindra qytetarë në Drenas protestuan të premten, duke kërkuar drejtësi lidhur me rastin e raportuar të abuzimit seksual të një vajze të kësaj komune. Protestuesit bënë thirrje që rastet e abuzimeve seksuale të raportohen. Ata kërkuan që personat e përfshirë në rastin e raportuar të ndiqen penalisht. Abuzimi seksual i vajzës nga Drenasi është thënë të ketë filluar kur ajo ka qenë 16 vjeçe, fillimisht nga profesori i saj. Pas denoncimit në polici nga viktima, hetuesi policor është thënë se ka abuzuar seksualisht me të dhe... Читать дальше...

Gjatë disa javëve të kaluara në Serbi, mijëra njerëz kanë dalë në rrugët e Beogradit dhe qyteteve të tjera për të protestuar kundër, siç thonë, tendencave autoritare të presidentit Aleksandar Vuçiq dhe kontrollit të rreptë mbi mediat. A janë protestat një moment kritik për Vuçiqin?

Motra e mbretit të Tajlandës, princesha Ubolratana Mahidol, ka njoftuar se do të garojë në zgjedhjet për kryeministre, duke shënuar kështu një veprim të pashembullt. Sipas të dhënave të regjistrimit, ajo do të garojë përmes partisë që është e lidhur me ish-kryeministrin, Thaksin Shinawatra, i cili është raportuar të ketë shkatuar përçarje në këtë vend. Vendimi i saj ka thyer traditën e familjes mbretërore tajlandeze për të qëndruar jashtë politikës. Zgjedhjet në Tajlandë do të mbahen më 24 mars. Читать дальше...

Ambasadorët e Shteteve të Bashkuara në Kosovë dhe Serbi, Philip Kosnett dhe Kyle Scott i bëjnë thirrje Kosovës të pezullojë tarifën prej 100 për qind ndaj mallrave të Serbisë dhe Bosnjës.  Ata po ashtu kërkojnë që Serbia të jetë konstruktive si dhe të dyja palët të ndalin provokimet. “Është koha që Kosova ta pezullojë taksën, që Serbia të përgjigjet në mënyrë konstruktive, që të marrin fund provokimet nga të dy anët, që Beogradi dhe Prishtina t’i kthehen dialogut të udhëhequr nga Bashkimi Evropian... Читать дальше...

Kuvendi i Kosovës do të mbajë të premten një seancë të jashtëzakonshme lidhur me rastin e fundit të raportuar të abuzimit seksual të një vajze në Komunën e Drenasit. Seanca, e cila është caktuar të nisë në orën 12:00, është thirrur me kërkesë të deputetëve të Lëvizjes Vetëvendosje, Lidhjes Demokratike të Kosovës dhe subjektit Alternativa. Kryetari i Kuvendit të Kosovës, Kadri Veseli ka thënë se raste si ajo që ndodhi në Drenas, nuk do të tolerohen. “Mbledhja e Kryesisë ishte kërkesë e jashtëzakonshme e 40 deputetëve. Читать дальше...

Ndarja e buxhetore për Ligjin për pagat, i cili është miratuar në Kuvendin e Kosovës më 2 shkurt të këtiij viti, nga viti 2020 do të jetë pothuajse e pamundur të jetë në përputhje me kufizimet sipas rregullit, ka thënë në intervistën për Radion Evropa e Lirë, Ruud Vermeulen, drejtor i Zyrës së Fondit Monetar Ndërkombëtar në Kosovë.  Ndër të tjera ai ka thënë se kjo bën ngushtimin e shpenzimeve për sektorët prioritar dhe do të pengojë rritjen dhe krijimin e vendeve të reja të punës, që nevojiten për... Читать дальше...