Новости за 11.08.2018

Presidenti turk, Recep Tayyip Erdogan ka përsëritur thirrjet e tij që turqit të shesin dollarët dhe eurot, me qëllim që të përkrahin monedhën kombëtare, vlera e së cilës ka rënë, për shkak të shqetësimeve mbi ekonominë dhe përkeqësimit të marrëdhënieve me Shtetet e Bashkuara. Duke folur para mbështetësve në qytetin Unye, Erdogan gjithashtu tha se është për keqardhje që Shtetet e Bashkuara po zgjedhin Andrew Brunson – një pastor amerikan që po gjykohet në Turqi nën akuzat për terrorizëm – përpara se të zgjedhin si aleat strategjik Ankaranë. Читать дальше...

Një trup i lartë kushtetues i Iranit ka miratuar masat që janë aprovuar në Parlament, për të afruar vendin me normat ndërkombëtare, sa i përket masave kundër shpëlarjes së parave. Këshilli Mbrojtës, trup që verifikon legjislacionin që kalon në Parlament, ka miratuar amendamentet që luftojnë financimin e terrorizmit, ka thënë zëdhënësi i këtij trupi, Abbas Ali Kadkhodaei. “Amendamentet e ligjit për luftimin e financimit të terrorizmit nuk janë në kundërshtim me Kushtetutën e vendit dhe ligjet e Sheriatit”... Читать дальше...

Shërbimi Federal i Burgjeve të Rusisë, ka mohuar se regjisori ukrainas, Oleh Sentsov, i cili është në grevë urie që tre muaj, ka humbur 30 kilogramë. Në një deklaratë të cilën e ka cituar agjencia TASS, ky institucion ka thënë se “deri sot ne nuk kemi parë se Sentsov ka humbur peshë apo se i është përkeqësuar gjendja shëndetësore”. Deklarata vjet një dit pas presidenti francez, Emmanuel Macron ngriti çështjen e gjendjes shëndetësore të Sentsov, gjatë një bisede telefonike me presidentin rus, Vladimir Putin. Читать дальше...

Qytetarët e Kosovës posedojnë sasi të ndryshme të metalit të çmuar, përfshirë edhe arin, por që këtë produkt vazhdojnë ta ruajnë në shtëpitë e tyre. Edhe pse bankat komerciale në Kosovë në bazë ligjore, përveç mjeteve financiare, ruajnë gjërat me vlerë, deri më tani asnjë person nuk ka marrë “guximin” që arin ta sigurojë në këto institucione. Njëra nga to është Blerina nga Prishtina. Ajo, madje, shprehet se nuk ka informacione se ekziston një mundësi e ruajtjes së këtij produkti në institucione. Читать дальше...

Garda Revolucionare Islamike e Iranit thotë se forcat e saj kanë vrarë dhjetë militantë në një rajon kurd në afërsi të kufirit me Irakun. Në një deklaratë, të cilën e ka transmetuar agjencia e lajmeve IRNA, Garda tha se dhjetë personat e vrarë ishin pjesë e një “grupi mirë të armatosur terrorist”. Po ashtu, kjo forcë ka njoftuar se janë plagosur edhe disa militantë të tjerë në përleshjet që ndodhën në orët e vona të 10 gushtit. Megjithatë, Garda Revolucionare Islamike nuk njoftoi nëse ndonjë ushtarë i saj është vrarë. Читать дальше...

Dhjetëra persona kanë protestuar sot në Prishtinë kundër dhunës dhe vrasjeve në Kosovë. Me parullat “Boll ma drejtësi selektive, “Boll ma dhunë institucionale”, qytetarët marshuar drejt stacionit qendër në Prishtinë, ku kërkuan shkarkimin e komandantit të Policisë së Gjakovës, dhe policëve që ishin në detyrë, në kohën kur i dyshuari, Pjetër Ndrecaj vrau gruan e tij, Valbona Marku- Ndrecaj 40-vjeçe dhe vajzën e tyre 9-vjeçe. Vrasja e dyfishtë që ndodhi ditë më parë në një fshat të Gjakovës, ka shtyrë që protestuesit e sotëm në Prishtinë... Читать дальше...

Ministri i Jashtëm iranian, Mohammad Javad Zarif thotë se asnjë takim me zyrtarët amerikanë nuk është planifikuar, përfshirë këtu për një takim të mundshëm me Sekretarin amerikan të Shtetit, Mike Pompeo. I pyetur se nëse ka gjasa që një takim i tillë të ndodhë, posaçërisht në margjinat e mbledhjes së Asamblesë së Përgjithshme të Kombeve të Bashkuara, Zarif i tha agjencisë së lajmeve Tasnim se “nuk është planifikuar një takim i tillë”. Presidenti iranian, Hassan Rohani më 6 gusht ka refuzuar thirrjet... Читать дальше...

Festivali i filmit të shkurtër dhe dokumentarëve Dokufest në Prizren, sivjet po shënon edicionin e 17-të, me një laramani të filmave vendor e ndërkombëtarë si dhe promovimit të folklorit shqiptar. I konsideruar si ngjarja më e madhe kulturore në Kosovë edhe këtë vit ka sjellur qindra regjisorë nga e gjithë bota.

Autoritetet në Rumani thonë se 440 persona, përfshirë dhjetëra policë, kanë kërkuar ndihmë mjekësore, pasi protestat anti-qeveritare përshkallëzuan në dhunë. Protestat anti-qeveritare në Bukuresht më 10 gusht, nxorën në rrugë dhjetëra mijëra persona nga vendi dhe jashtë, të cilët kërkonin nga Qeveria që të japë dorëheqje për shkak të ndryshimit të disa ligjeve, të cilat, sipas kritikëve, do të bënin më të vështirë që të ndiqen veprat korruptive. Protesta u përshkallëzua në dhunë pasi policia... Читать дальше...

Një panel për të drejtat e njeriut i Kombeve të Bashkuara thotë se vlerësohet se një milion ujgurë etnikë në Kinë po mbahen në “qendra kundër-ekstremizmit” dhe miliona të tjerë besohet se janë në kampe të riedukimit, duke bërë që rajoni perëndimor ujgur në Kinë, të jenë “diçka që i ngjan një kampi masiv të internimit”. Gay McDougall, nënkryetare e komitetit të OKB-së për Eliminimin e Diskriminimit Racor, tha se shumica e ujgurëve të ndaluar dhe minoriteteve myslimane, në rajonin autonom të Xinjiang... Читать дальше...

Një punonjës i aeroportit në shtetin e Uashingtonit, ka arritur që të vjedhë një avion, pa asnjë pasagjer në bord. Ky punonjës ka arritur që të fluturojë me avionin e vjedhur nga aeroporti Seattle-Tacoma, por është përplasur në jug të Puget Sound. Asnjë pasagjer nuk ka qenë në bord dhe policia ka thënë se nuk ka asnjë indikacion se ky incident është akt terrori. Policia ka thënë se piloti me gjasë ka pasur prirje vetëvrasëse dhe ka të ngjarë që ka vdekur gjatë rrëzimit të avionit.

Policia e Shqipërisë ka arrestuar Ridvan Zykajn, 24-vjeçar, i cili dyshohet se të premten vrau tetë persona të familjes së tij. Policia, përmes një postimi në Facebook ka njoftuar se pas punës gjatë gjithë natës dhe operacioneve pa ndërprerje, kanë arritur që ta arrestojnë autorin Zykaj në një zonë periferike në dalje të Selenicës. Ai është shoqëruar në stacionin policor në Vlorë dhe do t’i nënshtrohet procedurave të mëtejme ligjore. Zykaj, sipas autoriteteve të rendit në Shqipëri, të premten... Читать дальше...

Arineta Mula alpiniste dhe vrapuese ka pushtuar majat më të larta botërore. Si alpiniste kosovare ajo është ballafaquar me sfida nga ma të ndryshmet për t’i vizituar këto vende, duke filluar nga marrja e vizave, e deri te çështjet financiare. Por, ajo në intervistën dhënë për Radios Evropa e Lirë ka thënë se dëshira e saj për t’i pushtuar këto maja, qoftë edhe Everstin si majën më të lartë në botë, ka bërë që gjitha sfidat t’i tejkalojë, duke u pajisur së fundmi edhe me pasaportë të shtetit shqiptar, që ia lehtëson asaj lëvizjen e lirë. Читать дальше...