اماراتو د کرونا ویروس د مخنیوي په هدف ایران ته پروازونه لغوه کړي
متحده عربي اماراتو د کرونا وایروس د مخنیوي لپاره ایران ته ټول پروازونه لغوه کړي دي.
ایران تر چین وروسته د نړۍ دوهم هېواد دی چې ډېر خلک د کرونا وایروس له امله مړه شوي دي.
په ایران کې رسمي شمېرې څرګندوي چې ۱۵ تنه مړه شوي دي.
په ټوله نړۍ کې ۸۰ زره وګړي په کرونا وایروس اخته شوي او ۲۷۰۰ کسان په دې وایروس مړه شوي چې اکثر په چین کې دي.
د ایران د روغتیا وزارت ویاند کیانوش جهانپور نن د هغه هېواد دولتي ټلوېزیون ته وویل چې په وروستیو ۲۴ ساعتونوکې د کرونا وایروس درې نوې پېښې ثبت شوې دي.