Новости за 09.02.2021

د فېبرورۍ پر نهمه په اسلام اباد کې د پاکستان مېډيکل کميشن د ودانۍ مخې ته د قبايلي سيمو او بلوچستان زده کوونکو احتجاج وکړل. احتجاجیان وايي، په مېډيکل کالجونو کې د يادو سيمو لپاره ځانګړې سيټونه کم کړل شوي دي. نور حال په دې ویډیويي راپور کې.

په برما کې پولیسو د پوځي کودتا پرضد د اعتراض کوونکو د تیت او پرک کولو په خاطر تشدد کړی دی، له ربړي مردکیو یې ګټه اخیستې، د راپورونو پر بنسټ د دې هېواد په پلازمېنه نایپیداو کې څو تنه ټپیان شوي هم دي.

د هند صدراعظم نریندرا مودي وايي کابل د هندوستان د خلکو په زړونو کې خاص ځای لري. هغه دا خبره د شاه توت بند د تړون د لاسلیک په مراسمو کې وکړه. شاه توت بند د هند په ۲۳۶ میلیونه ډالره مرسته رغول کیږي. جزییات په راپور کې

د روسیې د ولسمشر ویاند دیمیتري پېسکوف نن سې شنبه (د سلواغې ۲۱مه) په مسکو کې د ټیلیفون له لارې یوې خبرې غونډې ته وویل چې ګڼ هېوادونه له روسیې څخه د کرونا د واکسین د ترلاسه کولو په لټه کې دي.  نوموړي وویل: "تاسو پوهېږئ چې په نړیواله کچه د روسیې د واکسین د غوښتونکو شمېر ډېر لوړ دی، خو د تولید ظرفیت اجازه نه ورکوي چې ژر تر ژره دا غوښتنې پوره کړي، خو وروسته تردې چې ټولو روسانو ته واکسین ورسېږي بیا به هڅې د دې غوښتنو لپاره پراخې شي."  تردې یوه ورځ مخکې ایران د دې واکسین تزریق پیل کړ. د ایران د روغتیا... Читать дальше...

د افغانستان ملي امنیت ریاست وایي، د حقاني شبکې او داعش ګډه شبکه یې نېولې ده. د ملي امنیت د عمومي ریاست له لوري په خپره شوې خبرپاڼه کې راغلي چې نیول شوې ډلې د هدفي وژنو، د انفجاري موادو د انتقال او دغه شان د ځنځیري وژنو مسولیت درلود. په اعلامیه کې دغه شان راغلي چې د داعش او حقاني شبکې دغه ګډې نیول شوې ډلې په ډېرو تروریستي فعالیتونو او د امنیتي ځواکونو د یو شمېر منسوبینو په وژلو کې یې لاس درلود. د اعلامی په وینا دغه ډلې په امنیتي، دافاعي او دغه شان په مدني فعالینو د پراخه حملو پلان درلود چې د... Читать дальше...

د درېیم هېواد لپاره د زرګونو افغانانو نامعلوم برخلیک په هندوستان کې، د افغانستان د کډوالو او راستنېدونکو چارو وزارت اوس د دې افغانانو د ستونزو لاره لټوي. په هندوستان کې دغه مېشت افغانان د زده کړو له بې برخيتوب او وزګارتيا په څېر له ګڼو نورو ستونزو سره مخ دي. د کډوالو او بېرته راستنېدونکو چارو وزیر نورالرحمان اخلاقي وايي، د دغو افغانانو د ستونزو د حل لپاره نږدې راتلونکې کې یو پلاوی هندوستان ته لېږل کېږي. ښاغلی اخلاقي زیاتوي: "هندوستان کې ۲۱ زره افغانان ژوند کوي، شااوخوا ۵ زره کسانو یې نور... Читать дальше...

د ډیجیټل پاکستان د شمېرو ترمخه په دغه هېواد کې ۷۷ میلیونه خلک د انټرنیټ استعمال کوي.

په ميانمار کې د پوځي کودتا ضد او د دې هېواد په جمهوري توګه د منتخب شوې مشرې انګ سان سوچي د خوشې کولو لپاره د لسګونه زره کسانو مظاهرې لا هم دوام لري. د پوليسو مظاهرچيانو ترمنځ نښتې هم شوې دي. په دې اړه له رویټرز او امريکا غږ ويډوګانو څخه اسرار عالم مومند راپور جوړ کړی.

د ننګرهار د خښتو بټیو کې زرګونه ماشومان په سختو او درنو کارونو بوخت دي چې د زده کړو په ګډون له خپلو نورو حقه حقوقو بې برخي شوي دي. د دغو ماشومانو کورنۍ وایي، له بټيو پوروړي دي او که اولادونه یې ورسره کار ونه کړي، نو په یوازې ځان نه شي کولای چې د خپلې کورنۍ اړتیاوې پوره کړي. لس کلن علي خان له خپل پلار سره د سره رود ولسوالۍ د خښتو بټيو کې کار کوي وایي، شپږ میاشتې وړاندې یې په درېیم ټولګي کې خپلې زده کړې ځکه پرېښودې چې پلار یې نه شو کولای د کورنۍ مالي اړتیاوې په یوازې ځان پوره کړي. دی غواړي چې... Читать дальше...

په میانمار کې پولیس د پوځي کودتا پرضد د اعتراض کوونکو د خورولو په خاطر تشدد کړی دی.  اعتراضونه نن سې شنبه (د سلواغې ۲۱مه) د دې سربېره روان وو چې د نوي پوځي حکومت چارواکو خبرداری ورکړی و چې مظاهرې ثبات ګواښي، نو د دوی پرضد به لاس په کار شي.  نن څلورمه ورځ ده چې په میانمار کې مظاهرې دي. په دغه هېواد کې منتخب مشره انګ سان سوچي پوځیانو ونیوله او نظامي حکومت یې اعلان کړ.  اعتراض کوونکي غواړي چې واک بېرته ملکي حکومت ته وسپارل شي، انګ سان سوچي او نورهغه سیاسي مشران چې د فبروري په لومړۍ نیول شوې دي، بېرته خوشې شي. Читать дальше...

د ازبکستان ولسمشر نن سې شنبه (د سلواغې ۲۱مه) د خپل هېواد د پارلمان هغه لایحه تصویب کړه چې له مخې یې د ولسمشرۍ ټاکنې په دغهَ هېواد کې په اکتوبر کې ترسره کېږي.  د دې تصویب شوې لایحې له مخې د ولسمشرۍ او پارلمان عمومي ټاکنې د اکتوبر د وروستیو لسو ورځو لومړۍ یکشنبې ترسره کېږي. سږ کال دا یکشنبې د اکتوبر له ۲۴مې سره برابره ده.  پخوا په ازبکستان کې هر پنځه کاله وروسته د ولسمشرۍ انتخابات د ډسمبر د وروستیو لس ورځو په لومړۍ یکشنبې ترسره کېدل.  یو شمېر انتقاد کوونکي وایي، د ټاکنو د دې نوې نېټې د وړاندیزعلت... Читать дальше...

نن سې شنبه (د سلواغې ۲۱مه) سهار د کابل د باغ داوود په سیمه کې چې د پنځمې ناحیې مربوط ده، د کلیو پراختیا د وزارت څلور کار کوونکي وژل شوي دي.  د کابل د امنیه قومانداني ویاند فردوس فرامرز وایي چې دا کسان نامعلومو وسله والو په ډزو وژلي دي او د پېښې تحقیقات د ګډ امنیتي ټیم له لوري روان دي.  ددې پېښې په اړه تر اوسه هېڅ کومې وسله والې ډلې څه نه دي ویلي.

د عامه ساتنې څلورغړي د هرات- اسلام کلا د لارې په اوږدو کې وژل شوي او دوه تنه ټپيان شوي دي.  د هرات والي عبدالوحید قتالي نن سې شنبه (د سلواغې ۲۱مه) وویل، دا پېښه داسې مهال رامنځته شوې چې د دې ځواکونو موټر د سړک د غاړې پر ایښي ماین ختلی دی او چاودنه شوې ده.  تر اوسه کومې وسله والې ډلې د پېښې پړه نه ده منلې. په دې وروستیو کې پر دې لویه لاره د افغان دولت د مخالفو وسله والو بریدونه زیات شوې دي.

د کونړ والي محمد اقبال سعید وویل، د دې لمریزې برېښنا په ذریعه به کرنیز تولیدات زیات او د وارداتو کچه به راکمه شي.

د کابل ښار یو شمېر اوسیدونکي وايي چې د مقناطیسي ماین چاودنو د دوی ژوند ستونزمن کړی دی.   دا وروستۍ څو میاشتې په کابل او یو شمېر لویو ښارونو کې مقناطیسي ماین چاودنو او هدفي وژنو زور اخېستی. نور حال په دې ویډیويي راپور کې وګورئ:

د افغانستان جمهور رئیس محمد اشرف غني نن سې شنبه (د سلواغې ۲۱مه) هندوستان سره د شاتوت بند د جوړېدو د تړون د لاسليک په انلاین غونډه کې وویل، په افغانستان کې شرایط تر هر بل وخت حساس پړاو ته رسیدلي. جمهور رئیس غني وايي، افغانان د یوې هر اړخیزې سولې ملاتړ کوي: "که سوله راځي باید داسې سوله راشي چې تاوتریخوالي په کې نه وي، نه داسې سوله چې يوه بله تراژېدي رامنځته کړي، تېرو تکرار شوېو تراژېدونه باید خلکو ته یو تجربه پاتې وي، څو موږ تاریخ بیا تکرار نه کړو، سوله په افغانستان کې ممکنه ده، که طالبان او ملاتړې... Читать дальше...

د هند وزیراعظم نراندرا مودي وویل چې نن یو ځل بیا افغانستان او هندوستان د اړیکو یو قوي بنسټ کېښود.

په افغانستان کې د امریکایي مارک فررېکس له لادرک کېدو یو کال وروسته اوس یې خور د موندلو برخه کې د افغانانو همکاري غوښتې ده. ‎شارلن کاکورا ازادي را‌‌‌‌‌‌ډیو ته په استولي غږیز پیغام کې له انسان تښتونکو غوښتي چې ورور یې خوشې کړي: "مارک زه هیله منده یم که مې غږ اورې ښه اووسئ، کورنۍ دې له هغې ورځې چې ورک شوی یې سخت کار کوي چې تا روغ وموي، موږ له خپل ټول ځواکه ګټه اخلو، څو تا کور ته روغ ستون کړو، مارک در پسې خفه یو، مینه درسره لرم." ‎مارک فررېکس له ۲۰۱۰ میلادي کاله په افغانستان کې د بنسټیزو پروژو په... Читать дальше...

د افغانستان او هندوستان ترمنځ د شاتوت بند د جوړېدو تړون لاسلیک شو. د سې شنبې (د سلواغې ۲۱مه) په ورځ د دغه تړون د لاسلیک په انلاین غونډه کې افغان ولسمشر محمد اشرف غني وویل، هندوستان د صدراعظم نرندرا مودي تر رهبرۍ لاندې له افغانستان سره په بېلابېلو برخو کې له درې میلیارده ډالره زیاته مرسته کړې او د شاتوت بند د جوړېدو مرستې افغانانو ته لکه اوبه روان ژوند ورکوي. ښاغلي غني د شاتوت بند اهمیت په اړه وايي: "دا بند به کابل سیند ته کافي اوبه ورکړي او د ښېرازۍ او سمسورتیا په مرکز به یې بدل کړي، د شاتوت... Читать дальше...

د متحده عربي اماراتو هغه فضایي بېړۍ د مریخ مدار ته په ورنژدې کېدو ده چې نژدې اووه میاشتې مخکې د دغې سیارې پر لور توغول شوې وه.  د 'امل' یا 'هیلې' په نوم د متحده عربي اماراتو دغه فضایي بیړۍ به نن سې شنبه (د سلواغې ۲۱مه) د مریخ مدار ته داخله شي او څه باندې یوه اوونۍ وروسته به یې محرکه یا ګرځېدونکې وسیله د دغې سیارې پر سطح د کښېناستو هڅه وکړي. دغه فضایي بیړۍ چې د تېر کال په جولای میاشت کې له جاپانه توغول شوې وه، تر اوسه یې په فضا کې نژدې ۴۸۳ میلیونه کیلو متره لار وهلې. د 'امل' ماموریت دا دی چې د مریخ د اټوموسفیر د څلورو فصلونو نقشه واخلي. Читать дальше...

د افغانستان پر مخابراتي سکټور د جګړې او نا امنۍ اغېز! د افغانستان د مخابراتي خدمتونو د تنظیم اداره یا اترا وايي، ۱۳۹۹ کال کې امنیتي ستونزو د مخابراتي خدمتونو او ښه پوښښ پر وړاندې لوی ګواښ جوړ کړی و. د دې ادارې د معلوماتو پر بنسټ، دې کال کې ۳۰۸ مخابراتي ټاورونه په قسمي یا هم په بشپړ ډول له‌منځه وړل شوي دي. د دې ادارې ویاند سعید شینواري ازادي راډیو ته وویل، له دې شمېر ۱۶۲ مخابراتي ټاورونه په بشپړ ډول او ۱۴۶ نور بیا په قسمي ډول ویجاړ شوي دي. ښاغلی شینواری زیاتوي: "د دې ۳۰۸ تخریب شویو مخابراتي... Читать дальше...

د ملګرو ملتونو یو تازه راپور وایي چې ایران او شمالي کوریا د میزائیلو د پروګرام په اړه بیا خپلو کې همکاري پیل کړې ده. دغه راپور وايي تېر۲۰۲۰ کال کې ایران او شمالي کوریا د لیرې واټن ویشتونکو توغندیو د پروژو په پراختیا کې سره همکاري پیل کړې ده. د متخصصینو یوې خپلواکې ډلې چې پر شمالي کوریا د نړیوالو بندیزونو څارنه کوي، خپل دغه راپور پرون دوشنبې د ملګرو ملتونو امنیت شورا ته وړاندې کړ. په راپور کې ویل شوي چې د دواړو هېوادونو ترمنځ د دغې همکارۍ په ترڅ کې چې تېر کال‌یې بیا پیل کړې، د کښتیو په ذریعه د میزائیلو مهمې پرزې ایران ته انتقال شوې دي. Читать дальше...

د کندهار د صنعت او سوداګرۍ ریاست وايي چې په روان لمریز کال کې د کرونا ویروس له اوج وروسته ۱۲۴ زره ټنه وچه او تازه مېوه له دې ولایته نورو هېوادونو ته صادره شوې ده. د دې ریاست مرستیال عبدالباقي ازادي راډيو ته وویل چې د دې ولایت مڼې، کشمش او وچ انځر پاکستان او هندوستان او دغه‌شان د هوايي دهلېزونو له لارې اروپايي هېوادونو ته صادر شوي دي. دی وايي تېر کال نورو هېوادونو ته ۱۹۹ زره ټنه وچه او تازه مېوه صادره شوې وه، خو سږ کال د کرونا ویروس او قرنطینونو له امله دا اندازه کمه شوې ده. نوموړی وايي دوی... Читать дальше...

د پېښور یوې اوسېدونکې مهوش علي خان د رڼا په نوم سکول جوړ کړی چې پکې په تېرو شاوخوا څلور نیمو کلونو کې د داخلو ماشومانو شمېر ۱۳۰ ته رسېدلی. دا ښوونځی بې وزله ماشومانو ته وړیا تعلیم ورکوي. ۱۲ کلن میلاد خان هم له دې ماشومانو یو دی چې په پېښور کې له خپل پلار سره چولې (نخود) خرڅوي او تر کار وروسته سکول ته ځي. ویډيويي رپورټ.

د جرمني صدراعظمې د ختیځې مدیترانې په سمندرګي کې د ترکیې او یونان ترمنځ لانجه کې د ډیالوګ لپاره غږ کړی.  د جرمني حکومت په یوه بیان کې چې پرون خپور شو ویلي چې انګلا مېرکل د ترکیې له ولسمشر رجب طیب اردوغان سره په ټیلیفوني خبرو کې په دې سیمه کې د روان وضعیت په اړه بحث وکړ. په بیان کې د حکومت د ویاند ستیفن زیبرت له قوله راغلي دي چې مېرمن مېرکل په دې برخه کې د مثبتو اقداماتو هرکلی کړی او د پاتې مسایلو په اړه د بحث لپاره‌یې د ډیالوګ غوښتنه کړې.  ترکیه او یونان د ختیځې مدیترانې په اوبو کې د قلمرو او... Читать дальше...