За Груевски прашајте ги унгарските власти, вели еврокомесарот Вархеји
Eврокомесарот за проширување, Унгарецот Оливер Вархеји, кој денеска е во посета на Скопје, одговарајќи на новинарско прашање во врска со поранешпниот премиер Никола Груевски, кој избега во Унгарија, рече дека ЕУ нема што многу да каже за враќањето на Груевски и оти тоа прашање треба да се упати до унгарските власти.
„Не мислам дека Комисијата ја има поставено оваа цел, дека целта на реформите во судството во Северна Македонија е да се врати поранешниот премиер Никола Груевски од земја членка на Европската Унија. Се работи за национална способност“, рече Вархеји одговарајќи на новинарско прашање.