Новости за 24.07.2020

„МКЦ за Скопје“ е мултимедијалниот хепенинг со кој Младински културен центар, во недела на 26 јули, ќе ја одбележи 57 годишнината од катастрофалниот земјотрес.

Бирото за статистика на Европската Унија Евростат соопшти дека 64 проценти од младите во земјава имаат основни или над основни дигитални вештини. Според стручната фела, овој податок е неповолен и само ја покажува потребата од одржлива дигитализација на македонското општество

Болниците во Туркменистан се преполнети, телата на починатите не можат да бидат однесени во мртовечница доволно брзо, а има и недостиг на пластични вреќи за мртвите. Но, владата на Туркменистан вели дека ништо од ова нема никаква врска со коронавирус.

Како наесен, кога се очекува зголемување на бројот на заразени од Ковид 19, е прашањето што го поставуваат властите, лекарите и граѓаните. Доктор Никола Пановски смета дека нема да биде неопходно воведување на полициски час, туку некои други мерки, како на пример повторно затворање на кафулињата.

На енергетските компании на ниво на ЕУ им беше даден продолжителен рок за поставување на филтрите за загадувањето до 2024 година, бидејќи најголем дел од овие капацитети се државни, вели Дарко Блинков од Државниот инспекторат за животна средина. Тој додава дека веќе и РЕК Битола е во финална фаза со поставувањето на филтрите и добивање на А-интегрирана еколошка дозвола.