Новости за 14.06.2020

Министерката за правда Рената Дескоска вели дека Уредбите со законска сила може да регулираат и по завршување на вонредната состојба, а тоа се однесува и на мандатот на ДИК. Таа укажува дека Уставниот суд веќе се изјасни за времетраењето на уредбите со законска сила. „Одлучувајќи да ја отфрли иницијативата за Уредбата со законска сила за примена на Законот за работните односи за време на вонредна состојба, Уставниот суд оправдано прифати дека не е неуставно уредбите со законска сила да може да... Читать дальше...

Власта е за избори на 5 јули. По завршувањето на вонредната состојба течат роковите за изборите на петти следниот месец, смета власта. Најголемата опозициска партија не прифаќа избори на 5 или на 8 јули, за нив возможен датум би било некаде на средината на јули. Претседателот на ДИК чека решение за нов изборен датум од претседателот на Собранието, кое е распуштено. Претседателот на државата чека партиите да се договорат, па дури тогаш ќе може да свика нова вонредна состојба. Во меѓувреме ОБСЕ/ОДИХР... Читать дальше...

Триесетина медицински сестри од повеќе болници во државата ќе им помагаат на своите колеги на Клиниката за инфективни болести. Исто толкава бројка медицински сестри од повеќе болници ќе се распределат и во ГОБ „8 Септември“, напиша на својот ФБ профил државниот секретар во Министерството за здравство, Владимир Милошев. Девет починати од коронавирус за еден ден, рекорден број досега Во овие две јавни здравствени установи, посочува Милошев, приемот на заболени од ковид-19 е најголем, со речиси целосно исполнети капацитети. Читать дальше...

Претседателот на Државната изборна комисија (ДИК) Оливер Деркоски смета дека нема причина за закажување на седница на ДИК заради фактот, што според него, за да продолжи целиот изборен процес треба прво претседателот на Собранието Талат Џафери да донесе решение со нов датум за избори. За МИА вели дека ниту кажал дека денеска ќе свика седница, ниту, пак, планира да го направи тоа додека не добие решение од претседателот на Собранието. „Од денеска сме во редовна состојба во државата и важи Изборниот законик... Читать дальше...

Претседателот Стево Пендаровски соопшти дека ќе прогласи нова вонредна состојба, само ако има договор меѓу партиите за датумот за избори, откако лидерот на опозициската ВМРО-ДПМНЕ, Христијан Мицкоски го повика да прогласи нова вонредна состојба за да се создадат услови за одржување на изборите. „Претседателот е подготвен да донесе нова одлука за прогласување на вонредна состојба на територијата на цела држава, само доколку претходно биде постигнат меѓупартиски договор на сите политички субјекти за датум на предвремените парламентарни избори... Читать дальше...

Нови 162 заразени со ковид-19 се регистрирани во изминатите 24 часа, соопшти Министерството за здравство. Во изминатото деноноќие биле направени 778 тестови. До објавувањето на овие податоци не се стигнати податоците од лабораторијата на Жан Митрев (Филип Втори), Доколку стигнат, ќе бидат објавени во следниот извештај, се наведува во соопштението. Најмногу заразени има во Скопје -92. Потоа следат Тетово со 32, Ресен -14, Дебар 5, Охрид 4, по тројца во Куманово и Струга, по двајца во Прилеп и Гостивар... Читать дальше...

Датумот за изборите не е и не може да биде ниту партиска ниту лична желба, тој е одреден од уставот и законите, напиша лидерот на СДСМ, Зоран Заев на официјалниот Фејсбук профил. Тој пишува дека итно одржување на изборите е неопходно и екстремно важно за да се вратат институциите кои мора да им служат на граѓаните со полн капацитет и легитимитет. Заев се огласи по прес-конференцијата на лидерот на ВМРО-ДПМНЕ, Христијан Мицкоски кој рече дека 5 и 8 јули не се во опција за одржување на избори, според... Читать дальше...

Претседателот на Социјалистичката партија на Србија (СПС), Ивица Дачиќ, и српски министер за надворешни работи, во екот на предизборните дебати, остро го нападна шефот на државата и лидер на Српската напредна партија (СНС) Александар Вучиќ, јави дописникот на МИА. Дачиќ гостувајќи на ТВ Прва ја обвини новинарката Марија Савиќ Стамениќ, позната по нејзината блискост со Вучиќ, дека некој друг ѝ ги составувал прашањата, како и дека за темите што ги поставува е заинтересиран само Александар Вучиќ. Покрај тоа... Читать дальше...

За ВМРО-ДПМНЕ 5 и 8 јули не е опција за одржување на избори, за нив прва возможна дата кога тоа би било можно е средината на јули, рече на денешната прес конференција лидерот на ВМРО-ДПМНЕ, Христијан Мицкоски. Тој побара од претседателот Стево Пендаровски да ја продолжи вонредната состојба, за да се исполнат два услови. Првиот да се изработи протокол за заштита на здравјето на луѓето и да се има фер и демократски инклузивни избори во државата.А вториот е да се воспостави мисија на ОБСЕ/ОДИХР. Мицкоски... Читать дальше...

Анкара денеска објави дека е одложена планираната посета на руските министри за надворешни работи и за одбрана, на која требаше да разговараат за кризите во Либија и во Сирија, каде што двете земји поддржуваат спротивставени страни. Министрите Сергеј Лавров и Сергеј Шојгу требаше денеска да пристигнат во Истанбул на средба договорена меѓу претседателите на Турција и на Русија, Реџеп Таип Ердоган и Владимир Путин, соопштија вчера министерствата за надворешни работи во двете земји. Но, турското МНР... Читать дальше...

ОБСЕ/ОДИХР распиша конкурс за ангажирање на експери кои треба да ги набљудуваат предвремените парламентарни избори во Македонија на 5 јули. Во конкурсот објавен на нивната веб страница се наведува дека по покана од С. Македонија за набљудување на изборите и во согласност со мандатот што го има ОДИХР, се подготвуваат да распоредат Специјална мисија за проценка на изборите , па затоа ОДИХР бара надворешни консултанти да ги пополнат позициите - раководител на мисијата, заменик-шеф на мисијата, политички аналитичари други видови аналитичари. Читать дальше...

Бројот на смртни случаи од ковид -19 во Иран во изминатите 24 часа надмина 100, за првпат во изминатите два месеци, соопшти денеска Министерството за здравство на Иран. Од Министерството објавија дека 107 луѓе починале од коронавирусот во изминатите 24 часа, со што бројката на починати се искачи на 8.837. Во изминатото деноноќие се регистрирани 2.472 новозаразени со вирусот со што бројката на инфицирани во земјата достигна 187.427 луѓе. Се верува дека реалните бројки се значително повисоки. Читать дальше...

Без учество на релевантните политички фактори изборите ќе предизвикаат криза, рече денеска Бујар Османи од ДУИ, според кого, таа криза ќе прерасне во институционална и ќе ги загрози преговорите со Европската унија. Според него, изборите денес се повеќе потребни од претходно кога беа договорени за 12 април. Смета дека само со политичка Влада и функционално Собрание, државата ќе може да се справи со последиците од коронавирусот. „Исправени сме пред нов предизвик, како да ја заокружиме оваа неприродна... Читать дальше...

Повеќе од 100 луѓе се уапсени во Лондон по судирот меѓу демонстрантите, меѓу кои и екстремно десничарски активисти со полицијата, соопшти британската полиција. Вчерашните протести во Лондон преминаа во насилство, откако дел од демонстрантите се судрија со полицијата, а други фрлаа со шишиња, пиротехнички факли и димни бомби кон полицијата Премиерот Борис Џонсон го осуди насилството, велејќи дека на улиците во Британија нема место за расистичкото насилство. Во Париз протести против расизам... Читать дальше...

Светска банка советува искуствата од пандемијата да се искористат за земјите да изградат поквалитетни здравствени системи и да спроведат економски реформи кои ќе ја нагласат потребата од глобална соработка и заштита на ранливите групи.

Општина Струга донела одлука една недела да не работат службите во Општината, откако службеник вработен во општинската администрација во Струга е позитивен на ковид-19. Од Општината наведуваат дека повикале вработените во администрацијата да останат во самоизолација, а при евентуална појава на симптоми на коронавирус да ги контактираат матичните лекари. Коронавирусот ги зафаќа и институциите Во меѓувреме ќе се анализираат и проверуваат сите контакти што вработениот ги имал со останати лица... Читать дальше...

На 217 луѓе им се издадени решенија за изолација, а 63 лица потпишале изјави за самоизолација во текот на изминатото деноноќие, соопшти Министерството за внатрешни работи. Нов рекорд - 196 нови случаи и 8 починати од коронавирус Од страна на полициски службеници извршени се контроли кај лица во изолација и самоизолација, при што е констатирано дека три лица не ја почитувале мерката за изолација. Во изминатото деноноќие регистрирани се 845 прекршоци за неносење марки. Носењето маски, како... Читать дальше...

Обезбедена е плазма за лекување на 23 пациенти со ковид-19, соопштуваат од Министерството за здравство. Од таму велат дека во изминатиот период се реализирани 16 дарувања на конвалесцентна плазма од луѓе кои го прележале вирусот, од кои седум дарувања со постапка плазмафереза на клеточен сепратор и девет преку стандардно дарување на целокупна крв. Дарител на конвалесцентна плазма може да биде секое лице кое е излечено од овој вирус и кој ги исполнува условите за дарување наведени во протоколот, истакнуваат од Министерството за здравство. Читать дальше...

Началничката на полицијата во американскиот град Атланта си поднесе оставка од функцијата по избувнувањето на немири во градот, откако полицаец застрела црнец на паркинг пред ресторан за брза храна. Градоначалничката на Атланта Кијша Ленс Ботмс изјави дека ја прифатила оставката на шефицата на полицијата Ерика Шилдс по убиството на 27-годишниот Рајшард Брукс, на 12 јуни. Градоначалничката рече дека не верува дека станува збор за оправдана употреба на смртоносна сила и повика полицаецот веднаш да добие отказ. Читать дальше...

Грчкиот премиер Кирјакос Мицотакис вели дека не го интересира Грција да биде број еден дестинација во Европа, туку да биде најбезбедна дестинација во Европа. Тој ова го порача на прес-конференција на островот Санторини во пресрет на утрешниот официјален и постепен почеток на туристичката сезона во Грција. Мицотакис објасни дека постојат строги протоколи за хотелите, постојат конкретни правила и мерки за туристите да можат да уживаат во Грција, но ќе мора да избегнуваат собирања и гужви, како на пример во баровите на плажите... Читать дальше...

Синоќа на полноќ заврши вонредната состојба во државата воведена по појавата на пандемијата на ковид-19. Состојбата беше воведена за справување на последиците од коронавирусот. Првата вонредна состојба претседателот на државата ја воведе на 18 март и таа траеше 30 дена, потоа следуваше уште една од 30 дена, па уште две по 14 дена.Во меѓувреме лидерите на двете најголеми партии во државата СДСМ и ВМРО-ДПМНЕ – Зоран Заев и Христијан Мицкоски не постигнаа договор за датумот за изборите, па затоа, по... Читать дальше...

Времето денеска во земјава ќе биде сончево и топло со мала до умерена локална облачност. Ќе дува слаб до умерен ветер од северозападен правец. Попладне ќе има услови за изолирана појава на краткотраен дожд со грмежи. Дневната температура ќе се движи од 24 до 34 степени. УВ-индексот ќе изнесува 8. Во Скопје дневната температура ќе достигне до 31 степен. Во текот на наредната седмица, особено од вторник повторно на повеќе места ќе биде нестабилно со честа појава на пороен дожд и грмежи.

Главен проблем со кој се соочуваат компаниите во моментов е ликвидноста. Има голем број компании коишто имаат генерирано фактури по основ на обврски дека дале некаква услуга или некаков производ, меѓутоа наплата за тоа коешто го побаруваат сè уште немаат и тие се неликвидни, вели претседателката на Сојузот на стопански комори на Македонија, Данела Арсовска, во неделното интервју на Радио Слободна Европа.

Со ликвидност се борат две третини од фирмите. Над 99 проценти од анкетираните компании рекоа дека имаат намалување на приходите од почетокот на оваа криза, вели претседателката на Сојузот на стопански комори на Македонија, Данела Арсовска, во неделното интервју на Радио Слободна Европа.

Во соопштението по вечерашната владина седница нема ниту збор за вонредната состојба, која истекува на полноќ. Со тоа се отвора патот за одржување на предвремените парламентарни избори на 5 јули. Премиерот Оливер Спасовски денеска рече дека нема потреба од вонредна состојба и оти избори мора да има. Лидерот на СДСМ, Зоран Заев, пак, рече дека е подготвен за отстапка за изборите да се одржат на 8 јули. ВМРО-ДПМНЕ тврди дека нема услови со оглед на големиот број заболени од коронавирус. На последната... Читать дальше...