Новости за 26.04.2020

Детската игра се врати на улиците во Шпанија за прв пат по шест недели, откако владата ја укина строгата забрана за излегување од дома за своите најмлади граѓани. Шпанската влада утринава им дозволи излез од дома на децата под 14 години по 44 дена целосна изолација. Тие сега може да шетаат со родителите еден час во круг од еден километар од домот. Децата може да понесат по една играчка со себе, но не им е дозволено да си играат со други деца и треба да одржуваат еден метар растојание од други луѓе. Читать дальше...

Државниот санитарен и здравствен инспекторат утврди неколку прекршувања во Куманово при тестирањето на членовите на општинскиот Кризен штаб на коронавирус. Градоначалникот Максим Димитриевски, кој беше позитивен на вирусот, ја прекршил самоизолацијата за да дојде во Скопје и да се тестира приватно.

Француската влада во вторник пред Парламентот детално ќе го претстави планот за олабавување на мерките и рестарт на втората по големина економија во еврозоната, која е силно погодена од кризата предизвикана од пандемијата на коронавирус. Премиерот Едуар Филип на Твитер напиша дека во Парламентот ќе ја претстави „националната стратегија за отворање“. Пратениците, пред гласањето, ќе расправаат за владиниот предлог. Тимови на владини експерти со недели работат на пронаоѓање рамнотежа меѓу повторното отворање на економијата... Читать дальше...

Српската Влада соопшти дека забраната за движење за првомајските празници ќе трае од четврток, 30 април од 18 часот до понеделник, 4 мај до пет часот. Како што јави дописникот на МИА од Белград, Владата ја донесе оваа мерка поради приближувањето на првомајските празници, со цел да ги намали социјалните контакти на минимум. Италијанскиот премиер ветува отворање на училиштата во септември Како што соопштија од Владата, граѓаните на возраст над 65 години ќе можат секој ден да излезат на еден... Читать дальше...

Италијанскиот премиер Џузепе Конте ветува дека училиштата ќе бидат отворени во септември, наведувајќи дека тоа е за да не се игра со здравјето на децата, пренесува денеска весникот Република. „Училиштата се во фокусот на нашите мисли и повторно ќе бидат отворени во септември. Но, сите подготвени сценарија на одборот на стручњаци предвидуваа високи ризици за зараза во случај на повторно отворање на училиштата [пред септември]. Во прашање е здравјето на нашите деца“, вели Конте за Република. Училиштата... Читать дальше...

Во Дебар и Центар Жупа, каде што беа евидентирани првите болни лица од коронавирус на 26 февруари, вкупниот број на евидентирани заболени до овој момент е 51, од кои 4 лица починаа, а 47 се излекувани, јавува нашиот дописник Кенан Мимидиновски. Мела – За два дена тестирани 900 луѓе во Дебар и Центар Жупа Екипа на лекари специјалисти од Дебар и Скопје, предводени од раководителот на единицата за јавно здравје во Дебар, епидемиологот Ментор Мела, изврши посети на 26 дебарски семејства од каде се 47-те излекувани. Читать дальше...

Во изминатите 24 часа има потврдено 19 нови случаи на коронавирус, а 126 луѓе оздравеле од болеста. Во ГОБ „8 септември“ починаа 2 лица, пациентка од Липково (Куманово) на 49 години, примена на 03 април со потешкотии во дишење и веднаш поставена на респиратор и 73 годишен пациент од Скопје, примен на 19 април во многу тешка општа состојба, информира Министерството за здравство. Повеќе од половина од оздравените се од Куманово, односно 72 луѓе, а потоа следуваат Скопје и Струга. Оздравени има и во Велес... Читать дальше...

Британскиот премиер Борис Џонсон се враќа на работа в понеделник, две недели по излегувањето од лондонската болница каде што се лекуваше од коронавирус, соопшти неговата канцеларија. Џонсон една недела беше во лондонската болница Сент Томас, од кои три дена на интензивна нега, каде што примаше кислород и беше под 24-часовен надзор. Кога беше отпуштен од болница на 12 април, 55-годишниот Џонсон со видео-порака му се заблагодари на медицинскиот персонал што му го спасиле животот. Оттогаш не беше забележан во јавноста... Читать дальше...

Русија денеска пријави 6360 нови регистрирани случаи на коронавирус, што е најголем број на новозаболени во земјата во едно деноноќие. Властите пријавија дека вчера починале 66 луѓе од коронавирусот, што е најлошиот ден во земјата во однос на смртни случаи. Повеќе од половина од починатите биле во Москва. Според глобалната база на податоци на Универзитетот Џонс Хопкинс, во Русија има над 75 илјади потврдени случаи на коронавирус, а од болеста досега починале 681 луѓе. Стапката на смртност во... Читать дальше...

Факултетот за ветеринарна медицина – Скопје дневно анализира по приближно 35 примероци за коронавирус, велат од високобразовната и научно-истражувачка институција. Тие се активно вклучени во дијагностика на вирусот во соработка со Министерството за здравство, уште од почетокот на пандемијата. Нуредини - Освен Ковид-19 и загадувањето е животозагрозувачко Иако лабораториите на Факултетот се дизајнирани за анализа со голем број на примероци, максималниот дневен капацитет на анализа на мостри за коронавирусот е приближно 35... Читать дальше...

Полицијата евидентирала 71 лице кои во изминатото деноноќие не го почитувало полицискиот час. Притоа привела 55 лица, а на останатите им зела податоци по што, како што соопштуваат од МВР ќе бидат преземени мерки. Нуредини - Освен Ковид-19 и загадувањето е животозагрозувачко Според статистичките податоци на МВР, во изминатото деноноќие на 32 лица им се издадени решенија за изолација, а 47 лица потпишале изјави за самоизолација. Од страна на полициски службеници извршени се контроли кај лица... Читать дальше...

Чекорот на Австрија за затворање на последната електрана на јаглен е за пофалба, сметаат активистите, особено дека доаѓа во време кога ЕУ се соочува со огромни здравствени и еконоски предизвици поради кризата со коронавирусот.

Специјалниот претставник на САД задолжен за помирувањето во Авганистан, побара од талибанците да го почитуваат на „хуманитарни основи“ прекинот на огнот за време на светиот муслимански месец Рамазан и тековната криза со коронавирус. Американскиот претставник Залмај Калилзад денеска преку серија твитови, порача талибанците да го намалат насилството и да престанат со сите нивни навредливи операции до крајот на кризата со коронавирус. Неговите забелешки следат по нападот на талибанските милитанти на првиот ден од Рамазан... Читать дальше...

Луѓето кои живеат во предели каде има поголемо загадување на воздухот се соочени со зголемен ризик за предвремена смрт од Ковид-19, вели во интервју за МИА министерот за животна средина и просторно планирање Насер Нуредини. Тој напомена дека оваа теза неодамна ја изнел специјалниот известувач за човекови права и животна средина на ОН, Дејвид Бојд. „Знаеме дека вирусот главно ги напаѓа белите дробови и аерозагадувањето ја влошува нивната состојба пропорционално на тоа колку се тие изложени на него“... Читать дальше...

Времето во земјава ќе биде сончево со мала до умерена локална облачност и со слаб променлив ветер. Од пладневните часови, претежно на истокот, ќе има услови за појава на краткотраен дожд. Утринската температура се движи од 1 до 7, а дневната од 14 до 25 степени. Во Скопје температурата ќе достигне до 23 степени. Од почетокот на следната недела ќе има услови за локална појава на краткотраен пороен дожд и ретки грмежи претежно во попладневните часови и повеќе во вториот дел од неделата. Дневните температури ќе бидат без значителна промена.

Политичарите не се раководат од она дали интерпретацијата на Уставот е ваква или онаква, политичарите се водат од тоа дали нешто е политички опортуно во даден период, вели професорот по политички науки Ненад Марковиќ од Правниот факултет во Скопје Јустинијан Први. Тој вели дека мерките против коронавирусот се нужни, но дел од нив се и тешки. Преиспитувањето на вонредните одлуки од страна на Собранието отпосле ќе биде помалку ефикасно, вели тој.

Во овој момент рејтингот повеќе зависи од доброто менаџирање на кризата. Приоритет е да се излезе од оваа криза релативно неоштетени, економијата е втората веројатно најбитна работа, а ЕУ и НАТО сепак ќе паднат на трето и четврто место, вели професор Ненад Марковиќ.