Новости за 09.01.2020

Мисијата на ОБСЕ во Скопје изразува осуда на сите форми на расизам, антисемитизам и нетолеранција. Мисијата, на својата официјална страница на Фејсбук, ги повика членовите и поддржувачите на сите политички партии да се воздржат од изразување и споделување навредлива содржина на етничка, верска или друга основа. „Предизборните периоди се времиња кога државите се особено ранливи на говор на дискриминација и нетолеранција, што може да доведе до сериозни последици. Податоците на Мисијата и на локалните... Читать дальше...

Големите профити на сопствениците на мали хидроелектрани го отвораат прашањето за исплатливоста на субвенционирањето на хидроенергијата, наспроти колчеството на произведена електрична енергија. За 15 милиони евра добиени субвенции малите хидроцентрали лани задоволиле само 2,6 проценти од потребите за струја, покажуваат податоците до кои дојде Радио Слободна Европа.

Претседавачот на ОБСЕ, албанскиот премиер Еди Рама денеска во Виена ќе ги претстави програмата и приоритетите на Албанија пред Постојаниот совет на ОБСЕ. Приоритетите ќе се фокусираат врз спроведување на политичките заложби на ОБСЕ и продолжување на дијалогот инспириран од 30- годишнината од Повелбата во Париз. По презентацијата е предвидена заедничка прес-конференција на Рама и генералниот секретар на ОБСЕ Томас Гремингер. Албанија го презеде пртетседавањето во ОБСЕ од Словачка на први јануари годинава.

Генералниот секретар Јенс Столтенберг разговарал телефонски со претседателот на САД Доналд Трамп за улогата на НАТО на Блискиот исток. Трамп побарал од Столтенберг НАТО повеќе да се вклучи во случувањата во тој регион, се наведува на сајтот на Алијансата. Двајцата се согласиле дека НАТО може повеќе да придонесе за регионалната соработка и во борбата против тероризмот.

„Албанија не е ѓаволска, туку демократска земја, која страдаше од невидена ѓаволска диктатура, па затоа човековите права за неа се светост“, изјави албанскиот претседател Илир Мета откако иранскиот духовен лидер Али Хамнеи ја прогласи Албанија за непријател, додавајќи дека таа е како „ѓаволска земја која ги подржува нивните противници“. Мета порача дека за две децении, Албанија останува цврсто посветена да ги поддржува Соединетите амеркански држави и земјите од НАТО во борбата против меѓународниот... Читать дальше...

Шест месеци по доаѓањето на власт Киријакос Мицотакис како грчки премиер е во прва посета на Вашингтон каде што веќе разговараше со претседателот Доналд Трамп. Мицотакис имаше средба и со спикерот на Претставничкиот дом Ненси Пелоси. Притоа тие ја потенцираа важноста на односите меѓу двете земји за стабилноста во регионот.

Илјадници луѓе протестираа во Белград против, според нив, намалувањето на верските и другите права на српското малцинство во соседните земји. Протестот пред црквата Свети Сава на кој учествуваа десничарски и навивачки групи беше предводен од попови на Српската православна црква. Ова беше трет протест во Белград чиј повод е контроверзниот нов закон за верските права што во минатиот месец помина во парламентот на Црна Гора. Според законот кој вчера стапи во сила, верските заедници мора да докажат дека поседуваат имот пред 1918 година.

Новиот еврокомесар за соседство и проширување Оливер Вархели на 15 и 16 јануари ќе престојува во посета на Северна Македонија, јавува новинската агенција МИА, повикувајќи се на извори во Брисел. Тоа ќе биде негова прва посета по стапувањето на функцијата еврокомесар. На 18 декември вицепремиерот за европски прашања Бујар Османи се сретна со Вархели во Брисел, при што му го претстави реформскиот план на Владата до самитот на Европскиот совет во март. Еврокомесарот Вархели, минатиот месец рече дека... Читать дальше...

Ќе биде ведро и студено, преку денот сончево со слаб северозападен ветер и со појава на магла по одделни котлини. Утринската температура ќе биде од минус 13 до минус два, а дневната од 4 до 11 степени. Во Скопје и околината слично време. Утринската температура ќе биде околу минус седум, а дневната ќе достигне до шест степени.