Жаңы жыл түнү борбордук аянттан 12 бала жоголуп кайра табылды
Бишкекте Ала-Тоо аянтында 1-январга караган түнү Жаңы жылды майрамдоо учурунда 12 бала жоголуп, милициянын жардамы менен ата-энесине кайтарылды. Бул тууралуу Бишкек шаардык ички иштер башкармалыгынын басма сөз кызматы билдирди.
Жаңы жылды майрамдоо түнү Бишкекте коомдук тартипти эки миңден ашуун милиция кызматкери көзөмөлдөдү. Негизги майрамдык иш-чара Ала-Тоо аянтында өтүп, эстрада ырчыларынын концерти болду.
Жалпысынан республика боюнча 10 миң ички иштер кызматкери тартипти сактоо иштерине тартылды. (BTo)