Новости за 21.01.2021

Экологиялык жана техникалык коопсуздук боюнча мамлекеттик инспекция (Мамэкотехинспекция) Бишкек жана Чүй облусундагы алты базада сатылып жаткан көмүрдүн сапатын текшерип, бардык талапка жооп берет деген жыйынтык чыгарды. Бул тууралуу мекеменин басма сөз кызматы маалымдады. Маалыматка ылайык, көмүрдүн экологиялык стандарттарына шайкештиги жана радиациясы атайын аппарат менен текшерилди. Алар сапаты Кыргызстандын Радиациялык коопсуздук боюнча техникалык регламентинде көрсөтүлгөн нормадан ашык болбогону аныкталды. Читать дальше...

Улуттук статистика комитетинин эсебинде 2020-жылы 2019-жылга салыштырмалуу күнүмдүк керектүү азык-түлүк 17,6% кымбаттады. Негизги азыктардын санасак, 2019-жылы декабрь айында - күн карама майынын литри 95 сом, картөшкө 20 сом, кой эти 308 сом, кумшекер 42 сом, уй эти 346 сом, биринчи сорттогу ундун килограммы 34 сом болгон. Ал эми 2020-жылы декабрь айында - күн карама майынын литри 146 сом, картөшкө 30 сом, кой эти 412 сом, кумшекер 54 сом, уй эти 436 сом, биринчи сорттогу ундун килограммы 39 сомду түздү. Читать дальше...

Москвада Коррупцияга каршы күрөш фондунун юристтери Любовь Соболь жана Владлен Лось кармалды. Соболдун адвокатынын айтымында, аны «Донское» милиция бөлүмүнө жеткирилди. Ага карата 23-январда нааразылык акциясына чакырык кылганы үчүн протокол толтурулуп жатат. Ага чейин юрист Владлен Лось кармалган. Ал «Твиттерге» жазгандай, 25-январга чейин Орусиянын аймагынан чыгып кетүү боюнча эскертүү тапшырылган. Лось Беларустун жараны. «Мага 25-январга чейин Орусиядан чыгып кетүү боюнча эскертүү беришти. Читать дальше...

Жогорку Кеңештин басма сөз кызматы Бишкектин мэринин милдетин аткаруучу Балбак Түлөбаевдин комитет жыйынына келбей койгону боюнча жооп кайтарды. Буга чейин Түлөбаев комитет жыйынына келбей койгонун сындаган депутаттарга «мыйзамды окушсун» деп жооп берген болчу.  Басма сөз кызматы парламент аппаратынын юридикалык жана тармактык комитеттеринин маалыматына таянып, мыйзам боюнча мэриянын жетекчилиги парламентке отчёт берүүгө милдеттүү болбогону менен жогорку бийлик бутагы болуп саналган Жогорку Кеңеш... Читать дальше...

Чүй облустук ички иштер башкармалыгы тоо чаңгы базаларынын биринде чет элдик жарандын сабалышы боюнча териштирүү башталганын кабарлады. 17-январда милицияга маалымат түшүп, Ысык-Ата райондук ички иштер бөлүмүнүн кызматкерлеринин тобу окуя болгон жерге барган. Ал жерден 21 жаштагы башка өлкөнүн жараны бейтааныш кишилерден токмок жегенин айтып, чара көрүүнү суранган. Факт Кылмыштар менен жоруктардын бирдиктүү реестринде 119-берене («Майда бейбаштык») менен катталды. Милициянын маалыматына ылайык... Читать дальше...

Ирактын баш калаасы Багдаддагы эки жардыруудан каза болгондордун саны 28ге жетти. Шаардын борборундагы базарда жанкечти өзүн жардырган. Расмий бийликтин маалыматы боюнча, дагы 73 киши жарадар болду. Жардыруу болгон учурунда базарда эл көп болгон. Ички иштер министрлигинин маалыматы боюнча, биринчи жанкечти базарда өзүн жаман сезип жатканын айткан. Ага жардам бериш үчүн адамдар топтолгондо жардыргыч затты иштеткен. Ал эми экинчи жардыруу базардагылар биринчи жардыруудан жабыр тарткандарга жардам көрсөтүп жаткан учурда болгон. Читать дальше...

Бул жуманын ичинде «Спекулянт» дүкөндөр түйүнүнүн эки кызматкери, «Нават» чайканасына ээлик кылган адамдардын бири камалганы белгилүү болду. Алар оор деп эсептелген беренелер боюнча айыпталып жатат.​ «Кыргызстанга баргандан коркуп жатам» «Спекулянт» дүкөндөр түйүнү бир нече күндөн бери жабык турат. Дүкөндүн эки бухгалтерине Жазык кодексинин 319-беренесинин («Коррупция») негизинде кылмыш иши козголуп, Бишкек шаардык милициясынын убактылуу кармоочу жайына камакка алынган. Башкы прокуратуранын маалыматына караганда... Читать дальше...

Төмөнкү Ала-Арча суу сактагычында 23-январда балык улоо боюнча мелдеш өткөрүлөт. Ага ондон ашык команда катышып, муз үстүндө балык кармап жарышышат. Бул тууралуу Айыл чарба, тамак-аш өнөр жайы жана мелиорация министрлиги маалымдады. Балыкчылар арасында мелдешти Балык чарба департаменти жана Чүй-Бишкек балыкчылар коомдук бирикмеси уюштуруп жатат. Балык чарба департаментинин директору Эдил Ниязов мындай иш-чара сергек жашоону жайылтуу жана мыйзамдуу балык улоону өнүктүрүш үчүн өткөрүлөрүн билдирди. Читать дальше...

Садыр Жапаров президенттик шайлоодо жеңип чыкканы расмий жарыяланды. Мурунку президент Атамбаевдин жансакчысы Дамир Мусакеев үй камагында экени маалым болду. АКШ президенти Жо Байден ант берип кызматына расмий киришери менен Дональд Трамптын бир катар чечимдерин жокко чыгарды. Анын ичинде кыргыз жарандары кабылган виза чектөөлөрүн алып салууну караган документке да кол койду.

Президенттик шайлоодо жеңишке жеткен Садыр Жапаровдун инаугурациясы 28-январда Бишкекте Токтогул Сатылганов атындагы улуттук филармонияда өтө турганы белгилүү болду. Ага байланыштуу 21-январда президенттин милдетин аткарып жаткан спикер Талант Мамытовдун жарлыгы менен инаугурацияны даярдоо жана өткөрүү боюнча уюштуруу тобу түзүлдү. Жапаровдун салтанаттуу кызматка киришүүсүнө даярдык башталып, Бишкек шаарында айрым жолдордун жабылганы нааразылык жаратты. Шайланган президент Садыр Жапаровдун... Читать дальше...

Жогорку Кеңештин депутаттары Акылбек Жапаров, Бактыбек Турусбеков жана Үмбеталы Кыдыралиев Баш мыйзамды өзгөртүш үчүн референдум дайындоонун жол-жобосун жөнөкөйлөтүү боюнча мыйзам долбоорун сунуш кылышты. Анда бардык фракциялардын жана тармактык комитеттеринин оң корутундулары болгон учурда Жогорку Кеңеш мыйзам долбоорун бир эле мезгилде экинчи, үчүнчү окууда же үч окууда кабыл алууга укуктуу болот. Мыйзам долбоорунун негиздемесинде «бул мыйзам долбоорлору Конституциянын жоболорунан келип чыккандыгын... Читать дальше...

Аялдарга карата зомбулук фактыларынын көбөйүшүнө эмне себеп болууда? Зомбулукка каршы күрөшүү аракети эмнеге натыйжа бербей жатат? "Эксперттер талдайт" берүүсүндө кыргыз коомундагы үй-бүлөлүк зомбулук жана аны кантип токтотуу керек деген суроого жооп издейбиз.

20-21-январда Жогорку Кеңештин жалпы жыйындарында Орусияга жете албай жаткан мигранттардын маселеси көтөрүлдү. Талкууда айрым депутаттар Кыргызстанда жумушсуздук күч алганын белгилешип, мигранттар Орусияга оңой жетип алышы үчүн поезд каттамдарын калыбына келтирүү сунуш кылышты.  Талас облусунун тургуну Мухтар Айбек уулу Орусияда кондитердик цехте иштеп үй-бүлөсүн багып жүрчү. Ал 2020-жылдын октябрь айында Кыргызстанга дарыланганы келген. Бир-эки айдан кийин кайра Москвага кетип калам деп ойлогон. Читать дальше...

АКШда үч демократ-сенатор 20-январда ант берип, кызматка киришти. Бул аркылуу Демократиялык партиянын мүчөлөрү Конгресстин жогорку палатасын көзөмөлгө алышат.  Жоржия штатында 5-январда өткөн добуш берүүнүн жыйынтыгында утуп чыккан Рафаэл Уорнок жана Жон Оссофф жана Калифорния штатынан губернатор тарабынан тандалган Алекс Падилья кызматка киришти.  Падилья Камала Харристин ордуна Калифорния штатынан сенатор болуп калды. Ал - Калифорния штатынын тарыхындагы теги мексикалык жана испан тилдүү болгон алгачкы сенатор. Читать дальше...

Германиянын канцлери Ангела Меркел орус бийлигин оппозициячыл саясатчы Алексей Навальныйды бошотууга чакырды. Бул тууралуу германиялык «Deutsche Welle» басылмасы билдирди. Канцлер немис өкмөтү мындай кадамды туура деп эсептей турганын билдирген. «Албетте, мен Навальный мырзаны тезинен бошотууга чакырам. Абдан тезинен», деп айтылган билдирүүдө. Алексей Навальный 17-январда Берлинден Москвага учуп келери менен «Шереметьево» аэропортунда кармалган. Ага карата «Ив Роше» деп аталган иш боюнча шарттуу жаза камакка алууга алмаштырылары айтылып... Читать дальше...

Экономика министринин орун басары, 10-январдагы президенттик шайлоого талапкерлигин койгон Элдар Абакиров кыргыз экономикасын көтөрүү жолдору тууралуу “Азаттыкка” маек курду.

Европа парламенти 21-январда Евробиримдикти Орусиянын «Түндүк агым - 2» долбоорун токтотууга чакырган резолюция кабыл алганы жатат.

Кытай бийлиги АКШнын мурдагы президенти Дональд Трамптын убагында жогорку даражалуу кызматтарды ээлеп келген 30дай аткаминерге санкция салды. Арасында кызматтан кетип жаткан мамлекеттик катчы Майк Помпео дагы бар.  «АКШнын тиешелүү аткаминерлери Кытайдын эгемендигин, коопсуздугун жана кызыкчылыктарын олуттуу бузганы үчүн Бээжин жооп иретинде санкция киргизүнү чечти. Бул толугу менен мыйзамдуу жана зарыл. Бул кадам Кытай өкмөтүнүн улуттук кызыкчылыктарын коргоо жаатындагы чечкиндүүлүгүн көрсөтөт»... Читать дальше...

АКШнын Эл аралык өнүгүү агенттиги (USAID) «Pfizer/BioNTech» вакцинасын сакташ үчүн Кыргызстанга муздаткыч алып берет. Бул тууралуу 21-январда Жогорку Кеңештин жыйынында саламаттык сактоо министри Алымкадыр Бейшеналиев айтты. «Биринчи бизге 15 миң доза берилери айтылган. Азыркы кездеги сүйлөшүлөр боюнча 1 миллион 200 миң дозаны 1-июнга чейин берет. Ага чейин USAID муздаткычтарды алып берет», - деди министр. Министрдин маалыматына USAID уюмунун Бишкектеги кеңсеси комментарий бере элек.  Глобалдык... Читать дальше...

Бир топтон бери маданият тармагынын өкүлдөрүнүн ызы-чуулары коомчулуктун көңүл чордонунда. Ток этери, тер төккөн адал эмгексиз эле, эчен жылдап иштеп убакыт коротпой эле тезирээк акча табуу, бат эле кызматка жетүү боюнча ырчы жаштардын аракеттерин коомчулук жакшы кабыл албады. Ушул чырдын аркасы менен тил уккан ырчы бир кезде алган сыйлыгын тапшырам десе, аны колдоп кошо тапшырабыз дегендер да болду. “Сыйлыктын баркын билбегендер тапшыра берсин” деп аларды жактырбагандар бир топ. Сыйлык, наамдар дагы башка сый ургалдар СССРден калган... Читать дальше...

Кыргызстанда 2019-жылга салыштырмалуу 2020-жылы үй-бүлөлүк зомбулук 12% көбөйдү. Бул тууралуу Эмгек жана социалдык өнүгүү министрлигинин Үй-бүлөлүк зомбулуктан коргоо жана координациялоо бөлүмүнүн башчысы Айкөл Турганбаева 21-январда «Азаттыктын» түз ободогу «Эксперттер талдайт» программасында билдирди. Адистин айтымында, 2020-жылы коронавирус пандемиясына байланыштуу киргизилген карантин учурунда зомбулук 65% көбөйдү. Турганбаева буга карантин учурунда жарандардын баары үйдө отуруп калганы, окуунун онлайн форматка өтүшү... Читать дальше...

Орусиянын Чита шаарындагы аскердик сот аскердик бөлүктө сегиз кызматташын атып салган катардагы жоокер Рамил Шамсутдиновду 24,5 жылга күчөтүлгөн режимге түрмөгө кести. Буга чейин мамлекеттик айыптоо жоокерди 25 жылга соттоону суранган эле. Ошондой эле сот каза болгондордун жакындарына 9 миллион 800 миң рубль өндүрүп берүү тууралуу өтүнүчтү да канааттандырды. Шамсуддинов 2019-жылдын октябрында Забайкальедеги аскердик бөлүктө сегиз аскерди атып салган. Каза болгондордун ичинде эки офицер да болгон. Читать дальше...

«Human Rights Watch» (HRW) эл аралык уюму Казакстандагы укук коргоо уюмдарына карата «репрессиялык чаралар уланып жатканын» сынга алды. Өткөн жумадан бери эки өкмөттүк эмес уюм салык отчётторун убагында берген эмес деген негизде айыпка жыгылган эле.  Баш кеңсеси Нью-Йоркто жайгашкан уюм 20-январда тараткан билдирүүсүндө казак бийлиги активисттерди жана укук коргоо уюмдарын чектеген мыйзамдарды жана кадамдарды колдонуп келгени айтылат.  «Бирок Казакстанда эркин чогулууга карата акыркы чабуулда... Читать дальше...

Ирактын борбору Багдадда жанкечти жардырган бомбадан улам кеминде жети киши каза болуп, дагы 20дан ашыгы жабыркады. Расмий органдардын маалыматы боюнча, Багдаддагы Таяран аянтынын жанындагы эл көп жүргөн базарда эки жардыруу болгон. Ирактын мамлекеттик телеканалдары жанкечти өзүн-өзү жардырганын кабарлашты. Анын кесепетинен жарадар болгондордун көпчүлүгү оор абалда экени белгилүү болду. Жардыруу үчүн жоопкерчиликти эч ким өзүнө ала элек. Диний пикир келишпстиктен улам тиреш күчтүү болгон Иракта кийинки убакта мындай окуялар азайып калган эле.

Президенттик аппараттын басма сөз катчысы Нургазы Анаркулов Бишкектин «Манас» көчөсү шайланган президент Садыр Жапаровдун инаугурациясына камынууга байланыштуу жабылганын «Азаттыкка» билдирди. Бүгүн, 21-январда түштөн кийин «Манас» проспектисинин «Ала-Арча» мамлекеттик резиденциясынан Чүй көчөсүнө чейинки бөлүгү жарым сааттай жабылды. Бул шаардын борбордук автожолдорунда тыгындарды пайда кылды. Жолдун күтүүсуз жабылышы айдоочуларды жана жүргүнчүлөрдү нааразы кылды. Кийинчерээк социалдык тармактардын... Читать дальше...