Новости за 09.01.2021

9-январда Беларустун ар кыл шаарларында Александр Лукашенконун режимине каршы нааразылык жүрүштөрү конуштардын деңгээлинде атайылап чачкын уюшурулду. “Азаттыктын” Беларус кызматынын маалымдашынча, нааразылык жүрүштөрү ишембиде таң куланөөк сөгө электе эле башталды. Минск шаарынын чыгышында, Сухарево, Уручча, Новая Боровая, Лошица, Сляпянка, Степянка ж.б. конуштарында, ошондой эле Брест, Гродно шаарларында ушундай жүрүштөр уюштурулду. Тасма. А.Лукашенконун режимине каршы нааразылык жүрүшү. Читать дальше...

Индонезиянын "Sriwijaya Air" авиакомпаниясына таандык учак 9-январда баш калаа Жакартадагы аба майданынан асманга көтөрүлгөндөн бир мүнөт өтүп эле радардан көрүнбөй калды. BBC аталган авиакомпанияга таянып кабарлагандай, учактагы 62 адамдын 12си экипаж мүчөлөрү, калгандары жүргүнчүлөр болгон. Арасында он бала бар, алардын айрымдары ымыркайлар. Борнео аралындагы Понтианак шаарын көздөй учуп чыккан учак кырсыкка кабылганы айтылууда. Баштапкы маалыматтарга ылайык, ал Лангканг аралына жакын жердеги сууга кулаган. Читать дальше...

2020-жылдын 3-декабрында «Турук Майнинг» ишканасы көмүр казуу иштерин токтотконун билдирген. Бирок 24-декабрь күнү Нарын облусунун Ак-Талаа районунун Баетов жана Ак-Чий айылынын тургундары компания көмүрдү жашыруун казып жатканын айтып арызданышкан. «Турук Майнинг» жоопкерчилиги чектелген коому казган көмүрдү салык кызматына билдирген эмес. Ак-Талаа райондук салык кызматынын маалыматы боюнча, «Турук Майнинг» ишканасынын «2020-жылдын 3-декабрында көмүр казуу ишин токтоттук» деген билдирүүсүнүн негизинде салык посту алынган. Читать дальше...

АКШнын Колумбия аймагынын федералдык соту 2021-жылдын 6-январында АКШ Конгрессинин имаратына (Капитолийге) жасалган кол салуу менен байланыштуу 13 кишиге коюлган доону карай баштады. Башка 40тай кишинин ишин Колумбия аймагынын Жогорку соту карап жатат. Бул тууралуу 9-январда АКШнын адилеттик министрлиги маалымдады. Шектүүлөргө Капитолийге уруксатсыз киргендиги, курал кармап жүргөндүгү, коменданттык саат эрежесин бузгандыгы ж.б. беренелер менен байланыштуу айыптар тагылууда. Башка да шектүүлөрдү издөө иштери улантылып жатат. Читать дальше...

Ооганстандын президенти Мухаммед Ашраф Гани өзүнүн максаты – бийликти “шайлоо жолу менен аныкталган мураскорго” өткрүп берүү экендигин жана талиптер менен жагымдуу маанайдагы тынчтык сүйлөшүүлөрдү жактаарын айтты. 8-январда өлкөнүн биринчи айымы Рула Гани менен чогуу америкалык Си-Эн-Эн сыналгы каналына маек куруп жатып, президент Гани ооган өкмөтү менен талиптердин тынчтык сүйлөшүүлөрүнүн экинчи айлампасынын башталышына карата өз оюн айтты. 9-январда Катарда кайра жанданып жаткан бул тынчтык... Читать дальше...

9-январда Ош шаарындагы №5295 шайлоо участкасында көчмө урна менен добуш берүүдө мыйзам бузулганы тууралуу тасма тарады. Аймактык шайлоо комиссиясы «Азаттыкка» мыйзам бузуу териштирилип жатканын кабарлады. Ага чейин социалдык тармактарда мүмкүнчүлүгү чектелген жарандардын добуш берүүсүндө шайлоо купуялуулугу сакталбаганы тууралуу тасма тараган.  Ош аймактык шайлоо комиссиясынын башчысы Расул Кадыров, тасмадан мыйзам бузуу болгонун аныктай алышпаганы үчүн кызматкерлер териштирүү максатында видео тартылган жерге кеткенин айтты. Читать дальше...

«Кыргызгидромет» борбору кабарлагандай 10-12-январь күндөрү жаан-чачын болбойт. Батыштан соккон шамалдын ылдамдыгы секундасына 4-9 метрге, 12-январда күндүз кээ бир райондордо 15-20 метрге жетет. Абанын температурасы: Чүй өрөөнүндө түнкүсүн -10…-15, күндүз 0…5, Талас жергесинде түнкүсүн -10…-15, күндүз 2…7, Баткен облусунда түнкүсүн -7…-12, күндүз -1…+4, Ош, Жалал-Абад дубандарында түнкүсүн -7…-12, күндүз -3…+2, Ысык-Көл облусунда түнкүсүн -8…-13, күндүз -3…+2, Нарын аймагында түнкүсүн -20...-25... Читать дальше...

Кыргызстанда кезексиз президенттик шайлоо жана мамлекетти башкаруунун формасын тандоо боюнча референдум 10-январда өтөт. Үгүт өнөктүгү 15-декабрда башталган. Президенттик жарышка адегенде 18 талапкер чыккан, анын бири талапкерлигин алып салып 17си калган.

Ооганстандын укук коргоо органдары Ооганстандагы эркин жана калыс шайлоо фондунун башчысы Юсуф Рашиддин өлүмүнө байланыштуу үч шектүүнү кармады. Кабул полициясынын расмий өкүлү Фердоус Фарамарц 9-январда кармалгандар тууралуу айтып жатып, алардын аты-жөнүн жана кайсы бир топторго тиешеси бар-жогун тактаган жок. Ооганстанда шайлоолорго көз салган өз алдынча топтун башчысы Юсуф Рашид 2020-жылы 23-декабрда эртең менен Кабулда белгисиз адамдар тарабынан өлтүрүлгөн. Анын өлүмүнө эч ким жоопкерчилик алган эмес. Читать дальше...

Чоң спорт акырындап өз ордуна келип жатат. Абу-Дабиде UFC мушкерлери ар тараптуу колдогон көрүүчүлөрдүн көз алдында кармашат.

Мурдагы премьер-министр, Жогорку Кеңештин экс-депутаты Өмүрбек Бабанов 9-январда Улуттук коопсуздук боюнча мамлекеттик комитетте (УКМК) сурак берип чыкты. Ал журналисттердин суроолоруна жооп берип жатып атайын кызмат мурдагы президент Сооронбай Жээнбековдун бийлиги тушунда козголгон иштер боюнча суракка алганын билдирди. Тергөөнүн купуялуулугун жүйө кылып кайсы иштер экенин ачык айткан жок. УКМК 8-январда маалымат берип атайын кызмат жүргүзгөн сотко чейинки бир нече териштирүүнүн алкагында Бабанов фигурант катары өтүп жатканын кабарлаган. Читать дальше...

Бир катар сайттар Кыргызстандын Жогорку Кеңешинин депутаты Жанарбек Акаев жубайын сабаган деп жазып чыгышты. Андагы маалыматтар боюнча депутаттын жубайы үй-бүлөдөгү зомбулукка байланыштуу Бишкектин Ленин райондук ички иштер башкармалыгына арыз жазган имиш. Аталган райондук милициянын басма сөз кызматы бул тууралуу маалымат таратып, 8-январда саат 13:30дарда Турусбеков көчөсүндөгү үйлөрдүн биринен Бишкек шаардык ички иштер башкармалыгына үй-бүлөдөгү зомбулук боюнча чалуу болгонун билдирди. Патрулдук... Читать дальше...

Улуттук банк криптовалюталарды жүгүртүүгө байланыштуу мыйзам долбоорун коомдук талкууга чыгарды. Документ электрондук акчаны алып-сатуу процессин жөнгө салмакчы. ал кабыл алынса виртуалдык валютаны сом менен сатып алууга мүмкүнчүлүк түзүлөт жана аны уюштурган операторлор лицензия менен иштөөгө өтөт. Бул жагдай Кыргызстанда биринчи жолу мыйзамдаштырылганы турат. Жаңы мыйзамдын баяны «Криптовалюталарды жүгүртүү жөнүндө» жана «Виртуалдык активдер чөйрөсүндөгү айрым мыйзам актыларына өзгөртүүлөрдү... Читать дальше...

BoxingScene порталы россиялык кесипкөй боксчу Александр Поветкиндин атаандашын бүк түшүргөн соккусун 2020-жылдагы мыкты нокаут деп тапты.

Кыргызстанда шайлоо участкаларына келе албаган жарандар 9-январда жараянга катышып жатышат. Борбордук шайлоо комиссиясынын (БШК) маалыматы боюнча, мындай тартип менен добуш берүү үчүн 21 360 адам арыз тапшырган. Саламаттыгы начар жана майыптыгы бар адамдар, ооруканада жаткан бейтаптар, абакта отургандар мөөнөтүнөн мурда президенттик шайлоого бир күн мурда көчмө урна аркылуу добуш беришет. Баткен облусунда ден соолугуна байланыштуу шайлоо участкасына бара албай турган 883 жаран жарандык милдетин аткарууда. Читать дальше...

«Кыргыз темир жолу» мамлекеттик ишканасынын жетекчилигинен 250 миң доллар талап кылган деген шек менен 8-январда кармалган эки адам Мелис Аспеков жана Улан Жураев экени айтылууда. Бул тууралуу «Kaktus.media» порталы укук коргоо органдарынын кызматкерлерине шилтеме берип жазды. Атайын кызмат 9-январда маалымат таратып, «Кыргыз темир жолу» мамлекеттик ишканасынын жетекчилигинен 250 миң доллар талап кылган деген шек менен эки жарандык активист кармалганын билдирген. УКМК берген «М.А.» жана «У.Д.»... Читать дальше...

Эми АКШнын Конгрессинин жогорку үйү – Сенатта да демократтар көзөмөл кылып калышты. Жоржия штатындагы сенатордук орун үчүн ат салышкан республикачы Дэвид Пердью 5-январдагы экинчи айлампада демократ атаандашы Жон Оссофф мырзага жеңилип калгандыгын 8-январда мойнуна алып, Оссофф мырзаны расмий куттуктады. Пердью 2015-жылдан бери бул штаттан сенатор болуп келген. 7-январда болсо республикачы сенатор Келли Лёффлер демократ Рафаэл Уорнокко Жоржия штатындагы дагы бир сенаторлук орунду алдырганын мойнуна алган. Читать дальше...

Улуттук коопсуздук боюнча мамлекеттик комитет (УКМК) «Кыргыз темир жолу» мамлекеттик ишканасынын жетекчилигинен 250 миң доллар талап кылган деген шек менен эки жарандык активистти кармады. Атайын кызмат тараткан маалыматка ылайык, 8-январда УКМКнын Коррупцияга каршы кызматы «Кыргыз темир жолу» ишканасынын жетекчилигинин арызынын негизинде, Жазык кодексинин «Опузалап талап кылуу» беренеси менен сотко чейинки териштирүүнү баштаган. Тергөөнүн жүрүшүндө аныкталгандай, «М.А.» жана «У.Д.» деген жарандар... Читать дальше...

Ички иштер министрлиги (ИИМ) сөз эркиндиги демократиялык мамлекеттин ажырагыс бир бөлүгү экенин билдирди. Бул тууралуу 9-январда мекеменин басма сөз кызматы маалымат таратып, тоз-тополоңдо укук коргоо органдары журналисттердин ишине тоскоолдук жаратпай турганын жана журналисттер өздөрү да коопсуздугуна көңүл бурушу зарыл экенин эске салды. ИИМ журналисттин уруксат берилбеген иш-чараларды чагылдырууга укугу бар экенин, алар митингдерде өздөрүнүн жанына кызматтык күбөлүк, бейджик, мүмкүнчүлүктөрүнө жараша прессаны аныктай турган белгилерди... Читать дальше...

Улуттук коопсуздук боюнча мамлекеттик комитет (УКМК) айрым саясатчылардын, президенттикке талапкерлердин жана алардын тарапташтарынын сүйлөшүүсү делген аудио жазуулар соттук-фоноскопиялык жана филологиялык экспертизага жөнөтүлөрүн билдирди. «Экспертизанын жыйынтыгында бийликти күч менен басып алууга үндөгөн тараптардын аракеттерине юридикалык баа берилет», - деп айтылат маалыматта. Мекеме тараткан маалыматка караганда, атайын кызмат президенттик шайлоо менен референдумдан кийин массалык нааразычылык... Читать дальше...

Коронавируска каршы республикалык ыкчам штабдын 9-январга карата маалыматы боюнча, кечээтен бери бул илдеттен эки адам каза болду. Бишкек шаарында бирөө, дагы бири Талас облусунда. Жалпысынан март айынан бери көз жумгандардын саны 1 367 кишиге жетти. Соңку бир күн ичинде вирус дагы 147 адамдан табылды. Бишкек шаары – 70; Ош шаары – 3; Чүй облусу – 38; Ош облусу – 5; Нарын облусу – 4; Ысык-Көл облусу – 21; Жалал-Абад облусу – 1; Баткен облусу – 5. Оору жуккандардын жалпы саны 82 138 кишиге жетти. Читать дальше...

Кыргызстанда мөөнөтүнөн мурда президенттик шайлоо алдындагы жымжырттык күнү 9-январда эртең менен саат 8:00дө башталды. Бул убакыттан тарта президенттикке ат салышып жаткан талапкерлер үгүт иштерин токтотууга тийиш. «Жымжырттык күнүндө» эл аралап үгүт жүргүзүүгө, маалымат каражаттары аркылуу жарнамаларды жарыялоого тыюу салынат. Бирок буга чейин көчөлөргө илинген көрнөк-жарнактар кала берет. Аларды алып салуу жөнүндө талап жок. Кыргызстанда кезексиз президенттик шайлоо жана мамлекетти башкаруунун... Читать дальше...

АКШнын Конгрессинин демократтар көзөмөлдөгөн Өкүлдөр үйү президент Д.Трампка карата экинчи импичмент жүрүмүн жарыялоого кызуу даярдыктар көрүүдө. Айрым республикачылар бул кадамды колдоого алса, айрымдары бул аракет өлкөдөгү коомду экиге жиктеп салат деп, демократтарды импичменттен баш тартууга чакырышты.    Кризис жана импичмент чакырыгы Америка Кошмо Штаттарында 6-январдагы АКШ Конгресси жайгашкан Капитолийге президент Доналд Трамптын жактоочуларынын зомбулук менен убактылуу кирип барышынан... Читать дальше...

АКШнын шайланган президенти, демократ Жо Байден азыркы президент Доналд Трамп өз кызматын аткарууга жөндөмсүз болуп калганын жарыя кылды. Бирок Байдендин оюнча, Трампка карата АКШ Конгресси экинчи жолу импичмент аракетин баштаар-баштабастыгы жалпы конгрессмендердин чечимине байланыштуу. Бир эле президентке эки жолу импичмент жарыялоо аракети буга чейин АКШ тарыхында болуп көргөн эмес. Маалымат каражаттарынын кабарлашынча, 8-январда Демократиялык партиянын курултайына чогулган демократ мыйзамчылар... Читать дальше...