Новости за 09.05.2019

Соңку беш-алты жылда Экинчи Дүйнөлүк согушка кетип, дайыны чыкпай калган 1883 жоокердин кайда курман болгону жана жайы табылды. Бул тууралуу “Азаттыкка” согушта дайынсыз жоголгондорду издөө иштерин жүргүзгөн “”Эрдик – Подвиг” коомдук фондунун жетекчиси Каныбек Мырзаканов билдирди. "Кайрылуулар абдан көп болуп жатат. Акыркы жылдары дареги дайынсыз 1883 кыргызстандык жоокердин курман болгон жери жана сөөгү кайсыл жерге коюлганы такталды. Биз жакында эле үч үй-бүлөнү узаттык. Алардын аталары Новгород облусуна коюлуптур". Читать дальше...

Ош, 9-май, 2019-жыл. /ca-irnews.com/. Улуу жеңиштин урматына бүгүн, 9-майда, Ош шаарында да салтанаттар өткөрүлөт.

Жогорку Кеңештин мурдагы депутаты Данияр Тербишалиев Бишкектеги Ош базарында жайгашкан "Кыял" улуттук элдик көркөм кол өнөрчүлүк бирикмесине” жетекчи болуп дайындалды. Бул маалыматты “Азаттыкка” Тербишалиев өзү ырастады. Ал 7-майда бирикменин жамааты менен тааныштырылды. "“Кыялдын” ызы-чуусу көп болуп кетти. Эми ирээтке келтиребиз. Мамлекеттик мүлк фонду аркылуу келишимдердин бардыгын өткөрөбүз. Бул жер коррупциянын очогу болуп калыптыр. 40 жылдан бери бир киши башкарып, бир кишинин жеке менчик мекемесине айланган экен". Читать дальше...

“Аэрофлот” авиокомпаниясы соңку күндөрү “Сухой Супержет” (SSJ-100) учагы аткара турган бир канча каттамды токтотту. 8-май күнү кечинде Москвадан Ригага уча турган каттам өз убагынан эки саатка кармалган. Жүргүнчүлөр күйүк жыттанып жатканы тууралуу арызданган соң алар башка “Супержетке” которулду. Ушул эле күнү эртең менен Москва-Минск каттамы техникалык себептерден улам токтотулганы кабарланды. Мындан сырткары Ростов-на-Дону – Москва каттамы учактын рулдагы билдиргичи (датчик) бузулуп калганына байланыштуу каттамдан алынды. Читать дальше...

Улуттук коопсуздук боюнча мамлекеттик комитеттин (УКМК) тогузунчу башкармалыгынын мурдагы башчысы, экс-президент Алмазбек Атамбаевдин жансакчысы Дамир Мусакеев Башкы прокуратура анын байлыгына байланыштуу тараткан маалыматка жооп берип, муну “калп” деп атады. Ал ата-энеси айылда бай болбосо да жакшы чарбасы бар экенин, үй-бүлөдөгү төрт бала тынбай эмгектенгенин билдирди. Мусакеевдин Башкы прокуратурага берген жообун Алмазбек Атамбаев жетектеген КСДП партиясы таратты. “Мунун баары пастык жана кара санатай калп. Читать дальше...

Прокурорлор былтыр ноябрда Хожент түрмөсүндө чыккан тополоңду уюштурууга айыпталып жаткан жарандарга дагы 10-20 жылдан жаза мөөнөтүн кошууну талап кылышты. Бул иш боюнча быйыл мартта башталган сот жабык өтүп жатат. Ага айыпталуучу катары абакта жазасын өтөп жаткан 30дан ашуун киши катышууда. Аларга «Адам өлтүрүү», «Денеге оор залал келтирүү», «Бийлик өкүлдөрүнө каршылык көрсөтүү» жана «Түзөтүү абагындагы режимди бузуу» беренелери боюнча айып тагылган. Булактардын маалыматына караганда, айыпталуучулардын... Читать дальше...

АКШ Иранга карата алюминий, болот, темир жана жез өндүрүүгө байланыштуу жаңы санкцияларды киргизди. Буга байланыштуу жарлыкка Дональд Трамп кол койду. Мындан сырткары Ирандагы металл өндүрүүчүлөргө же болбосо сатуучуларга да чектөө кириши мүмкүн экени болжолдонууда. Документте Вашингтондун аракети Тегеранды өзөктүк программаны каржылоого кетиши ыктымал болгон киреше булактарынан ажыратууга багытталганы белгиленген. АКШнын жаңы санкциялары Иран өзөктүк келишим боюнча айрым милдеттенмелерин аткарууну токтоткондон кийин киргизилип жатат. Читать дальше...

Жер-жерлерде бүгүн 9-майда Улуу Жеңиштин 74 жылдыгы белгиленет. Бишкектеги Жеңиш аянтындагы митинг-реквиемге президент Сооронбай Жээнбеков баштаган өлкө жетекчилери катышат. Бишкекте салтка айланып бараткан “Өлбөс полк” акциясы өтөт. Ага дамамлекет башчы Сооронбай Жээнбеков катышат. Бишкек мэриясынын маалыматына караганда, былтыр бул жүрүшкө 30 миңден ашуун адам катышкан. Саат 10до баштала турган “Өлбөс полк” жөө жүрүшүнүн катышуучулары колуна согуштан кайтпай калган жана кийин каза болгон чоң-ата... Читать дальше...

Тажик бийлиги Улуу Ата Мекендик согуштагы Жеңиштин 74 жылдыгына карата “Өлбөс полк” жүрүшүн өткөрүүгө уруксат берди. Бул маалыматты тажик президентинин коомчулук менен байланыш боюнча жардамчысы Абдужаббор Рахмонзода тастыктады. Эскерүү акциясына каалоочулардын баары барса болот. “Өлбөс полк” акциясы 9-майда Орусиянын көптөгөн шаарларында жана мурдагы СССР өлкөлөрүнүн айрымдарында өтүп келет. Анда адамдар согушка катышкан туугандарынын сүрөттөрүн көтөрүп жүрүшкө чыгышат. Акция биринчи жолу... Читать дальше...

Чолпон-Ата шаарында өтүп жаткан көкбөрү боюнча республикалык турнирде бүгүн финалдык оюндар болот. Биринчи лиганын алкагында “Кара-Буура” жана “Көл-Төр” командалары ойнойт. Ал эми жогорку лига командалары арасындагы финалдык оюн “Достук” жана “Ынтымак” ортосунда өтөт. Бул турнир 4-майда башталган. Бүгүн ошондой эле көкбөрүдөн тышкары Чолпон-Атадагы ат майданда ат оюндары боюнча жарыштар өтөт. “Азаттык” көкбөрү оюндарын түз ободо өзүнүн “Ютуб”, “Фейсбук” баракчалары жана расмий сайты аркылуу түз ободо көрсөтөт. Читать дальше...

Түндө Европанын чемпиондор лигасынын экинчи финалисти аныкталып, ал Англиянын “Тоттенхэм” клубу болду. Голландиянын “Аякс” клубу менен оюнда “Тоттенхэм” алгач 2:0 эсебинде утулуп жатканына карабай, англиялык клубдун оюнчусу Лукас Моура үч гол киргизип, жалпы эсепти 2:3 кыла алды. Буга чейинки оюнда “Аякстын” 1:0 эсебинде жеңишин эске алганда, голдордун жалпы көрсөткүчү 3:3 болуп, конокто көбүрөөк гол киргизген үчүн “Тоттенхэм” финалга чыкты. Кечээ финалга жолдомону биринчи болуп дагы бир Англиянын “Ливерпуль” клубу алган. Читать дальше...