Ысык-Көлдө жол кырсыгынан эки адам өлдү
Ысык-Көл районунда жол кырсыгынан эки эркек киши каза болду. Бул тууралуу «Азаттыкка» Ысык-Көл облустук милициясынын басма сөз катчысы Сталбек Усубакунов билдирди.
Анын маалыматына караганда, кырсык 20-мартта саат 16:50 чамасында Балыкчы-Каракол автоунаа жолунун 139-чакырымында болгон. «Ауди 100» үлгүсүндөгү автоунаанын айдоочусу рулду башкара албай бакты сүзгөн.
Жол кырсыгынан улам автоунаанын айдоочусу — Жаркымбай айылынын 1960-жылы туулган тургуну жана жүргүнчү катары бара жаткан анын айылдашы — 1978-жылы туулган адам каза болгон.
Айрым маалыматтарга караганда, каза болгон эки адам Нооруз майрамына карата даярданып жүрүп кечинде айылга кайтып келе жатышкан. Бул кырсыкка байланыштуу Жаркымбай айылында Нооруз майрамы белгиленбей турган болгон. (AsM)